AMAKURU

UKWEZI
ubumwe

Ingabire M. Immaculée wa Transparency Rwanda yakamejeje mu kwamagana ibiciro bishya by’amazi

Ingabire M. Immaculée wa Transparency Rwanda yakamejeje mu kwamagana ibiciro bishya by’amazi
20-05-2019 saa 15:08' | By Chief Editor | Yasomwe n'abantu 10000 | Ibitekerezo 31

Ingabire Marie Immaculée, umuyobozi wa Transparency International/Rwanda, yahagurukiye kwamagana ibiciro bishya by’amazi byashyizweho n’ikigo cy’igihugu gishinzwe iby’amazi n’isukura (WASAC), akaba avuga ko iki kigo kirimo gushaka ko abaturage baba abashoramari mu bikorwa byacyo byo gutunganya amazi, bityo ngo cyagakwiye no kwereka abo baturage inyungu bazajya bahabwa buri mwaka nk’abashoramari.

Ikibazo cy’ibiciro bishya by’amazi kimaze igihe kivugisha benshi haba mu bitangazamakuru no ku mbuga nkoranyambaga. Mu bakomeje kwamagana byeruye iby’ibi biciro, harimo Ingabire Marie Immaculée wagiye agaragaza ko atazigera aceceka mu gihe WASAC ishaka gukandamiza abaturage ishingiye ku mikorere yayo mibi.

Mu kiganiro n’ikinyamakuru Ukwezi, Ingabire Marie Immaculée ati: "Ubundi ntaho biba, biriya ni ugushaka kutugira aba investors (abashoramari), ntaho biba ko umuturage aba umushoramari mu bikorwa by’amazi."

Ingabire ukomeje kugaragaza ko atarya iminwa kuri iki kibazo cy’izamuka ry’ibiciro by’amazi, ku rubuga nkoranyambaga agaragariza inzego n’abaturage ko ntawe ukwiye kwihanganira ibi bintu. Ingabire Marie Immaculée ati: "Jyewe nzaceceka umunsi bansobanuriye neza impamvu ngomba kuba umushoramari muri WASAC , banyeretse n’inyungu nzajya mbona buri mwaka. Barashaka ko twishyura nka investors (abashoramari) hari aho byabaye? Niba bakora bahomba kubera mismanagement (imicungire mibi) ni ikosa ryacu?"

Ingabire akomeza agira ati: "Ubundi amazi ntiyakaduhenze mu gihe cyose twishyura ayo twakoresheje. Ikibazo ni uko bashaka kutwishyuza n’amafaranga bashyira muri investments (ishoramari) kandi atari twebwe ducuruza amazi. Muri ya myumvire mike yacu, bumvaga tutazabibona"

Ingabire Marie Immaculée asaba Inteko Ishinga amategeko nk’intumwa za rubanda, kuko ari bo bahari bashobora kurengera abaturage. Ati: "Rwose Inteko Ishinga amategeko, nimurengere umuturage, mumuvugire kuko ni we muhagarariye. WASAC na RURA sibo babatoye ba Nyakubahwa . Muri intumwa za rubanda, turabatumye mutuvuganire, turarengana."

Ingabire avuga ko abaturage batanze kwishyura amazi ariko bikwiye gukorwa hashingiwe ku bushobozi bw’abaturage. Ati: "Nta n’ubwo twanze kwishyura amazi rwose, ariko nibatwishyuze amafaranga ahwanye n’ubushozi bwacu. Biriya ni ugukabya kuko bazi ko amazi tutayareka kandi nta wundi uyatanga utari WASAC."


INKURU ZA :
Tanga Igitekerezo
Ibitekerezo 31
Akumuntu KITOKO Kuya 1-06-2019

ibyo Ingabire avuga nibyo cyane. Ariko jye mbona Hari ibigo cg za services Leta itakagombye gu privatiza (privatization). Ubundi Ni gute abaturage b’igihugu bagura amazi..?? Ubundi twagakwiye kuba tuyabonera Ubuntu kuko amazi Ni ubuzima. Kuko ibi birigutuma ubuzima busharira cyane none se nitubura amazi murumva hari ikindi gisigaye ..turapfuye turashize. Abo ba depite rwose bagaramye mu inteko sinzi icyo batumariye....

Flore Kuya 23-05-2019

Ahubwo se babanje bakaduha amazi ibyo kwishyuza bikazaba biza, babona ko bahaye umuturage ibyo yifuza. Bazahindure bajye bazana facture yo kwishyura robinets zabo (zarwaye umugese kubera kudakoreshwa)

Ukuri Kuya 23-05-2019

Imikorere mini yabo niyo ibahobya. Uziko tuyo imeneka ukajya kubambwira ngo bahasane ntibahasane . Amazing akameneka umunsi wose icyumweru kigashira ugasubirayo Dore ko mubyaro bayaduha nkarimwe mucyumweru mukindi cyumweru akongera akameneka, aho kuza gusana bagahitamo kubafungira burundu ntimuzongere no kubona nayo make mwabonaga. Mucyaro ho baragowe naba no mumujyi wenda

Simple citoyen Kuya 22-05-2019

MWe muravuga abadepite? Hari ueo ntavuze izina warufite ibikabyo mumatora yaba ayinteko nayayabanjirije none ejo nabonye agafoto ke kazenguruka kumbuga nkoranyambaga asinziriye mu nteko.

Tayali icyo yashakaga yakigezeho ntakuvugana ibiryo mukanwa kirazira.kdi ibyo abihuriyeho nabandi benshi bakagombye kuvugira rubanda.

Wasac Kuya 22-05-2019

Imikorere mini yabo niyo ibahobya. Uziko tuyo imeneka ukajya kubambwira ngo bahasane ntibahasane . Amazing akameneka umunsi wose icyumweru kigashira ugasubirayo Dore ko mubyaro bayaduha nkarimwe mucyumweru mukindi cyumweru akongera akameneka, aho kuza gusana bagahitamo kubafungira burundu ntimuzongere no kubona nayo make mwabonaga. Mucyaro ho baragowe naba no mumujyi wenda

Bob wine Kuya 21-05-2019

Ariko nkubu iki kibazo abadepite ntumwa za rubanda iyo mubona duhora dutaka mwicecekeye, tukarengana numva mukinura aho mwibuke ibyo twabatumye cg inshingano zanyu? Birababaje mudutabare ntabyo ibihombo bihora muri wasac byaba covered natwe abayobozi bayarya kurenza isiha

Sdnbosco@gmail.com Kuya 21-05-2019

Amazi ntabwo agenda ko hari naho tuyagura 1000/l ubuvuga nawe asubize amaso inyuma arebe niba amazi ariyo ahangayikishije abanyarwanda.Ni avuge Ku mishahara ibanze izamuke tuzabona anayo kwishyura amazi.

lili Kuya 21-05-2019

Uyu si we ejobundi wavugaga ati muri REB haguye umusazi ra? Byahiinduye iki se?
IBYO MUVUGA NI BYO RWOSE: IYO LETA ISHAKA AMAFRANGA YARIWE NA BA SANO N’ABANDI, IMANIKA UMUTURAGE MPAKA IYAMUKUYEMO TUUU, MWARANGIZA NGIO IMIYOBORERE MYIZA.....

ndi imunyarwand Kuya 21-05-2019

RWOSE nibadutabare ,njye naranabandikiye rwose ariko ntacyo basubije !ubu nsigaye njya kubona I kivu ntegerwjeko bazazA bagafunga doreko ntanayo Nabona ahagije !ndakangurira abanyarwanda twese kwamagana QASSAC rwose

Clauzu Kuya 21-05-2019

Tuvugire bari baranze kutwumva,unavugire abarara muri za gare bategereje imodoka abayobozi b’umujyi babazwa bakarumaho bagahuha,irondo ry’umwuga ridakora kinyamwuga...

NUNU Kuya 21-05-2019

urakoze kutuvugira yenda wowe bazakumva barakabije kudukandamiza ibije byose twikiriza tugafunga umunwa

Mugeni Kuya 21-05-2019

Abayobozi bariye amafaranga none barashaka kuyagaruza mu baturage buri mwaka ntibitaba PAC kuko abayariye batayagarura ntibajye kuduatressa koko

Mugeni Kuya 21-05-2019

Abayobozi bariye amafaranga none barashaka kuyagaruza mu baturage buri mwaka ntibitaba PAC kuko abayariye batayagarura ntibajye kuduatressa koko

MamaRegis Kuya 21-05-2019

Ndagushigikiye Marie Immaculee wasac idukoreranabi harubwo iduha facture amazi yarabuze ikakwandikira 60000ukwezi ubundi ikaza igakuraho compteur wajya kuyizana ugasanga yapfuye wazana indi ngo ntazihari ntiziraza voma kugira baguhe facture itariyo mbega twarumiwe

MamaRegis Kuya 21-05-2019

Ndagushigikiye Marie Immaculee wasac idukoreranabi harubwo iduha facture amazi yarabuze ikakwandikira 60000ukwezi ubundi ikaza igakuraho compteur wajya kuyizana ugasanga yapfuye wazana indi ngo ntazihari ntiziraza voma kugira baguhe facture itariyo mbega twarumiwe

Bisengimana Musango Kuya 21-05-2019

Ikibazo cya wasac,iyaba yashyiragaho nibyobiciro,ariko nayomazi akaboneka.ikndi giteyagahinda nuburyo facture isohoka ari forfe bashyizehwibiciro ukobishakiye.

Frederic Kuya 21-05-2019

Mu by, ukuri wasac nireke gukandamiza rubanda umuntu akwiye Kwishyuza amazi yakoresheje kandi kugiciro gikwiye naho kongeza amafr uko bishkiye ntampamvu yabyo Immaculee aravuga ukuri

Gakuba Kuya 21-05-2019

Ibyo Ingabire avuga nibyo rwose kandi abihuriyeho n’abaturage barenga 90% nanjye ndimo!!! Ntago ikigo bizwi na buri wese ko kimaze imyaka n’imyaniko gikorera mu gihombo kubera imicungire mibi ari nako gihindaguranya amazina nk’ay’ishoka kigomba kugaruriza ibihombo byacyo ku baturage. Turasaba abadepite niba Koko ari intumwa z’abaturage kugira icyo bakora.

Gakuba Kuya 21-05-2019

Ibyo Ingabire avuga nibyo rwose kandi abihuriyeho n’abaturage barenga 90% nanjye ndimo!!! Ntago ikigo bizwi na buri wese ko kimaze imyaka n’imyaniko gikorera mu gihombo kubera imicungire mibi ari nako gihindaguranya amazina nk’ay’ishoka kigomba kugaruriza ibihombo byacyo ku baturage. Turasaba abadepite niba Koko ari intumwa z’abaturage kugira icyo bakora.

Gakwaya JD Kuya 20-05-2019

Ooh ni wowe ukwiye kuba depute. Imana ikuturindire

Karinda Jacques Kuya 20-05-2019

Uyu mudamu ndamwemera cyane. Uwaduha benshi bavugisha ukuri nka we. Abandi biyitirira kuba muri civil society bo bari he ko tutabymva?

kaka Kuya 20-05-2019

Ibyo Ingabire avuga nibyo. Birakabije pe

DADA Kuya 20-05-2019

Ndakwemera Ingabire nturya iminwa gusa nkuko utarya iminwa uzagenzure Ruswa iri mu nkiko za Rubavu na Musanze hose.Ni ho iby’amazi byo nanjye ntegereje icyo inteko ishinga amategeko izabikoraho Ni batatuvugira sinzongera gutora kuri urwo rwego ruzaba Nta cyo rutumariye.

Nkurikiy Kuya 20-05-2019

WASAC BAFITE GAHUNDA YO GUKENESHA ABANYARWANDA. N’ IBISANZWE KO KUGEZA AMAZI AGERE KU MUTURAGE YIGURIRA BYOSE AKISHYURA BYOSE; NONE MC Y’ AMAZI 1000FRW YOSE? NI AGAHOTORO PEE! TURISUBIRIRA MU MWANDA W’ IBINAMBA. UBWO LETA IZUNGUKIRA MU BATURAGE B’ ABARWAYI. ABAHAGARARIYE ABATURAGE MUREBE IGIKWIYE MWE RUMURI N’UMUKIRO WA RUBANDA.

Karisa john Kuya 20-05-2019

Ariko nkunda Ingabire,nonese KO intumwa zanrubanda zitumva kurira kwabo nakomeze atuvuganire

Mugarura Jackson Kuya 20-05-2019

Ariko nkuko hari mwitumanaho hari societe nyinshi zitandukanye hazaze nayandi ma societe acuruze amazi kuko amazi burya akenerwa kurusha izo gahunda zindi zitumanaho byumwihariko

Sylvie Kuya 20-05-2019

Into immacule avuze nukuri ahontuye mumyaka ibiri ishize hishyurwaga 4500frw kukwezi yamazi none mubyeyi uyu munsi bampaye facture ndebye mbona 37108 yukukwezi mumbwirekoko inshuro icumizose Kandi ikintangaza abayakoreshaga baragabanutse ubwo Koko twabyota iki icyo kibazo gikemuke pe.

Kalisa Kuya 20-05-2019

Ingabire Immaculée ubu nibwo wakabona ko abaturage barengana?
Kwitabaza abadepite urabona ari wo muti? Bahagarariye rubanda? batowe bate? Ingabire ntukigire nyoni nyinshi. Wa muhungu wanditse mu mvaho (1997) ngo yagiye kubonana na minisitiri mwene wabo aracyariho, aragukurikirana agatangara!

Yeta Kuya 20-05-2019

Uyu mugore nawe yigize igitangaza. Yakuruye aye akareka gushinga kuri WASAC.

keza Kuya 20-05-2019

birakabije nukuri

GASARO Kuya 20-05-2019

IBYO INGABIRE AVUGA NUKURI ABATURAGE BATUGIZE ABASHORAMARI KABISA NIBADUSOBANURIRE INYUNGU DUGITRMO SINON BAZE BAVUNGE IMIGEZI YABO

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...