konka coffee
KONKA

AMAKURU

UKWEZI

Iyo ufata neza umubiri ubwonko nabwo bukora neza- Perezida Kagame

Iyo ufata neza umubiri ubwonko nabwo bukora neza- Perezida Kagame
17-06-2018 saa 18:58' | By Akayezu Jean de Dieu | Yasomwe n'abantu 3334 | Ibitekerezo 2

Perezida wa Repubulika y’u Rwanda, Paul Kagame wari wifatanyije n’abatuye Umujyi wa Kigali muri siporo rusange yavuze ko burya gufata neza umubiri ukora imyitozo ngororamubiri bituma n’ubwonko butekereza neza

Umukuru w’Igihugu yatangaje ibi kuri iki Cyumweru tariki 17 Kamena 2018, ubwo yagezaga impanuro ku bitabiriye (Car Free Day) siporo isanzwe iba buri Cyumweru cya mbere n’icya Gatatu cy’ukwezi.

Perezida Kagame nawe wari witabiriye iyi siporo yavuze ko bishimishije kuba iyi siporo yitabirwa n’ab’ingeri zose by’umwihariko abakiri bato n’abageze mu za bukuru ashimangira ko iyo umubiri umeze neza n’ubwonko bukora neza

Yagize ati "Ndabona abakiri bato n’abageze mu za bukuru hano. Ndagirango mbashimire ko mwitabira iyi myitozo ngororamubiri.Iyo ufata neza umubiri, ubwonko nabwo bukora neza"

Yakomeje agira ati "Uyu munsi naje kubasuhuza no gufatanya namwe kugorora ingingo. Mbifurije weekend nziza n’ubuzima bwiza" Tariki 3 Ukuboza 2017, Perezida Kagame yifatanyije n’abatuye Umujyi wa Kigali muri siporo ngarukakwezi, asaba ko yakongererwa amasaha kugira ngo irusheho gutanga umusanzu mu gutuma Abanyarwanda bagira ubuzima bwiza.

Nyuma, Ubuyobozi bw’Umujyi wa Kigali bwatangaje ko hagendewe ku cyifuzo cy’Umukuru w’Igihugu guhera muri Mutarama uyu mwaka ‘Car Free Day’ izajya iba kabiri, ku Cyumweru cya mbere cy’ukwezi n’icya gatatu cyako.

Car Free Day ni gahunda yatangiye muri Gicurasi 2016 igamije gushishikariza abatuye Umujyi wa Kigali umuco wo gukora siporo no kubiborohereza; gushishikariza abaturage kwirinda indwara zitandura.

Iki gikorwa kandi kiri muri gahunda yo kwigisha no kumenyereza abantu ko imihanda itubakirwa imodoka gusa, ahubwo ko yubakirwa abantu. Ibi bigafasha mu kugabanya ubucucike bw’imodoka, ndetse n’ihumanywa ry’ikirere. Iyi siporo ikorwa no mu bindi bice bitandukanye by’igihugu.


INKURU ZA :
Tanga Igitekerezo
Ibitekerezo 2
tttt Kuya 19-06-2018

Yego rata,hhhhh siporo niyabahaze .

john Kuya 18-06-2018

ni gute wafata neza umubiri inzara nu bushomeri bikumereye ntabi???

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...