AMAKURU

UKWEZI

Menya umushahara n’ibindi bizajya bigenerwa Abadepite barahiye mu Nteko y’u Rwanda

Menya umushahara n’ibindi bizajya bigenerwa Abadepite barahiye mu Nteko y’u Rwanda
19-09-2018 saa 15:03' | By Chief Editor | Yasomwe n'abantu 15859 | Ibitekerezo 20

Iteka rya Perezida N°004/01 ryo ku wa 16/02/2017 rigena ingano y’imishahara n’ibindi bigenerwa Abanyapolitiki Bakuru b’Igihugu n’uburyo bitangwa, ryasohotse mu Igazeti ya Leta nimero idasanzwe yo kuwa 23/02/2017, rigaragaza ingano y’Imishahara aba Banyapolitiki Bakuru b’Igihugu bahabwa ndetse n’ibindi biherekeza iyo mishahara. Ibyo tugarukaho muri iyi nkuru ni iby’Abadepite, dore ko Inteko Ishinga Amategeko Nshya, umutwe w’Abadepite, yarahiye kuri uyu wa Gatatu

Abadepite bagenerwa buri wese umushahara mbumbe w’umurimo ungana n’amafaranga y’u Rwanda miliyoni imwe n’ibihumbi magana arindwi na mirongo irindwi na bine na magana atanu na mirongo ine (1.774.540 Frw) buri kwezi.

Abaperezida ba Komisiyo mu Mutwe w’Abadepite, buri kwezi bongererwa buri wese ku mushahara mbumbe amafaranga y’u Rwanda ibihumbi mirongo itatu na bitanu (35.000 Frw) naho aba Visi-Perezida b’izo Komisiyo bakongererwa ibihumbi mirongo itatu (30.000 Frw) buri wese buri kwezi.

Abadepite bagenerwa kandi buri wese ibindi bibafasha gutunganya imirimo bashinzwe, bikurikira:

  • Amafaranga y’icumbi angana n’ibihumbi magana abiri na mirongo itanu by’u Rwanda (250.000 Frw) buri kwezi;
  • Perezida na Visi- Perezida ba Komisiyo bagenerwa buri wese amafaranga y’u Rwanda ibihumbi mirongo irindwi (70.000 Frw) y’itumanaho rya telefoni igendanwa buri kwezi;
  • Buri Mudepite agenerwa amafaranga y’u Rwanda ibihumbi mirongo itanu (50.000 Frw) ku kwezi y’itumanaho rya telefoni igendanwa;
  • Amafaranga y’u Rwanda ibihumbi mirongo itatu na bitanu na magana ane y’u Rwanda (35.400Frw) buri kwezi yo kwishyura ifatabuguzi rya interineti igendanwa ikoreshwa kuri mudasobwa.

Umushahara n’ibindi bigenerwa Perezida w’Umutwe w’Abadepite

Perezida w’Umutwe w’Abadepite agenerwa umushahara mbumbe w’umurimo ungana n’amafaranga y’u Rwanda miliyoni enye n’ibihumbi magana atatu na mirongo ine na bitandatu n’ijana na mirongo itanu n’atandatu (4.346.156 Frw) buri kwezi.

Perezida w’umutwe w’Abadepite agenerwa kandi ibi bikurikira:

  • Inzu yo kubamo ifite ibyangombwa;
  • Imodoka imwe (1) y’akazi buri gihe n’ibikenewe byose mu kuyifata neza byishyurwa na Leta;
  • Amafaranga yo kwakira abashyitsi mu rwego rw’akazi angana n’amafaranga y’u Rwanda ibihumbi magana atandatu (600.000 Frw) buri kwezi anyuzwa kuri konti y’urwego bireba;
  • Uburyo bw’itumanaho rigezweho mu biro no mu rugo, rigizwe na telefoni itagendanwa, telefoni igendanwa, fagisi, interineti igendanwa n’itagendanwa, telefoni ikorana na satelite ndetse na anteni parabolike, byose bikishyurwa na Leta;
  • Amafaranga yo kwakira abashyitsi mu rugo angana n’amafaranga y’u Rwanda ibihumbi magana atandatu (600.000 Frw) buri kwezi;
  • Amazi n’amashanyarazi byose byishyurwa na Leta;
  • Uburinzi buhoraho ku kazi, mu rugo n’ahandi hose bibaye ngombwa;

Amabwiriza ya Minisitiri ufite imiturire mu nshingano ze agena agaciro ntarengwa k’inzu ivugwa muri iyi ngingo mu gace kayo ka mbere n’agaciro ntarengwa k’ibyangombwa bigomba kuba biyirimo.

Umushahara n’ibindi bigenerwa Visi-Perezida w’Umutwe w’Abadepite

Visi-Perezida w’Umutwe w’Abadepite agenerwa umushahara mbumbe buri kwezi ungana n’amafaranga y’u Rwanda miliyoni ebyiri n’ibihumbi magana atanu mirongo itatu na bine na magana inani na mirongo itandatu na rimwe (2.534.861 Frw).

Visi Perezida w’Umutwe w’Abadepite kandi agenerwa ibindi bimufasha gutunganya imirimo ashinzwe, bikurikira:

  • Amafaranga y’icumbi angana n’ibihumbi magana atanu y’u Rwanda (500.000 Frw) buri kwezi;
  • Amafaranga yo kwakira abashyitsi mu rwego rw’akazi angana n’amafaranga ibihumbi magana atatu y’u Rwanda (300.000 Frw) buri kwezi, anyuzwa kuri konti y’Urwego bireba;
  • Amafaranga yo kwishyura itumanaho rya telefoni, interineti na fagisi byo mu biro angana n’amafaranga y’u Rwanda ibihumbi ijana (100.000 Frw) buri kwezi;
  • Amafaranga y’u Rwanda ibihumbi mirongo ine (40.000 Frw) buri kwezi y’itumanaho rya interineti igendanwa;
  • Amafaranga ibihumbi ijana na mirongo itanu (150.000 Frw) buri kwezi y’itumanaho rya telefoni igendanwa; uburinzi buhoraho ku kazi, mu rugo n’ahandi hose bibaye ngombwa.
  • Amafaranga yo kwigurira ibikoresho byo mu nzu angana na miliyoni eshanu z’amafaranga y’u Rwanda (5.000.000 Frw) iyo atangiye imirimo. Aya mafaranga atangwa rimwe gusa kabone n’ubwo habaho guhindurirwa umwanya w’umurimo.

Amafaranga y’ubutumwa bw’imbere mu gihugu:

Iyo Perezida w’Umutwe w’Abadepite agiye mu butumwa imbere mu gihugu, yishyurirwa na Leta amafaranga yose yakoreshejwe muri ubwo butumwa, herekanywe inyemezabuguzi.

Iyo Visi-Perezida b’Umutwe w’Abadepite agiye mu butumwa imbere mu gihugu, ahabwa amafaranga y’ubutumwa abarwa hakurikijwe ibiteganywa n’iteka rya Perezida rigenga ubutumwa bw’akazi imbere mu gihugu.

Iyo Abadepite bagiye mu butumwa imbere mu gihugu, bahabwa amafaranga y’ubutumwa abarwa hakurikijwe ibiteganywa n’iteka rya Perezida rigenga ubutumwa bw’akazi imbere mu gihugu.

Bitabangamiye ibivugwa mu gika cya gatatu cy’ingingo ya 9 y’iri teka, Abadepite iyo baraye mu butumwa bw’akazi imbere mu gihugu, bishyurirwa n’urwego bakorera icumbi n’ifunguro ry’umugoroba muri hoteli hakoreshejwe ifatabuguzi.

Hitawe ku biciro biri ku isoko, Minisitiri ufite imari mu nshingano ze, amaze kubijyaho inama na Minisitiri ufite abakozi ba Leta mu nshingano ze, agena ibiciro ntarengwa bigomba gukurikizwa mu kwishyura amahoteli Abadepite barayemo igihe bari mu butumwa imbere mu gihugu.

Iyo ba Visi- Perezida b’Umutwe w’Abadepite bagiye mu butumwa imbere mu gihugu bakoresheje imodoka zabo, Leta ibagenera amafaranga y’urugendo, hakurikijwe ibiteganywa n’amabwiriza ya Minisitiri ufite gutwara abantu n’ibintu mu nshingano ze.

Iyo abadepite, Perezida w’Umutwe w’Abadepite na ba Visi Perezida bagiye mu butumwa hanze y’Igihugu, hakurikizwa ibiteganywa n’iteka rya Perezida rishyiraho amabwiriza agenga ubutumwa mu mahanga.

Amafaranga y’ishyingura n’ay’impozamarira

Mu gihe Perezida wa Repububulika cyangwa uwahoze ari Perezida wa Repubulika yitabye Imana, Leta yishingira ibijyanye n’amafaranga yose akoreshwa mu mihango y’ishyingura kandi ikagenera umuryango wa nyakwigendera amafaranga y’impozamarira angana n’umushahara mbumbe we w’amezi atandatu (6).

Mu gihe umwe mu bandi banyapolitiki bakuru bavugwa mu ngingo ya 5, iya 6, iya 7 n’iya 8 z’iri teka yitabye Imana akiri mu mirimo ye cyangwa nyuma yaho mu gihe kitarenze amezi atandatu (6), Leta itanga amafaranga akoreshwa mu mihango y’ishyingura angana n’inshuro ebyiri (2) z’umushahara mbumbe wa nyakwigendera. Leta iha kandi umuryango wa nyakwigendera amafaranga y’impozamarira angana n’umushahara mbumbe we w’amezi atandatu (6).

ICYITONDERWA: Amafaranga y’icumbi ya buri kwezi ahabwa Abadepite, ntagenerwa umunyapolitiki mukuru w’Igihugu uvugwa muri iyi ngingo, iyo yahawe na Leta inkunga y’icumbi yatanzwe ingunga imwe, ingana na miliyoni cumi n’ebyiri n’amafaranga y’u Rwanda (12.000.000 Frw), mu gihe hakurikizwaga amategeko yabigenaga.


INKURU ZA :
Tanga Igitekerezo
Ibitekerezo 20
Ramba Kuya 22-09-2018

Aya macash nyakorera data buja nazajya musingiza.
Niyo mpamvu raataaa ntawavuga nabi HE

Eva Kuya 22-09-2018

Nonese ko nubundi babakorera ibindi byose amafaranga angana kuriya bayamaza iki ? Mbega

daniel Kuya 21-09-2018

eh!!eh ziriya nazamilion cyangwa nijye urikureba nabi??nonese birababaje guhemmba ariya mafaranga u RWA da rudacukura zahabu cg peteloli??Abanyafurika muribamwe !!!!dupfuye urupfu rubi

christinet Kuya 21-09-2018

twizere ko aba twatoye hari icyo bazahindura !?nawe se niba umuntu ahembwa gutya, umwana wa mwarimu atabasha no kurya ngo ashire inzara kandi ngo nawe ni umukozi wa leta ibi ntibiteye agahinda koko!? Mbese aba badepite bibuka ko twiganye, dufite level zimwe tukaba twarabuze igishoro!? biteye agahinda hari ibikwiye guhinduka

MUVANDIMWE REGIS Kuya 21-09-2018

JYE BIRAMBABAJE CYANE ! NIYO MPAMVU HARI N’IMIHANDA IMWE N’IMWE IBA IDAKOZE AHUBWO BAKAHANYURA BADUTERA IBYONDO ! MANA YANGE WAZADUTABAYE KOKO !ESE UBWO ABO BADEPITE BAJYA BAMENYA KO HARI ABATURAGE BATAGIRA ICYO BARYA ! BATAGIRA AHO BARAMBIKA UMUSAYA ! UBU C MWALIMU AHEMBWA ANGAHE ? NGO NTIBABONA AYO BAMWONGEZA RA ! UMUSIRIKARE C WE URIYA NIWO MUSHAHARA AKWIYE UGERERANIJE N’AKAZI AKORA ! NDABIZI KO UBU BUTUMWA ARI IMFABUSA ARIKO MUMENYE KO IBYO ARI UKWIKUBIRA !

MUVANDIMWE REGIS Kuya 21-09-2018

JYE BIRAMBABAJE CYANE ! NIYO MPAMVU HARI N’IMIHANDA IMWE N’IMWE IBA IDAKOZE AHUBWO BAKAHANYURA BADUTERA IBYONDO ! MANA YANGE WAZADUTABAYE KOKO !ESE UBWO ABO BADEPITE BAJYA BAMENYA KO HARI ABATURAGE BATAGIRA ICYO BARYA ! BATAGIRA AHO BARAMBIKA UMUSAYA ! UBU C MWALIMU AHEMBWA ANGAHE ? NGO NTIBABONA AYO BAMWONGEZA RA ! UMUSIRIKARE C WE URIYA NIWO MUSHAHARA AKWIYE UGERERANIJE N’AKAZI AKORA ! NDABIZI KO UBU BUTUMWA ARI IMFABUSA ARIKO MUMENYE KO IBYO ARI UKWIKUBIRA !

MUVANDIMWE REGIS Kuya 21-09-2018

JYE BIRAMBABAJE CYANE ! NIYO MPAMVU HARI N’IMIHANDA IMWE N’IMWE IBA IDAKOZE AHUBWO BAKAHANYURA BADUTERA IBYONDO ! MANA YANGE WAZADUTABAYE KOKO !ESE UBWO ABO BADEPITE BAJYA BAMENYA KO HARI ABATURAGE BATAGIRA ICYO BARYA ! BATAGIRA AHO BARAMBIKA UMUSAYA ! UBU C MWALIMU AHEMBWA ANGAHE ? NGO NTIBABONA AYO BAMWONGEZA RA ! UMUSIRIKARE C WE URIYA NIWO MUSHAHARA AKWIYE UGERERANIJE N’AKAZI AKORA ! NDABIZI KO UBU BUTUMWA ARI IMFABUSA ARIKO MUMENYE KO IBYO ARI UKWIKUBIRA !

bill zen Kuya 21-09-2018

Mbega cash!!!nanjye uwahanyica amezi atandatu nahita njya kwikorera

Elias Kuya 21-09-2018

Ariko mwana koko buri mudepite yigomye1% byayo mafranga bafata tukayashyira mukurwanya ubushumeri, ese banditsi Aya mafranga Ava he

nsengiyumva emmanuel Kuya 20-09-2018

mbega sinarinziko burya abantu bahembwa gutya mbega akayaboo ndabona salaire y umwe yahemba abakozi b umurenge health center. bazayagabanye nibura bajye babahemba miliyoni imwe andi akore ibindi birahari harina batagira na mituel mbegaa

tete Kuya 20-09-2018

yesu weeeee jye mpembwa40000bakuraho umusoro eeeeeeeeeeeh ubwose reta yo ntiduhemucyira koko nkabaturage niyo mpamvu rata bamwe bacyira abandi bagacyena nimujye mwirira ariko uko uko nugukabya pe

Rwabukumba Kuya 20-09-2018

Byaba byiza abantu basaranganyije ubutunzi bw’igihugu.Ntihabeho abahembwa amamiriyoni abandi bahembwa urusenda kandi bose ari abakozi ba leta.Kwikubira imana irabyanga.Ni akarengane.

aline Kuya 20-09-2018

Birababaje kubona abantu bahembwa ama fr angana gutya kdi bamwe tubwirirwa tukanaburara

birababaje Kuya 20-09-2018

ariko iyi mishahara bayitekerezeho neza,nkubu abacuruzi umusoro uraturangije pe inkweto bayikubye 4 none cyamunara zitugeze ahabi ,turya twiyushye akuya banyakubahwa mutuvuganire nibura natwe tubashe kubaho

Sibomana Kuya 20-09-2018

Muli Matayo 7:12,Yesu yadusabye ko icyo tutifuza ko kitubaho twirinda kugikorera abandi.Ko Depite yiganye na Mwarimu wa primary muli University,kuki umwe ahembwa za miliyoni undi agahembwa 40 000 Frw kandi bose ari abakozi ba Leta?Depite aramutse ahembwe 200 000 Frw,Mwarimu agahembwa 120 000 Frw,bombi babaho.Abantu nibo batera INJUSTICE kubera ko batagira urukundo.Muli Yohana 13:35,Yesu yavuze ko abakristu nyakuri bazarangwa n’urukundo.Abo nibo bonyine bazahembwa kubaho iteka muli paradizo dutegereje ivugwa muli 2 Petero 3:13.Ntacyo bimaze kwikubira ibyisi,hanyuma ukazabura paradizo.Ubuzima ni bugufi cyane.Niyo mpamvu tugomba gushaka paradizo nkuko Yesu yadusabye muli Matayo 6:33.

TUYISHIMIRE JEAN PIER Kuya 19-09-2018

NDABAKUNDA CYANE MUKOMEREZAHO

Theo Kuya 19-09-2018

Ubusumbane bwimishahara cyane, gusa ntakundi nabashomeri twihangane.

dada Kuya 19-09-2018

Yewe urukwavu rukuze rwonkabana barwo koko.bagezeyo

aline Kuya 19-09-2018

yewe yewe mbonye aho amafaranga yabamwe ashirira.mpebwa 197000 salaire brute,nkishyura umusoro hafite 48000,nakora amasaha yikirenga nayo bakayakuraho umusoro nibindi na caise sociale mbese nsigarana 130000.aba sinabonye numusoroo bishyura.mbonye aho amafaranga yanjye ajya. abantu bohasi twaragowe pe

jesus Kuya 19-09-2018

iyo nimitsi yabanyarwanda sha birirwa barya knd ntanicyo batumariye umva nkibyo bifaranga bahembwa mugihe mwarimu we aba ari kwicira isazi mujisho knd ariwe uba warabigishije.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...