konka coffee
KONKA

AMAKURU

UKWEZI
Minijust

Meya wa Rwamagana yakuyeho urujijo ku mpamvu bahagaritse igikorwa cya Josiane Mwiseneza

Meya wa Rwamagana yakuyeho urujijo ku mpamvu bahagaritse igikorwa cya Josiane Mwiseneza
20-02-2019 saa 16:53' | By Nsanzimana Ernest | Yasomwe n'abantu 17192 | Ibitekerezo 14

Umuyobozi w’ Akarere ka Rwamagana Mbonyumuvunyi Radjab yamaganye amakuru avuga ko yabujije Miss Mwiseneza Josiane gukora ubukangurambaga ngo nta gwingira riri mu karere ayoboye.

Kuri uyu wa 20 Gashyantare 2019, nibwo Miss Josiane yagombaga gutangirira mu karere ka Rwamagana ubukangurambaga bwo kurwanya igwingira mu bana.

Ubu bukangurambaga yagombaga gufashwamo n’ abakinnyi b’ amafilime n’ abanyarwenya barimo Samusure, Kibonke Clapton, Njuga na Kankwanzi ntibwabaye.

Miss Josiane yabwiye UKWEZI ko ubu bukangurambaga bwasubitswe ariko yirinda kugira byinshi abivugaho.

Yagize ati “Yego ubukangurambaga babuhagaritse”. Umunyamakuru yamubajije impamvu bwahagaritswe ati “Ndahuze", ahita akupa telefone.

Mu bitangazamakuru bitandukanye hiriwe amakuru avuga ko Meya wa Rwamagana yahagaritse ubu bukangurambaga, akongeraho ko nta kibazo cy’igwingira kiri mu karere ka Rwamagana. Nyamara uyu muyobozi yabwiye UKWEZI ati “Ayo makuru nanjye nayumvise gutyo sinzi aho yaturutse, na Josiane namwandikiye mubaza niba ari we wayatanze ntabwo yansubije”

Meya Mbonyumuvunyi ati “Josiane ni umunyarwanda icyo yashaka kubwira Abanyarwanda yakivuga, ikibazo ni uko atigeze abitumenyesha kandi ntabwo waza mu karere ngo uze ukore igitaramo utarigeze ubibwira abayobozi”

Meya Mbonyumuvunyi yabwiye UKWEZI ko yasabye Josiane kuzashaka undi munsi akabanza akajya no gusobanurira akarere umushinga we kakamufasha, kakanamwereka ahakenewe ubukangurambaga kurusha ahandi.

Umushinga wa Miss Josiane ni ‘Ukurwanya igwingira mu bana’. Umuyobozi w’ akarere ka Rwamagana wungirije ushinzwe imibereho myiza y’ abaturage, UMUTONI Jeanne bivugwa ko ari we wari wemereye Miss Josiane kuzajya gukora ubwo bukangurambaga yabwiye UKWEZI ko ayo makuru y’ uko Josiane azajya gukora ubukangurambaga bari bayazi ariko ngo ntabwo yigeze yandikira akarere abisaba. Ngo iyi niyo mpamvu yatumye ubu bukangurambaga buhagarikwa ngo azabanze yandike abisaba bafatanye kubitegura.

UMUTONI yakomeje avuga ko akarere ka Rwamagana atari ko kari karahitiyemo Josiane umurenge wa Fumbwe ubwo bukangurambaga bwari kuberamo.

Visi Meya Umutoni yavuze ko mu karere ka Rwamagana ikibazo cy’igwingira mu bana gihari ndetse ko kiri kuri 25%. Mu Rwanda igwingira mu bana riri kuri 38%, akarere ka Rwamagana kakaba ari kamwe mu turere dufite igwingira riri hasi ariko naho ibipimo bya 25% ntawabura kuvuga ko biteye inkeke.


INKURU ZA :
Tanga Igitekerezo
Ibitekerezo 14
Cyiza Kuya 22-02-2019

Tujye tuva mu marangamutima ya kimuntu, ibikorwa byitwa imishinga bikorerwa mu karere bifite uko bikorwa. Josiane nashinge umuryango nyarwanda utari uwa leta, ategure statut isobanutse igaragaza ibikorwa igamije maze yandikire akarere agasaba collaboration letter, abijyane RGB bamuhe ubuzima gatozi bw’agateganyo abone gutangira ibikorwa bye byiza. Oherwise, arakomeza abeshywe birangire asebye kd amategeko agomba kubahurizwa.

Fahad Kuya 21-02-2019

Impanvu nayindi nugutekinika banze ko ibyabo bija ahagaragara nyampara President bazamubwira imbogamizi cyakora nzabandora

Quinta Kuya 21-02-2019

Arikoo mbabaze, Josiane aratangira umushinga nkaa josiane cyangwa arabanza akore umuryango udaharanira inyungu ufite aho ubarizwa ufite nicyangombwa nibura cyagateganyo. Erega si ugupfa kugenda gusa ngo ugiye mukarere gukora ibyo watekereje. Hari ibisabwa.

mushabizi Kuya 21-02-2019

Ni byo birakwiye, josianne ntamenyereye uko administration ikorwa, ahubwo abamugira inama bamufashe. Meya was Rwamagana arasobanutse ntiyabangamira umushinga mwiza nk’uriya was josianne. Abanyamakuru ariko na byo bajye bareka gukabya batazateranya josianne n’ubuyobozi.

Emmanuel Kuya 20-02-2019

Ntawabitindaho gusa ntanutabibona ko mwamucecekesheje. Kuko josiane sumuntu utazi ubwenge kuburyo ataziko kubeshya aricyaha gihanwa n’amategeko noneho kubeshyera umuyobozo??????????????????

T Kuya 20-02-2019

Ese niba procedure atayizi (dore ko akiva mu ishuri), kuki batamukosoye kare ngo bamusobanurire inzira aracamo badategereje kumuhima ngo babihagarike ku munota wa nyuma yatakaje frs n’umwanya abitegura, dore ko bemera ko ayo makuru bari bayazi. Ibi nibyo bica aba volunteers intege, babona badafitemo inyungu bakabireka

masasu Kuya 20-02-2019

Kwitana ba mwana kuri mayor na v/c mayor asoc,biragagaza ikintu gikomeye gihishe,josiane rwose umushinga we turawushyikiye nibareke kumukoma nkokora

In100 Kuya 20-02-2019

Mwiriwe nonese uwo ubishinzwe bakibimumenyesha nkubishinzwe yabagiriye iyihe nama

Zainab djuma Kuya 20-02-2019

Niba meya yagaritse igikorwa cya josiane miss mwiseneza nabandikire akarere

hasafi Kuya 20-02-2019

katangiye gukora nkinjiji se kandi wakorera ibitaramo mukarere kabandi utarigeze ubisaba . nzaba ndeba iryorwanya ryigwingira ryawe da . abana leta nibahate amata barye nimboga barebeko iryo gwingira rirabaho . kugwingira nimibereho mibi ntakindi

Valens Kuya 20-02-2019

Ndababaye kuba iki gikorwa kitabaye. MWISENEZA nashake ahandi azzajya kuko aho bamukeneye nihenshi

Cyamatare Kuya 20-02-2019

Ni icyo nkundira abayobozi bo mu Rwanda! Aragira ati ntanyandiko, ahaaa ikingenzi ni ukubimenya! None se baragira ngo umushinga we uzahere mu bitabo! Miss Cogebank we sinzi ibye aho bigeze, umushinga we warangiriye muri boot camp!

minan Kuya 20-02-2019

Erega Josianne nawe ari kwihuta atanagishije inama,ni gute yagisha inama crapton kibonge na SAMUSURE na kibonge babasinzi,nanyure mu nzira zisabwa agabanye ubuturage nawe,ikindi kuki atahereye iwabo mu rutsiro

gqg Kuya 20-02-2019

Ibaze nawe, ngo 25%; ubwo se ni mu bana bangahe? Tekereza. Ubwo kubana 100 000, ni abana 25 000; Ngo ni hasi. Ibaza gutakaza abana banagana batyo. Kandi urwo ni urugero nifatiye. Bashobora kuba bakubye inshuro 10 cg zirenga. AKARERE KARI KU MUSAMIRA HEJURU , kakamwakirikiza yombi aho kumuteragirana. Nagizengo nta n’umwe uhari. Buriya kweri, VISI MEYA yabwiye JOSIANE kwandika, hanyuma ntiyabikora. Ntabwo mwa mwakiriye neza, ibyo mwakoze kwabaye kumwikiza. Ntimugasuzugure UMUNYARWANDA cyane igihe agiye kubafasha. Nyamara ejobundi nabona za miliyoni zo gushora mu mushinga we, akavanamo RWAMAGANA uzasanga munungunitse.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...