konka coffee
KONKA

AMAKURU

UKWEZI

Minisitiri Busingye yashimangiye impamvu nyayo Diane Rwigara afunzwe anakebura ababigoreka

Minisitiri Busingye yashimangiye impamvu nyayo Diane Rwigara afunzwe anakebura ababigoreka
5-09-2018 saa 08:06' | By Chief Editor | Yasomwe n'abantu 8718 | Ibitekerezo 9

Busingye Johnston, Minisitiri w’Ubutabera akaba n’Intumwa nkuru ya Leta y’u Rwanda, yakebuye abakomeza kwitiranya ibintu no kubigoreka babivuga ukundi, ku bijyanye n’amakuru y’impamvu nyayo Diane Rwigara afunzwe ndetse n’inzira zose byanyuzemo kugirango afungwe kugeza n’ubu aho agitegereje kuzaburanishwa ku byaha akurikiranyweho. Yagaragaje impamvu zitandukanye zishimangira ko abavuga ko yafunzwe azira ko yashatse kwiyamamariza kuba Perezida, ibyo nta shingiro na mba bifite

Mu nyandiko ndende Minisitiri Johnston Busingye yanyujije mu kinyamakuru The East African, yavuze ko abantu bajya bayoborwa n’amarangamutima ku mbuga nkoranyambaga bakirengagiza ukuri n’ibimenyetso bifatika, nyamara ari ngombwa ko abantu bavuga ibya Diane Rwigara badaciye ku ruhande ahubwo bakabivuga mu buryo nyabwo.

Minisitiri Busingye avuga ko Diane Rwigara yashatse kwiyamamaza nk’umukandida wigenga ku mwanya wa Perezida wa Repubulika mu mwaka wa 2017, ariko akananirwa kuzuza ibisabwa birimo n’imikino 600 y’abantu bamushyigikiye bagombaga guturuka hirya no hino mu turere twose tw’igihugu.

Busingye akomeza avuga ko kuba Diane Rwigara ataraje ku rutonde rw’abemerewe kwiyamamaza kuko atari yujuje ibisabwa, ntacyo yabikozeho gikurikije amategeko ngo bigaragare ko yashatse kurenganurwa. Minisitiri Busingye ati: "Diane Rwigara ntiyigeze agisha impaka Komisiyo y’amatora ku mpamvu yangiwe kwiyamamaza cyangwa ngo anagane inzira y’ubutabera. Komisiyo y’amatora kandi yabonye ko hari uburiganya bwakozwe mu byangombwa byatanzwe na Diane Rwigara, by’umwihariko mu mikono yatanze y’abamusinyiye. Uburiganya mu nzira y’amatora ni icyaha gihanwa n’amategeko, inzego zibishinzwe zahise zitangira kubikoraho iperereza"

Minisitiri Busingye avuga ko mu gihe hakorwaga iperereza, mu bitangazamakuru hatangiye kuvugwa amakuru y’uko hari abantu bashyizwe ku rutonde rw’abasinyiye Diane Rwigara kandi batarigeze babikora, ndetse ngo n’imyirondoro yabo ikaba yari yarabonetse mu kigo gishinzwe iby’indangamuntu binyuze mu buryo butemewe n’amategeko. Ibi byose ngo nta kabuza byagombaga gukorwaho iperereza.

Minisitiri Busingye avuga ko kandi uretse n’ibyo, Diane Rwigara n’abandi bantu batandukanye barimo n’abo mu muryango we, hari ibindi bakekwagaho byaje gukorwaho iperereza na Polisi. Yanavuze ku ntandaro yo kuba Polisi yaragiye mu rugo kwa Assinapol Rwigara.

Minisitiri Busingye ati: "Ibinyamakuru bitandukanye byo mu Rwanda no mu mahanga ndetse na bamwe mu badipolomate bari muri Kigali, batangiye kuvuga cyane iby’uko Diane Rwigara yaburiwe irengero ndetse Leta isabwa kugira icyo ikora hakamenyekana irengero rye. Ubwo Polisi yashakaga kwinjira mu rugo kwa Rwigara ngo ibikoreho iperereza, yazitiwe n’umukozi wabo. Nyuma y’iminsi bikomeza gusakuza, amahitamo Polisi yari isigaranye ni ukwinjira kwa Rwigara ibinyujije mu nzira zemewe n’amategeko. Diane Rwigara n’abo mu muryango we basanzwe mu rugo bameze neza. Bajyanywe kubazwa kuko bari barahamagawe bakanga kwitaba, hanyuma basubira mu rugo iwabo"

Minisitiri Johnston Busingye asobanura ko Diane Rwigara, nyina Mukangemanyi Adeline Rwigara na murumuna we Anne Uwamahoro Rwigara, bagejejwe imbere y’urukiko ariko Anne Rwigara akaza kurekurwa, mu gihe Diane na nyina bangiwe gufungurwa ngo bakurikiranwe bari hanze bitewe n’uko byagaragaraga ko bari gukoresha ubushobozi bwabo bw’amafaranga mu kuyobya ubutabera, kandi ubu bakaba bagikurikiranwa aho bafatwa nk’abere mu gihe cyose urukiko rutarabahamya icyaha.

Busingye akomeza asobanura ko ibyakozwe bikurikije amategeko. Ati: "Diane Rwigara na nyina bahawe uburenganzira bwabo bwo kugira ubwunganizi imbere y’amategeko, ndetse n’umwanya wo kwisobanura igihe cyose, bihitiramo abanyamategeko babunganira banahabwa ubundi burenganzira buteganywa n’amategeko. Ubu iburanisha ritaha riteganyijwe tariki 24 z’uku kwezi kwa Nzeri"

Nyuma yo gusobanura inzira byanyuzemo kugirango Diane Rwigara afungwe, Minisitiri Busingye yagaragaje ko ababigoreka bakavuga ko byatewe n’uko yashatse kwiyamamariza kuba Perezida, birengagiza ko abandi bahataniye uwo mwanya ntacyo babaye ndetse ko we yari n’umukandida utari ufite imbaraga.

Yagize ati: "Kuvuga ko Diane Rwigara arimo gukurikiranwa n’inkiko kuko yashatse kwiyamamariza kuba Perezida muri 2017 si byo. Yari umukandida uciriritse utari ufite amahirwe yo kwibonera n’amajwi arenze ayagerwa ku mashyi, kandi nta buhangange mu bya Politiki yari afite bwahatana n’ishyaka iryo ari ryo ryose rikorera mu Rwanda."

Uyu muyobozi akomeza avuga ko binagayitse cyane kubihuza no kwibaza ku buringanire no guteza imbere abagore mu Rwanda, kuko ngo iryo hame n’ubwo rikomeza gutera imbere no gukomera kurushaho, ntirikuraho ikurikizwa ry’amategeko, kuko amategeko yo adakurikizwa ku bagore ahubwo ari ku Banyarwanda bose baba abagore n’abagabo.

Agana ku musozo w’inyandiko ye, Minisitiri Busingye yasobanuye ko u Rwanda rwabashije gukira ibikomere byinshi, rukabasha kugera ku bwiyunge bw’abaturage barwo, rukubaka ubumwe ndetse rugakomeza gutera imbere, rubikesha ko rutigeze rujenjekera na rimwe umuco wo kudahana.

Ashimangira ko u Rwanda rw’ubu rushyize imbere ikurikizwa n’amategeko ku bantu bose ntawe urutishijwe undi, Diane Rwigara nawe akaba ari umwe mu barebwa n’ayo mategeko nk’uko areba undi muturage wese w’u Rwanda. Avuga ko u Rwanda rudashobora kurenza ingohe abakora ibyaha, akanasobanura ko uburenganzira bwa Diane Rwigara buzakomeza kubahirizwa kandi ngo ubutabera buboneye buzatangwa mu gihe gikwiye kandi ngo nta gitutu kivuye hanze y’ubutabera kizabigiramo uruhare.


INKURU ZA :
Tanga Igitekerezo
Ibitekerezo 9
Mukiza Elyson Kuya 15-09-2018

vigitoire yafunguw kd amez neza aho minister ibyavug kur rwigara ndabiz ntawavug nabi umunu atezeh amabok ukur nyak kuzwi nabanyir ubwit bonyine

Mukiza Elyson Kuya 15-09-2018

vigitoire yafunguw kd amez neza aho minister ibyavug kur rwigara ndabiz ntawavug nabi umunu atezeh amabok ukur nyak kuzwi nabanyir ubwit bonyine

Ange uwizeyimana Kuya 12-09-2018

Ndumva hari abantu badashaka kwemera ukuri arko ukuri kuryana mumatwi "rwigara yazize ibyo yakoze kd amategeko agomba gukurikizwa murakoze

MAHORO Kuya 10-09-2018

Minister w’ubutabera akaba n’umuvugizi wa leta.... none se wabogamira kubafunze cyangwa wabogamira kuri leta bafitanye nayo ikibazo kandi ariyo uvugira?
Ngo polisi yageragejekwinjira kwa Rwigara ngo barebe ikibazo bafite igakumirwa n’umukozi wabo? ubwo yari afite imbunda zingana iki abuza polisi gukora akazi kayo?
Bariya bashwanaga n’abanyamakuru bari bagiyeyo gutara amakuru bababuza kujyayo ko berekanye ikarita igaragaza ko ari aba GP nibo bari abakozi bo kwa Rwagara se? Mujye mureka gushinyagura!
Ibyakorwa byose ukuri kuguma ari ukuri kandi namwe murakuzi.

devo Kuya 7-09-2018

ariko kuki izi nkuru zabantu bo kwa Rwigara zikomeza kugenda zigaruka mu itangaza makuru. barafunze Kandi icyaha baregwa barakizi numva bitakagombye kugaruka rero. bagategereza kuburana batsinda bakavamo batsindwa bagakora igihano. kuko minister kubivugaho ndumva ntagishya yavuze ari ibyo dusazwe tuzi .

Gasombe Kuya 6-09-2018

Ibyo ntiwabura kubivuga kuberako uri ministre ariko nyuma dushobora kuzumva ngo wahunze igihugu ndetse ukanavuga ko president ari umwicanyi nkuko famille rwigara ibyemeza njye rwose abanyarwanda mbona muruma mugahuha

mukarugira emerance Kuya 6-09-2018

ndasubiza gasombe, ndamubaza nti nigute urukiko nyafurika rwarekuye ingabire ufungiye mu Rwanda, wakatiwe ninzego z`urwanda?ariko ntimukajye mwitiranya ibintu, reka arangize igihano yahawe ubundi yisohokere amahoro, ko ntacyo abaye ubona se adasa neza?harubwo akivuga se?Non yaracecetse azongera kuvugaageze hanze, kandi baca umugani ngo :Ukize inkuba arayiganira" buriya nawe azongera kuvuga avuyemo.ariko guhana ni sawa, umuco wo kudahana nibibi ntabwo abantu bakosoka.

Manzi Kuya 5-09-2018

Abavuga ibiterecyeranye ntabwo babura

gasombe Kuya 5-09-2018

minister urasetsa koko unaniwe kuvuga kuri INGABIRE urukiko nya Afurika rwagize umwere impamvu adataha ukatubwira abo imanza zabi zitacibwa ?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...