konka coffee
KONKA

AMAKURU

UKWEZI

Kanyankore Alex wayoboraga BRD yatawe muri yombi

Kanyankore Alex wayoboraga BRD  yatawe muri yombi
3-10-2018 saa 08:09' | By Vincent Nsengiyumva | Yasomwe n'abantu 7273 | Ibitekerezo 8

Uwahoze ari Umuyobozi Mukuru wa Banki y’u Rwanda Itsura Amajyambere (BRD) Kanyankore Alex, yatawe muri yombi aho akurikiranyweho ibyaha by’itonesha no kwakira impano ubwo yayoboraga iyi Bank.

Amakuru y’itabwa muri yombi rya Kanyankore Alex yatangajwe n’Urwego rw’Ubugenzacyaha RIB, mu gitondo cyo kuri uyu wa Gatatu tariki ya 3 Ukwakira 2018.

Mu itangazo Urwego rw’Igihugu rw’Ubugenzacyaha bwanyujije kuri Twitter, riragira riti "Uwahoze ari umuyobozi mukuru wa Banki y’u Rwanda Itsura Amajyambere (BRD) Kanyankore Alex yatawe muri yombi kubera ibyaha akekwaho by’itonesha no kwakira impano kugirango atange serivisi mu gihe yari umuyobozi."

Ku wa 7 Ukuboza 2017 nibwo inama y’Ubutegetsi ya BRD yateranye maze ihita yanzura ko Kanyankole Alex wayoboraga iyi Banki ahita ava ku buyobozi maze bahita batora umusimbura kuri uyu mwanya.

Icyo gihe Eric Rutabana wari ukuriye ishami ry’ishoramari muri banki y’abaturage (BPR) niwe wahise asimbura Kanyankole Alex wari umaze imyaka ine ayobora BRD.

Mbere y’uko agirwa Umuyobozi wa BRD, Alex Kanyankole yari umuyobozi mukuru w’Ikigo cy’igihugu gishinzwe ibyoherezwa mu mahanga, NAEB yamazemo imyaka ibiri, ubwo yari avuye ku buyobozi bw’Ikigo gishinzwe kawa, (OCIR-CAFE 2008 -2011) mu gihe mbere yaho yayoboye OCIR-THE 2005 kugeza 2008

Uwahoze ari Umuyobozi Mukuru wa BRD ,Kanyankore Alex, yatawe muri yombi


INKURU ZA :
Tanga Igitekerezo
Ibitekerezo 8
ttttt Kuya 5-10-2018

Aha, nakumiro!

Bazina Kanyankore Kuya 4-10-2018

Ngo kwakira impano ubwo se impano kuba yarazakiriye bivuzeko atari kwakira impano kuko yari umuyobozi ari aho hafungwa benshi

iganze Kuya 4-10-2018

Ku bya ruswa, ahari uwajya ahemba abatayirya kuko nibo bake, naho gufunga abayirya ni uko ibimenyetso bigoye naho ubundi ntiwabona gereza bakwirwamo.

abana Kuya 3-10-2018

Komera Murokore , Imana izakurengera.

felix Kuya 3-10-2018

Impamvu uvuga ibyo nuko ntako wayarya nawe uwayagushyiramo.

Munyemana Kuya 3-10-2018

Kwakira impano ni ukurya Ruswa.Igitangaje nuko abantu bakize barya ruswa,kubera gushaka gukira cyane.Nyamara muli 1 Timote 6:6,Imana idusaba "kunyurwa" n’ibyo dutunze (contentment).Imana ivuga ko gukira cyane ari "umuzi w’ibibi byinshi.Ndetse ubukire butubuza gusinzira nkuko Umubwiriza 5:12 havuga.Umuntu wese ushaka IBYISHIMO nyakuri,ashaka imana cyane,ntatwarwe n’ibyisi.Ikindi kandi,abantu bose bakunda ibyerekeye imana,bazahembwa ubuzima bw’iteka muli paradizo iri hafi cyane .Niba dushaka ubuzima bw’iteka,ntitukibeshye ko ubuzima gusa ari amafaranga,shuguri,politike,etc...Kubera ko abo byatwaye,akaba aribyo baheramo,imana ibafata nk’abanzi bayo nkuko Yakobo 4:4 havuga.Bityo bakazabura ubuzima bw’iteka kandi ntibazazuke ku munsi w’imperuka wegereje (Abagalatiya 6:8).

kigali Kuya 3-10-2018

uyu mugabo ndamukunda cyane yari inyangamugayo sinzi icyo azize.

nshimiyimana cedric Kuya 3-10-2018

I byiza cyane kabisa kubona abantu bintwari

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...