konka coffee
KONKA

AMAKURU

UKWEZI
ubumwe

Ku nshuro ya 3 Perezida Kagame yahagaze I Musanze asuhuza abaturage [VIDEO]

Ku nshuro ya 3 Perezida Kagame yahagaze I Musanze asuhuza abaturage [VIDEO]
8-05-2019 saa 17:24' | By Nsanzimana Ernest | Yasomwe n'abantu 7316 | Ibitekerezo 1

Perezida w’ u Rwanda Paul Kagame yongeye guhagaragara mu mujyi wa Musanze asuhuza abaturage. Ni ubwa 3 akoreye iki gikorwa mu mu mujyi wa Musanze kuva mu myaka itatu ishize.

Kuri uyu wa Gatatu tariki 8 Gicurasi 2019, ubwo Perezida Kagame yari avuye gusura abaturage mu karere ka Burera hagaze mu mujyi wa Musanze asuhuza abaturage.

Iki gikorwa yaherukaga kugikora muri uyu mujyi tariki 4 Nyakanga 2017 ubwo yari avuye mu karere ka Nyabihu ahirihirijwe umunsi wo kwibohora muri uwo mwaka.

Perezida Kagame kandi muri 2016 nabwo yahagaze mu karere ka Musanze asuhuza abaturage tariki 24 Werurwe 2016 ubwo yari mu ruzinduko rw’iminsi itatu mu Ntara y’Iburengerazuba.
Ahantu henshi Perezida ageze haba hari abaturage bahagaze ku muhanda bashaka kumusuhuza. Niyo mpamvu hari igihe biba ngombwa ko ahagarika imodoka akavamo kugira ngo abasuhuze.

Muri 2015 nabwo Umukuru w’Igihugu yagaragaye yavuye mu modoka agenda n’amaguru asuhuza abaturage benshi bari I Nyabugogo ubwo yavaga i Gicumbi ku munsi wo Kwibohora.

Ibyishimo byasaze bamwe, bararira abandi biterera mu bicu bararirimba bati ‘Muzehe Wacu’. Icyo gihe hashize iminsi mike ubwo yari ageze muri Gare ya Remera nabwo yavuye mu modoka asuhuza abaturage bari bahari.

Muri Gashyantare 2016 nibwo yaherukaga gusabana n’abaturage muri ubu buryo ubwo abantu bake bari mu Mujyi wa Kigali hafi y’ahahoze Radio Rwanda batunguwe no kubona Perezida Kagame ari kugenda n’amaguru

None tariki 8 Gicurasi 2019 Perezida Kagame yahagaze i Musanze asuhuza abaturage

Video ya Perezida Kagame asuhuza ab’ I Musanze muri 2017.


INKURU ZA :
Tanga Igitekerezo
Ibitekerezo 1
koni Kuya 9-05-2019

video yambere ntabwo ari iMusanze, ahubwo ni i Burera mu murenge wa cyanika muri centre ya Kidaho

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...