AMAKURU

UKWEZI
ubumwe

Mpayimana wahataniye kuba Perezida w’u Rwanda yakoze ubukwe bwanatashywe n’uwo bahatanye - VIDEO

Mpayimana wahataniye kuba Perezida w’u Rwanda yakoze ubukwe bwanatashywe n’uwo bahatanye - VIDEO
18-09-2019 saa 09:12' | By Chief Editor | Yasomwe n'abantu 25465 | Ibitekerezo

Mpayimana Philippe w’imyaka 49 y’amavuko, wamenyekanye cyane mu Rwanda mu mwaka wa 2017 ubwo yiyamamarizaga kuba Perezida w’u Rwanda ndetse akabyemererwa agahatana na Paul Kagame na Dr Frank Habineza, yakoze ubukwe ku Cyumweru tariki 15 Nzeri 2019, mu batashye ubukwe bwe hakaba harimo n’umwe mu bakandida bahatanye.

Mu masaha ya mugitondo cyo ku Cyumweru tariki 15 Nzeri 2019 nibwo Mpayimana Philippe yagiye i Nyanza mu Ntara y’Amajyepfo, agasaba akanakwa umugore we Uwamahoro Jacqueline basanzwe babana ndetse banafitanye abana babiri. Muri iyi mihango yo gusaba no gukwa hagaragayemo udushya dutandukanye.

Imodoka ya Depite Dr Frank Habineza wari ugeze ahabereye ibirori aje gutaha ubukwe bw’uwo bahatanye mu matora

Mpayimana Philippe ategereje guhabwa umugeni we

Mu byatunguranye harimo kuba Mpayimana yarakoye umugore we inka y’imbyeyi iri kumwe n’inyana yayo, akaba yaratangarije ikinyamakuru Ukwezi ko we adashyigikiye ibisagaye bikorwa na benshi muri iki gihe byo gukwa amafaranga. Ikindi cyatunguye abantu ni uko muri ibi birori, Mpayimana yahaye nyirabukwe impano ya televiziyo igezweho (Flat Screen).

Ni ubukwe bwitabiriwe na Dr Frank Habineza bahatanye mu matora ya Perezida yabaye muri 2017 ariko bombi bagatsindwa na Paul Kagame watsinze aya matora ku kigero cyo hejuru. Muri ubu bukwe kandi hanabayemo umuhango wo kwerekana abana babiri Mpayimana na Uwamahoro basanzwe bafitanye. Ibirori byakomereje i Nyarugenge ya Bugesera aho uyu muryango usanzwe utuye, ahabereye ibirori bisanzwe byo kwiyakira no kwinegura.

Gufata irembo byari byarabaye mu kwezi k’Ukuboza 2014, ndetse tariki 6 Ukuboza 2014 nibwo basezeranye imbere y’amategeko y’u Rwanda mu murenge wa Nyakabanda mu mujyi wa Kigali.

Mpayimana Philippe yari yaratandukanye byemewe n’amategeko n’umugore wa mbere bashakanye, amakuru agera ku Kinyamakuru Ukwezi akaba ashimangira ko babonye gatanya mu mwaka wa 2012.

REBA VIDEO Y’IBI BIRORI BYOSE HANO:


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...