konka coffee
KONKA

AMAKURU

UKWEZI

Meteo Rwanda yahawe Umuyobozi Mushya, Semafara ajya mu kiruhuko cy’ izabukuru

Meteo Rwanda yahawe Umuyobozi Mushya, Semafara ajya mu kiruhuko cy’ izabukuru
29-01-2019 saa 08:33' | By Nsanzimana Ernest | Yasomwe n'abantu 1279 | Ibitekerezo

John Ntaganda Semafara wari uherutse kwemezwa nk’ Umuyobozi Mukuru w’ Ikigo cy’ Ubumenyi bw’ Ikirere yemerewe kujya mu kiruhuko cy’ izabukuru asimburwa na Aimble Gahigi.

Byatangajwe n’ Itangazo ry’ Inama Idasanzwe y’ Abamanisitiri yateranye kuri uyu wa 28 Mutarama 2019 iyobowe na Perezida Kagame.

Iyi nama yemeje Iteka rya Perezida ryemerera kujya mu kiruhuko cy’izabukuru Bwana SEMAFARA NTAGANDA John wari Umuyobozi Mukuru w’Ikigo gishinzwe Ubumenyi bw’Ikirere (METEO RWANDA).

Aimable Gahigi wagizwe Umuyobozi Mukuru wa Meteo Rwanda yari asanzwe ari Umukozi mu Kigo cy’ Igihugu cy’ Ubuhinzi n’ Ubworozi RAB.

Meteo Rwanda ni ikigo cya Leta gifite ubuzima gatozi n’ubwigenge mu miyoborere, mu micungire y’umutungo n’abakozi bayo kikaba cyarashyizweho n’itegeko Nimero 54bis/2011 ryo kuwa 14/12/2011; mu Igazeti ya Leta Nimero 04 yo kuwa 23/01/2012.

Meteo Rwanda ifite inshingano zo gushyira mu bikorwa Politiki ya Leta mu bijyanye n’Ubumenyi bw’Ikirere ikoresheje uburyo bugezweho mu nyigo, ubushakashatsi, mu guhuza no guteza imbere gahunda mu rwego rw’Ubumenyi bw’Ikirere.

Meteo Rwanda ikorana n’ibigo mpuzamahanga mu buryo butandukanye ariko cyane cyane mu bushakashatsi bujyanye n’ubumenyi bw’ikirere ndetse no mu ishyirwa mu bikorwa ry’ibiba byavuye muri ubu bushakashatsi hagamijwe imibereho myiza y’ikiremwamuntu.

Mu zindi nzego , John Rwangombwa yongerewe manda nka Guverineri wa Banki Nkuru y’ u Rwanda, Rose Rwabuhihi yongerewe manda nk’ Umugenzuzi Mukuru mu rwego rushinzwe kugenzura iyubahirizwa ry’uburinganire n’ubwuzuzanye bw’abagore n’abagabo mu iterambere ry’igihugu (GMO)

John Ntaganda Semafara


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...