AMAKURU

UKWEZI
ubumwe

Menya imishahara mishya y’abakozi mu biro bya Minisitiri w’Intebe na Minisiteri y’Ubutabera

Menya imishahara mishya y’abakozi mu biro bya Minisitiri w’Intebe na Minisiteri y’Ubutabera
17-06-2019 saa 11:37' | By Chief Editor | Yasomwe n'abantu 8133 | Ibitekerezo

Iteka rya Minisitiri w’Intebe No 075/03 ryo ku wa 14/06/2019 rigena intego, inshingano, imbonerahamwe y’imyanya y’imirimo, imishahara n’ibindi bigenerwa abakozi muri Serivisi z’Ibiro bya Minisitiri w’Intebe, hamwe Iteka rya Minisitiri w’Intebe N° 076/03 ryo ku wa 14/06/2019 rigena intego, inshingano, imbonerahamwe y’imyanya y’imirimo, imishahara n’ibindi bigenerwa abakozi ba Minisiteri y’Ubutabera/ Serivisi z’Intumwa Nkuru ya Leta, byasohotse mu Igazeli ya Leta muri Nomeri yayo idasanzwe yo kuwa 14 Kamena 2019.

Iri teka rije rikurikira iteka rya Perezida N°004/01 ryo ku wa 16/02/2017 rigena ingano y’imishahara n’ibindi bigenerwa Abanyapolitiki Bakuru b’Igihugu n’uburyo bitangwa, ryasohotse mu Igazeti ya Leta nimero idasanzwe yo kuwa 23/02/2017, rigaragaza ingano y’Imishahara aba Banyapolitiki Bakuru b’Igihugu bahabwa ndetse n’ibindi biherekeza iyo mishahara.

SOMA INKURU BIJYANYE HANO: Ingano y’umushahara mushya wa Perezida, Abaminisitiri, Abadepite, Abasenateri, Guverineri...

Mu bakozi bakora mu biro bya Minisitiri w’Intebe, Umuyobozi w’Ibiro bya Minisitiri w’Intebe agenerwa umushahara mbumbe w’amafaranga y’u Rwanda 2,441,159 buri kwezi. Umunyamabanga Uhoraho muri iyi Minisiteri we agenerwa umushahara mbumbe w’amafaranga y’u Rwanda 1,833,906.

Umujyanama wa Minisitiri w’Intebe mu by’imiyoborere, Umujyanama wa Minisitiri w’Intebe mu by’Ubukungu n’imibereho myiza y’abaturage, Umukozi ushinzwe ibikorwa by’Inteko ishinga amategeko n’abandi bari ku rwego rumwe rw’umurimo bagenerwa buri umwe umushahara mbumbe ungana n’amafaranga y’u Rwanda 1,667,071 buri kwezi.

REBA IMISHAHARA Y’ABANDI BAKOZI HANO

Uretse ibi, aba bayobozi bose banagenerwa ibindi bitandukanye bibafasha kuzuza neza inshingano zabo. Umuyobozi w’Ibiro bya Minisitiri w’Intebe agenerwa ibindi bimufasha gutunganya umurimo bikurikira:

  • Amafaranga y’u Rwanda ibihumbi ijana (100.000 FRW) buri kwezi y’itumanaho rya telefoni, fagisi na interineti byo mu biro;
  • Amafaranga y’u Rwanda ibihumbi mirongo ine (40.000 FRW) buri kwezi y’itumanaho rya interineti igendanwa;
  • Amafaranga y’u Rwanda ibihumbi ijana na mirongo itanu (150.000 FRW) buri kwezi y’itumanaho rya telefoni igendanwa;
  • Amafaranga y’u Rwanda ibihumbi magana atatu (300.000 FRW) buri kwezi yo kwakira abashyitsi mu kazi anyura kuri konti ya Serivisi za Minisitiri w’Intebe;
  • Koroherezwa ingendo, hakurikijwe amabwiriza ya Minisitiri ufite gutwara abantu n’ibintu mu nshingano ze;
  • Uburinzi, hakurikijwe amabwiriza ya Minisitiri ufite umutekano w’imbere mu gihugu mu nshingano ze;
  • Amafaranga y’u Rwanda ibihumbi magana atanu (500.000 FRW) y’icumbi atangwa buri kwezi;
  • Amafaranga y’u Rwanda miliyoni eshanu (5.000.000 FRW) yo kwigurira ibikoresho byo mu nzu iyo atangiye imirimo. Aya mafaranga atangwa rimwe gusa kabone n’ubwo habaho guhindurirwa umwanya w’umurimo.

Niba ushaka gusoma ibindi byose bihabwa abandi bakozi mu biro bya Minisitiri w’Intebe no muri Minisiteri y’Ubutabera KANDA HANO


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...