konka coffee
KONKA

AMAKURU

UKWEZI

Louise Mushikiwabo yasusurukije abitabiriye inama ya OIF mu mbyino yanyuze benshi-Video

Louise Mushikiwabo yasusurukije abitabiriye inama ya OIF  mu mbyino yanyuze benshi-Video
11-10-2018 saa 08:02' | By Vincent Nsengiyumva | Yasomwe n'abantu 8431 | Ibitekerezo 5

Madame Louise Mushikiwabo yatunguye abitabiriye inama y’Ihuriro ry’abayobozi b’ibihugu bikoresha ururimi rw’igifaransa, OIF, iri bubere muri Armenia, abasusurutsa mu mbyino nyarwanda bitungura benshi.

Ku mugoroba wo kuri uyu wa Gatatu tariki 10 Ukwakira 2018, nibwo Minisitiri Louise Mushikiwabo yasusurukije imbaga y’abitabiriye iki gitaramo , cyabimburiye inama y’Ihuriro ry’abayobozi b’ibihugu bikoresha ururimi rw’igifaransa itangira kuri uyu wa Kane ikazanatorerwamo Umunyamabanga mukuru w’uyu muryango.

Madame Louise Mushikiwabo yafatanyije n’abanyarwanda baririmba indirimbo gakondo zibumbatiye umucio nyarwanda barimo Inyamibwa Icakanzu Contente, baherekezwaga n’amajwi meza y’abandi bahanzi b’abanyarwanda ndetse n’umurishyo w’ingoma zasukiranyaga, maze basusurutsa abantu mu mbyino nyarwanda, benshi mu bitabiriye iki gitaramo barizihirwa.

REBA MUSHIKIWABO ABYINA MURI IYI VIDEO:

Louise Mushikiwabo wataramiye abantu mu mbyine yahogoje benshi, niwe uri guhabwa amahirwe menshi yo kwegukana uyu mwanya, aho ahanganye na Michaelle Jean ukomoka muri Canada wari usanzwe awuyobora muri manda ishize y’imyaka ine.

Harabura amasaha make ngo amatora y’Umunyamabanga wa OIF abe, aho biteganyijwe ko ariyo azasoza iyi nama yitabiriwe n’Abakuru b’ibihugu na za guverinoma baturuka mu bihugu bisaga 80 bigize uyu muryango.

Michaëlle Jean wari umaze imyaka ine ayoboye uyu muryango , yari yatorewe i Dakar muri Senegal mu 2014, akanaba ariwe mugore wa mbere wayoboye uyu muryango kuva washingwa.

PNG - 1.2 Mb
PNG - 1.2 Mb
PNG - 1.1 Mb
PNG - 1.1 Mb
PNG - 1.2 Mb
PNG - 1.5 Mb
PNG - 931.5 kb

INKURU ZA :
Tanga Igitekerezo
Ibitekerezo 5
gqg Kuya 13-10-2018

MUDUSHYA MUSHIKIWABO YAZANA MURI FRANCOPHONIE , AZASHYIREHO ISERUKIRAMUCO Ry’ibihugu bigize francophonie(FESTIVAL DE LA FRANCOPHONIE) ; Maze rige riba rimwe mu myaka 2. Ryahuza ibihugu bigize francophonie n’iby’indorerezi . IBI BYATUMA IBI BIHUGU BIRUSHAHO KUMENYANA, GUSABANA, guhahirana, gushyigikirana no guteza imbere umuco muri rusange n’ururimi rw’igifaransa by’umwihariko. HAZAMO IMBYINO ZA GAKONDO, IZAKIZUNGU, IMYAMBARIRE, IMIRIRE n’ibindi. MUNGEREZE IKI GITEKEREZO KURI MADAME LOUISE MUSHIKIWABO.

Gatete Kuya 12-10-2018

Ibyiza Bindi birihafi kuza namuzehe azayobora un

Miukakazigaba Elevanie Kuya 12-10-2018

Rwanda yacu Oyeeeee.Twishimiye cyane iyi ntsinzi twegukanye tuyikesha Mushikiwabo Louise ,ubu abatazi uRwanda bongere baperereze,ibanga tugendana,...

gakuba Kuya 12-10-2018

abahekenya amenyo ngaho bayamire baba nabanya Rwanda babandi nyine batifuriza ibyiza igihugu hari ni bihugu duturanye bifite na bavuze ko batazamutora ndumva bakwiye kwiyahura

Karegeya Kuya 11-10-2018

Birashimishije ko Minister wacu azi kubyina neza.For Rwandese pride (ishema ry’u Rwanda).Gusa nagirango nibutse abantu ko hariya bali hitwa Erevan,the Capital city of Armenia.Iyo uhari,uba ureba Mount Ararat,hahandi Inkuge ya NOWA (Noah’s Ark) yahagaze Umwuzure ushize (Deluge).Icyo gihe,imana yishe abantu bose bali batuye isi,isigaza gusa abantu 8 bumviraga imana.Nkuko Matayo 24:37-39 havuga,abo bantu bazize "kutita" kubyo Nowa yababwiraga ngo bumvire imana,baranga bigira mu byisi gusa.Yesu yarangije inkuru ye avuga ko ariko bizagenda ku munsi w’imperuka.Azatwika abantu banga gushaka imana,bakibeshya ko ubuzima gusa ari shuguri,amafaranga,politike,etc...
Soma 2 Abatesalonike 1:7-9.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...