AMAKURU

UKWEZI

Kagame yavuze ku kuba u Rwanda na Afurika y’Epfo bagirana ibiganiro kuri Kayumba Nyamwasa

Kagame yavuze ku kuba u Rwanda na Afurika y’Epfo bagirana ibiganiro kuri Kayumba Nyamwasa
12-06-2018 saa 07:58' | By Akayezu Jean de Dieu | Yasomwe n'abantu 5832 | Ibitekerezo 2

Perezida wa Repubulika y’u Rwanda, Paul Kagame yavuze ko Guverinoma y’u Rwanda itazahwema kugeza kuri Afurika y’Epfo ikibazo cya Kayumba Nyamwasa wakatiwe n’inkiko z’u Rwanda akaba acumbikiwe muri Afurika y’Epfo aho akorera ibikorwa bye byo kurwanya Leta y’u Rwanda.Gusa ariko kandi ngo iyi ntabwo ariyo mpamvu yo kuvugurura umubano w’ibihugu byombi.

Kayumba Nyamwasa wabaye Umusirikare Mukuru mu Ngabo z’u Rwanda yakatiwe adahari mu 2011 gufungwa imyaka 24 no kwamburwa impeta za gisirikare n’Urukiko Rukuru rwa Gisirikare, biturutse ku byaha birimo kurema umutwe w’iterabwoba, kubangamira umutekano w’igihugu, kurema amacakubiri no gutoroka igisirikare.

Mu kiganiro yagiranye na Jeune Afrique, Perezida Kagame yabajijwe ku mubano w’u Rwanda na Afurika y’Epfo nyuma y’aho uwari Perezida w’iki gihugu, Jacob Zuma yeguriye agasimburwa na Cyril Ramaphosa.

Kuva mu 2009 ubwo yatorerwaga kuyobora iki gihugu, Afurika y’Epfo n’u Rwanda byabaye ibihugu bitigeze bicana uwaka. Ku butegetsi bwa Jacob Zuma nibwo iki gihugu cyabaye indiri n’ubwihishobw’ abarwanya ubutegetsi bw’u Rwanda benshi muri banafite ibyaha bakurikiranyweho n’ubutabera bw’u Rwanda harimo na Kayumba Nyamwasa kuri ubu wakatiwe imyaka 24 n’Inkiko z’u Rwanda.

Perezida Zuma kandi yari umuntu wa hafi cyane w’uwahoze ari Perezida wa Tanzania, Jakaya Kikwete, nawe wakunze kuvugwaho kurwanya gahunda zimwe na zimwe za Guverinoma y’u Rwanda.

Jacob Zuma yaje kwegura ku mwanya wa Perezida w’iki gihugu ku wa 14 Gashyantare 2018 nyuma y’iminsi yotswa igitutu n’ishyaka rye hamwe n’abatavuga rumwe n’ubutegetsi kubera ibyaha bifitanye isano na ruswa akekwaho.

Nyuma y’ubwegure bwa Zuma, Cyril Ramaphosa wari Visi Perezida niwe wahise umusimbura, umugabo utarahwemye kugaragaza ko ashyigikiye u Rwanda ndetse n’inshuro zose yarujemo akagaragaza ko yifuza umubano mwiza hagati n’ibihugu byombi.

Perezida Kagame yabajijwe niba kuba u Rwanda rufitanye umubano mwiza na Afurika y’Epfo muri iki gihe, atari igihe cyiza cyo kuba habaho ibiganiro na Perezida Cyril Ramaphosa bivuga kuri Kayumba Nyamwasa uba mu buhungiro muri iki gihugu ariko ushinjwa ibyaha bitandukanye mu Rwanda.

Umukuru w’Igihugu yasubije ko atari ibintu byiza kuba igihugu cyacumbikira umuntu ushaka guhungabanya icyo akomokamo.

Ati “Tuzabireba. Sintekereza ko ari igitekerezo cyiza kuba igihugu icyo aricyo cyose cyacumbikira umuntu ukekwa hanyuma kikamwemerera kugerageza guhungabanya igihugu akomokamo. Ku bw’ibyo rero, tuzakomeza kugeza kuri Guverinoma ya Afurika y’Epfo igitekerezo cyacu cyo kwiga kuri iki kibazo, gusa atari nk’impamvu yo kuvugurura umubano wacu.” Kayumba Nyamwasa wakatiwe imyaka 24 y’igifungo ndetse yanambuwe amapeti n’Urukiko rwa Gisirikare hano mu Rwanda

Lt Gen Kayumba Faustin Nyamasa yigeze kuba umugaba mukuru w’ingabo z’u Rwanda, nyuma aza guhagararira u Rwanda mu Buhinde ku mwanya wa ambasaderi, aho yavuye afata iy’ubuhungiro akerekeza muri Afurika y’Epfo.

Muri 2011, Lieutenant General Kayumba Nyamwasa yahamwe n’ibyaha byo kurema umutwe w’abagizi ba nabi, gukurura amacakubiri n’ivangura; ibyaha bivutsa igihugu na Leta umudendezo no gusebanya. Yahamwe kandi n’icyaha cyo gutoroka igisirikare..

Yaburanishijwe adahari, akatirwa imyaka 24 y’igifungo. Afatanyije na bagenzi be barwanya Perezida Kagame n’ubutegetsi bwe, bashinze ishyaka RNC rirwanya byeruye ubutegetsi bw’u Rwanda. Prezida Kagame na Cyril M Ramaphosa Umubano w’ibihugu byombi uri kugenda uhindura isura


INKURU ZA :
Tanga Igitekerezo
Ibitekerezo 2
sam Kuya 14-06-2018

turamwemera cyane!

Umuzabibukarangwa Kuya 12-06-2018

Mzee Wacu turakwemera mu gutsura umubano mwiza w,u Rda N,amahanga Komeza Utsinde .

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...