konka coffee
KONKA

AMAKURU

UKWEZI

Kigali: Abarokotse baherukaga inka mbere ya Jenoside bishimiye kongera kugabirwa

Kigali: Abarokotse baherukaga inka mbere ya Jenoside bishimiye kongera kugabirwa
19-05-2018 saa 08:45' | By Akayezu Jean de Dieu | Yasomwe n'abantu 893 | Ibitekerezo

Kuri uyu wa Gatanu tariki 18 Gicurasi 2018, mu murenge wa Jali, akarere ka Gasabo mu Mujyi wa Kigali, Umuryango Nyarwanda (Rwanda Children Education Foundation) ufasha abatishoboye by’umwihariko mu bijyanye n’uburezi bw’abana wahaye inka abaturage babiri barokotse, bavuga ko mbere ya Jenoside yakorewe Abatutsi muri Mata 1994 bari batunze amashyo akaza gutwarwa n’ababahigaga ari nabo banabiciye imiryango ariko kuri ubu bakaba bishimiye ko bongeye korozwa n’uyu muryango wabatekerejeho.

Izi nka zatanzwe n’umuryango ‘RCEF’ ni ebyiri zifite agaciro k’amafaranga y’u Rwanda agera kuri 900,000Frw aho abazihawe bavuze ko mbere ya Jenoside bari bafite amashyo ndetse uyu munsi wa none bakaba bishimiye ko bongeye gutunga inka nyuma y’igihe kirekire ndetse banashima ababatekereje.

Sebera Abdu, wo mu mudugudu w’agatwa, akagari ka Nkusi mu murenge wa Jali wo mu karere ka Gasabo Umujyi wa Kigali yavuze ko yari abayaho mu buzima bukomeye ndetse byari bigoranye kubona ibitunga umuryango we kuko yahingaga akabura ifumbire bityo ntiyeze arik kuri ubu akaba yizeye ko agiye kubaho neza ahinga akeza akabasha kurihira abana amashuri ndetse n’abana babashe kujya ku ishuri.

Marceline ufite umuryango w’abana batandatu n’umugabo batuye mu mudugudu wa Gitaba akagari ka Nyakabungo muri uyu murenge avuga ko atari afite ubushobozi bwo kubona amafaranga yo kugura inka akaba rero yari afite imbogamizi zo guhinga ntiyeze kubera kubura ifumbire anahamya ko ari amahirwe kuko anafite abana bato izajya ibyara bakabona amata bityo agaca ukubiri n’ibibazo by’imirire mibi.

REBA VIDEO HANO UKO ABA BABYEYI BABISOBANURA:

Umuyobozi mukuru wa ‘RCEF’, Jeanine Mukarubega yavuze ko impamvu batekereje gutanga inka ku barokotse Jenoside yakorewe Abatutsi batishoboye ari uko baje mu Rwanda mu gihe cyo kwibuka ku nshuro ya 24 ndetse bakaba bazi neza uburyo iyi Jenoside yasenyeye benshi ndetse n’abayirokotse bakaba bari abatunzi.

Yagize ati “Tuzi uburyo abantu bababaye, uburyo abari batunze babuze ibyo bari batunze n’ubu hari umaze kubivuga mu bagabiwe avuga ati mbere ya Jenoside twari dufite amashyo ariko kuva yarangira ubu nibwo nongeye kubona inka”

Yakomeje agira ati “Ni ikintu kinkozeho kandi ni ikintu numvise nezerewe tukaba rero twaragitekereje kugira ngo twereke ko n’abacitse ku icumu mu mibereho yabo, mu bibazo byabo hari abantu babatekereza kandi bari kumwe nabo ni nko kubabwira tuti ni mukomere, ni muhumure hari abantu bari kumwe nabo kandi babashyigikiye”

Jeanine Mukarubega kandi yavuze ko iki gikorwa bazakomeza kugikora aho bateganya gukomeza gukorana n’akarere ka Gasabo mu gufasha aba bahawe inka zikajya zibona ubuvuzi n’ubwatsi, kandi bakanareba uburyo bazafasha n’abandi batishoboye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...