konka coffee
KONKA

AMAKURU

UKWEZI

Kayisire uhatanira kuba umudepite yagaragaje icyo abagore benshi mu nteko bamariye u Rwanda

Kayisire uhatanira kuba umudepite yagaragaje icyo abagore benshi mu nteko bamariye u Rwanda
1-09-2018 saa 05:47' | By Chief Editor | Yasomwe n'abantu 3280 | Ibitekerezo 5

U Rwanda ni igihugu cyamamaye mu mahanga mu kugira umubare munini w’abagore mu Nteko Ishinga Amategeko. Izi ntumwa za rubanda zigira uruhare mu gutora, guhindura, kuvugurura, kunoza no gushyiraho amategeko, hari ikintu gikomeye zakoreye Abanyarwandakazi nk’uko bishimangirwa na Kayisire Pauline uri mu bahatanira guhagararira urubyiruko mu nteko ishinga amategeko y’u Rwanda.

Kayisire Pauline w’imyaka 29 y’amavuko, ni umubyeyi wubatse ufite umugabo n’abana batatu. Uretse kuba ari rwiyemezamirimo w’indashyikirwa wanabiherewe igihembo, asanzwe akora imirimo inyuranye ahuriramo cyane n’urubyiruko, ariko by’umwihariko nk’umugore ukiri muto akaba ashaka kurushaho kubaka umuryango nyarwanda abinyujije mu kuba ijwi ryabo, aho abona abana b’abakobwa mu rubyiruko yakwibandaho agamije kurushaho kubaka umuryango mwiza uzaba ishema ry’igihugu.

Mu kiganiro yagiranye n’Ikinyamakuru Ukwezi, yasobanuye by’umwihariko uburyo abagore basanzwe mu Nteko ishinga amategeko bagize uruhare mu ishyirwaho ry’amategeko yarengeye abagore, akumva n’abandi bazajyamo bagomba gukomereza aho bakiyubakira igihugu.

Yagize ati: “Abagore basanzwe mu nteko hari uruhare rugaragara bagize mu ivugururwa ry’amategeko arengera umuryango nko kuba baravuguruye itegeko riha uburenganzira umukobwa cyangwa umugore ku mutungo, ibyo urabizi ko mbere bitabagaho ariko ubu abana bose bafite uburenganzira bungana. Ibyo bigenda bizamura igihugu kuko byatumye n’abana b’abakobwa bagirirwa icyizere bakiga, ubu ukaba ubasanga mu myanya inyuranye y’ubuyobozi n’inzego zifata ibyemezo”

N’ubwo ahatana mu mwanya w’uhagarariye urubyiruko mu Nteko Ishinga amategeko, Kayisire Pauline ashimangira ko naramuka atorewe uyu mwanya, azafatanya n’abandi mu kuba intumwa nziza y’abagore cyane ko n’ubundi abanyarwandakazi benshi ari urubyiruko.

Yagize ati: “Nk’umugore nkaba n’urubyiruko nzafatanya na bagenzi banjye gusaba inzego zishinzwe kwegera urubyiruko kongera ingufu mu byo kuruhugura ku kwihangira imirimo no kurushaho kurusobanurira rugaragarizwa amahirwe igihugu cyaduhaye ngo tuyabyaze umusaruro. Nkaba mboneyeho no gushimira ubuyobozi bw’igihugu cyacu budahwema kudutekerereza no kutwifuriza ibituganisha aheza. Ikindi tugomba gutinyuka kuko turashoboye. “

Kayisire kandi avuga ko hari imyumvire ikiri mu bakobwa bacye asanga ikwiye gucika kugirango igihugu gikomeze gutera imbere, nk’aho hari abakisuzugura bakumva ko hari ibyo batashobora ndetse hakaba n’abakabya kabavuga ko impamyabumenyi y’umukobwa ari ukubona umugabo. Ibi ngo igikenewe ni gukorana n’inzego zibishinzwe hagashakwauburyo hakongerwa ingufu mu guhugura urubyiruko rw’abakobwa n’abagore bagasobanurirwa cyane ko bagomba guhindura imyumvire no kujyana n’aho igihugu kigana.

Kayisire Pauline asanzwe ari Umunyamabanga w’inama y’igihugu y’urubyiruko ku rwego rw’akarere ka Huye, akaba n’umujyanama muri njyanama y’aka karere. Uretse ibyo, ni rwiyemezamirimo wahawe igihembo gihabwa ba rwiyemezamirimo bato b’indashyikirwa ku rwego rw’igihugu (Youth Connect Award) mu mwaka wa 2015. Ubu ari mu biyamamariza guhagararira urubyiruko mu Nteko Ishinga amategeko y’u Rwanda, kandi ngo yumva afite icyizere cyo kuzatsinda mu matora azaba muri izi ntangiriro z’ukwezi kwa Nzeri.

Afite impamyabumenyi y’icyiciro cya kabiri cya Kaminuza A0 mu ishami ry’ubuzima Rusange (Public Health). Mu yindi mirimo yakoze mbere, kuva muri 2009 kugeza muri 2010 yakoranye n’icyahoze ari PSI Rwanda mu bukangurambaga mu rubyiruko, naho kuva muri 2010 kugeza muri 2015 aba umuyobozi mu nzego z’ibanze aho yari umunyamabanga nshwingwabikorwa w’akagari.


INKURU ZA :
Tanga Igitekerezo
Ibitekerezo 5
byiringiro emmanuel Kuya 3-09-2018

urashoboye pe kandi najye kuri inyuma kandida dépité byiringiro EMMANUEL

damas Kuya 2-09-2018

Bonne chance Pauline urashoboye

damas Kuya 2-09-2018

Bonne chance Pauline urashoboye

Kari Kuya 1-09-2018

Ninkabodushaka jyendabona yavamo umudepite mwiza . Courage kbs

Kari Kuya 1-09-2018

Ninkabodushaka jyendabona yavamo umudepite mwiza . Courage kbs

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...