konka coffee
KONKA

AMAKURU

UKWEZI
ubumwe

Kigali: Robot Sophia yavuze Ikinyarwanda inashima ikoranabuhanga u Rwanda rugezeho

Kigali: Robot Sophia yavuze Ikinyarwanda inashima ikoranabuhanga u Rwanda rugezeho
15-05-2019 saa 17:16' | By Jean Claude Habimana | Yasomwe n'abantu 4548 | Ibitekerezo

Umukobwa w’ umukorano uri mu Nama ya Transform Afurika iteraniye I Kigali yashimiye Leta y’ u Rwanda aho igeze ikoresha ikoranabuhanga by’ umwihariko drones zitwara amaraso, mu byatunguye abantu harimo kuba iyi robot yavuze Ikinyarwanda.

Iyi nama yatangiye ejo tariki 14 izarangira tariki 18 Gicurasi 2019, intego yayo muri rusange ni ugushaka icyakorwa cyo umugabane wa Afurika wihute mu ikoranabuhanga.

Perezida w’ u Rwanda Paul Kagame niwe wafunguye ku mugaragaro iyi nama akaba yasabye abanyafurika kwishakamo ibisubizo kuko barimo abahanga bashoboye.

Uretse abakuru b’ ibihugu barimo Perezida wa Kenya Uhuru Kenyatta, Perezida w’ u Rwanda Paul Kagame n’ uwa Mali Ibrahim Keita batangiye muri iyi nama ubutumwa bw’ aho ibihugu byabo bigeze mu guteza imbere ikoranabuhanga, iyi nama ya TAS2019 ifite umwihariko wo kuba yagaragayemo robot ikoze nk’ umuntu nayo yatanze ikiganiro.

Mu ijambo yagejeje ku bitabiriye iyi nama ya TAS2019, Robot Sophia cyashimiye Leta y’u Rwanda aho igeze mu ikoranabuhanga.

Yagize iti “U Rwanda ni igihugu kimaze kuba ubukombe mu gukoresha ikonabuhanga, aho ubu utudege tutagira abapirote tuzwi nka Drones, turi kwifashishwa mu buzima no mu buhinzi”

Sophia yakomeje ivuga ko umugabane w’Afurika ukeneye ikoranabuhanga rihanitse mu bikorwa by’ubuhinzi hagamijwe ko umugabe wihaza mu biribwa ubwawo.

Sophia ni imashini ifite imiterere y’abantu ikagira n’ubwenge butangaje, yakozwe n’Ikigo cyo muri Hong Kong cyitwa Hanson Robotics mu 2015. Nyuma yaje guhabwa ubushobozi bwo kuvuga neza Icyongereza n’izindi ndimi, no kugaragaza ibimenyetso bisaga 50 yifashishije isura yayo.

Perezida Paul Kagame atangiza iyi nama yasabye Abanyafurika kwishakamo ibisubizo by’ibibazo Afurika ifite.

Yagize ati “Ibisubizo by’ ibibazo Abanyafurika bafite biri hatagi muri bo nta handi bishobora guturuka”

Transform Africa iteraniye I Kigali ku nshuro ya gatanu, iy’ uyu mwaka wa 2019 yahuje abarenga 4000 baturutse hirya no hino ku Isi.

Robot Sophia,ikozwe mu buhunga buhanitse kuko ishobora kuvugana n’abantu, ikanabasha kuvuga ijambo imbere y’imbaga y’abantu mu ndimi zirenze rumwe. Robot Sophia yasuhuje abitabiriye iyi nama ikoresheje Ikinyarwanda, Icyongereza, Icyarabu, n’ Igiswahili. Mu kinyarwanda yagize iti "Muraho neza"

Umukuru w’igihugu, Paul Kagame ubwo yari abajijwe ikibazo n’umusangiza w’amagambo ijambo yumva yageza ku Banyafurika, yavuze ko nta wundi muntu uteze guteza imbere umugabane wa Afurika usibye Abanyafurika ubwabo.

Ati “Ibisubizo by’ ibibazo Abanyafurika bafite biri hatagi muribo ubwabo nta handi bishobora guturuka bitavuye muri mwe ubwanyu”.

Ubusanzwe Inama ya Transform Africa ihuriramo inzobere mu ikoranabuhanga n’udushya, hagasangizwa ubuhanga n’ubumenyi, byumwihariko harembwa ikoranabuhanga rizamura umugabane w’Afurika. Inama ya Transform Afurika itegurwa n’ihuriro rya Smart Africa, aho ubu iri hamaze kumenyekana ibihugu binyamuryango 26.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...