konka coffee
KONKA

AMAKURU

UKWEZI

Jeannette Kagame yahaye umukoro ababyeyi ku burere bw’abana babo

Jeannette Kagame yahaye umukoro ababyeyi ku burere bw’abana babo
16-06-2018 saa 15:24' | By Akayezu Jean de Dieu | Yasomwe n'abantu 2542 | Ibitekerezo 1

Umufasha wa Perezida wa Repubulika, Madamu Jeannette Kagame wari wifatanyije n’abaturage bo mu Ntara y’Amajyaruguru mu kwizihiza umunsi wahariwe umwana w’Umunyafurika wari wahujwe n’umunsi mpuzamahanga wo kurwanya imirimo mibi ikoreshwa abana yahaye umukoro ababyeyi wo kujya baganira n’abana babo bakabatoza kuyobora ibitekerezo byabo neza banashakisha igishya cyatez imbere umuryango ahamya ko ibi bizafasha mu kuba u Rwanda

Ibi umufasha w’Umukuru w’Igihugu yabigarutseho kuri uyu wa Gatandatu, ubwo yari mu murenge wa Nemba, akarere ka Gakenke, mu muhango wo Kwizihiza umunsi wahariwe Umwana w’Umunyafurika wizihizwa buri wa 16 Kamena. Uyu mwaka uyu munsi ukaba wahujwe n’Umunsi Mpuzamahanga wahariwe kurwanya imirimo mibi ikoreshwa abana.

Madamu Jeannette Kagame yavuze ko kwizihiza uyu munsi bikwiye kujyana no guharanira uburenganzira bw’umwana no kurandura inzitizi zibangamira imikurire ye.

Yagize ati “Kwizihiza neza iyi minsi uko ari ibiri, bikwiye kujyana no guharanira uburenganzira bw’umwana no kurwanya inzitizi zose zabangamira imikurire ye, ari nabyo bimufasha kuba umwana wizihiwe kandi wagutse mu mitekerereze no mu myumvire. Uyu munsi turishimira ko urwego mpuzabikorwa rwa gahunda mbonezamikurire y’abana bato rwashyizweho kandi ko rwabashije guhuriza hamwe abafatanyabikorwa bose bagira uruhare muri iyi gahunda.”

Yakomeje avuga kandi ko abana aribo mizero n’imbaraga z’igihugu. Ashimangira ko ari ab’agaciro kandi u Rwanda rubatezeho byinshi

Ati “ Imbaraga zose ababyeyi n’abarezi bashyira mu kwita ku burere bwanyu no kubashakira ubuzima bwiza, nta musaruro zatanga mwebwe mutabigizemo uruhare”

Madamu Jeannette Kagame kandi yavuze ko igihe hakorwa igenamigambi ry’Akarere n’zindi nzego hakwiye kujya habaho guteganyiriza gahunda mbonezamikurire y’Abana bato kuko ari igishoro gikomeye ndetse inyungu zizavamo zizadufasha kubaka u Rwanda rufite ubukungu buhamye bishingiye ku bumenyi bw’abana barwo.

Umufasha wa Perezida wa Repubulika kandi yahaye umukoro ababyeyi wo kujya baganira n’abana babo bakabatoza kuyobora ibitekerezo byabo neza hagamijwe ahamya ko ibi bizafasha mu kuba u Rwanda

Yagize ati “Nk’ababyeyi tugomba kuganira n’abana, kubatoza kuyobora ibitekerezo byabo neza, guhora bashakisha igishya mu guteza imbere umuryango, hakoreshejwe ikoranabuhanga no gusangiza abandi ubumenyi bafite. Ibi bizadufasha kubaka u Rwanda.”

Nk’uko bigaragazwa n’inyigo yakozwe na Minisiteri y’Abakozi ba Leta n’Umurimo mu gihugu hose, kuva mu mwaka wa 2016, abana barenga ibihumbi umunani (8,383) bakuwe mu mirimo itandukanye basubizwa mu ishuri no mu miryango yabo.


INKURU ZA :
Tanga Igitekerezo
Ibitekerezo 1
REMEMBER Kuya 21-06-2018

Uri umubyeyi mwiza wita ku bana, cyane cyane aboroheje n’abababaye. Imana ntizibagirwa uwo murimo kandi nta shiti izawuguhembera.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...