konka coffee
KONKA

AMAKURU

UKWEZI

Imyigaragambyo mu nkambi ya Kiziba yagarutse, Impunzi zateraguye amabuye n’ibyuma abapolisi

Imyigaragambyo mu nkambi ya Kiziba yagarutse, Impunzi zateraguye amabuye n’ibyuma abapolisi
2-05-2018 saa 08:37' | By Akayezu Jean de Dieu | Yasomwe n'abantu 8317 | Ibitekerezo 6

Kuri uyu wa Mbere tariki 1 Gicurasi 2018, impunzi zo mu nkambi ya Kiziba iri mu karere ka Karongi mu Burengerazuba bw’u Rwanda zongeye kwigaragambya ziteragura amabuye mu bapolisi bari barinze umutekano bamwe zinabatera ibyuma.

Bivugwa ko impunzi zo mu nkambi ya Kiziba zubuye igisa n’imyigaragambyo maze zigerageza kurwanya abashinzwe umutekano aribwo Polisi yahise ifata bamwe muri izi mpunzi batabwa muri yombi.

Ku mugoroba wo kuri iki Cyumweru tariki 1 Gicurasi 2018 nibwo, Polisi y’u Rwanda ibinyujije ku rubuga rwa Twitter yavuze ko ikomeje kubungabunga umutekano mu nkambi ya Kiziba ariko ngo hari impunzi zahutse mu bapolisi bakora irondo zibateragura amabuye n’ibyuma

Yagize iti “Polisi y’ u Rwanda ikomeje igikorwa cyo kubungabunga umutekano mu nkambi y’impunzi ya Kiziba, hagamijwe kubahiriza amategeko no kugarura ituze mu mpunzi.

Uyu munsi abaturage biganjemo abasore bateye amabuye n’ibyuma abapolisi bakora irondo, 23 muri bo bafashwe bashyikirizwa ubugenzacyaha. Polisi irakangurira impunzi kubaho mu ituze, kubahiriza amategeko no kubaha abashinzwe umutekano nk’abandi baturarwanda.”

Mu mpera za Gashyantare 2018, nibwo impunzi zo mu nkambi ya Kiziba zatangiye kwigaragambya icyo gihe izi mvururu zaguyemo impunzi 11 abandi barimo n’abapolisi barakomereka.Abantu bamwe bakunze kumvikana banenga ikoreshwa ry’imbaraga zakoreshejwe kuri ziriya mpunzi, bakavuga ko abashinzwe umutekano bari gukoresha ubundi buryo bushoboka bwo kubatatanya.

Mu kiganiro cya Police n’abafatanyabikorwa bayo kuwa Kane tariki 29 Werurwe 2018, mu kurebera hamwe uko umutekano wifashe mu mezi atatu ashize. Umuyobozi mukuru wa Polisi, IGP Gasana Emmanuel yavuze ko n’ubwo hari abaguye mu myigaragambyo y’impunzi zo mu nkambi ya Kiziba abandi bakahakomerekera, ngo byashoboraga kuba bibi cyane hakaba hagwamo benshi ko ahubwo amahirwe ari uko polisi yakoze kinyamwuga mu rwego rwo guhosha imvururu zari zamaze gufata indi ntera.

IGP Gasana yavuze ko impunzi za Kiziba zitwaye nabi cyane muri kiriya kibazo ko ndetse zari zifite imigambi mibisha, ku buryo iyo polisi itaba maso cyangwa ngo ikore kinyamwuga byari kuba bibi cyane.


INKURU ZA :
Tanga Igitekerezo
Ibitekerezo 6
Claude Kuya 7-05-2018

Iby’iki gihe byose byabaye inshinwa.
Kdi nawe ubaye umunyamakuru muri Africa cg ahasa na ho ni ko wabigenza!

Nzabandora Kuya 4-05-2018

Mujye mwandika ukuri mureke gukora propanda ya fake aho ngaho? Ubu rero muba mugirango mujijeshe abanyarwanda? Ni inde se utazi ukuri!

murisa Kuya 3-05-2018

mbese wamunyakuruwe ibyo uvuga nukuri?nigute wamara icyumweru ugoswe nimbunda warangiza ukazitera amabuye?muge mugerageza kuvugisha ukuri kuko ziriya mbunda zigose inkambi ntizagiyeyo zitagiye kurasa.kdi nawe uhishira ibiba kumpunzi ukazihimbiribinyoma uzabona urirwanda

murisa Kuya 3-05-2018

mbese wamunyakuruwe ibyo uvuga nukuri?nigute wamara icyumweru ugoswe nimbunda warangiza ukazitera amabuye?muge mugerageza kuvugisha ukuri kuko ziriya mbunda zigose inkambi ntizagiyeyo zitagiye kurasa.kdi nawe uhishira ibiba kumpunzi ukazihimbiribinyoma uzabona urirwanda

john Kuya 2-05-2018

u Rwanda rushobora kuba rufite inyungu kuri zino mpunzi

B.JEAN BAPTISTE Kuya 2-05-2018

URWANDA RWARETSE IZO MPUNZI ZIGASUBIRA IWABO ?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...