AMAKURU

UKWEZI
ubumwe

’Mu bibi no mu byiza dusura inshuti’ Perezida Kagame

’Mu bibi no mu byiza dusura inshuti’ Perezida Kagame
11-06-2019 saa 10:20' | By Nsanzimana Ernest | Yasomwe n'abantu 1109 | Ibitekerezo

Perezida w’ u Rwanda Paul Kagame kuri uyu wa Mbere yasuye mugenzi we wa Gabon Ali Bongo Ondimba, bagirana ibiganiro bigamije guteza imbere umubano w’ ibihugu byombi.

Umukuru w’ igihugu yavuze ko imwe mu mpamvu z’ uruzinduko rwe yari ugusura mugenzi we umaze igihe arwaye.

Yagize ati “Nejejwe no kuba warorohewe agasubukura inshingano ze. Mu muco wa Afurika dusura inshuti mu bibi no mu byiza”.

Perezida Ali Bongo Ondimba yafashwe mu mpera z’ umwaka ushize abanza kuvurirwa muri Turikiya , bigeze hagati ajyanywa kuvurirwa Maroc arinaho yavuye asubira mu gihugu cye. Yari arwaye ikibazo cyo kwangirika ku imitsi y’ ubwoko (stroke).

Perezida Kagame yashimye mugenzi wa Gabon ko ateza imbere inyungu za Afurika.
Yagize ati “Gabon yabaye izingiro ry’ inyungu za Afurika, icyerekezo n’ ingamba yo kugera kuri icyo cyerekezo. Perezida Bongo afatanya n’ abandi bayobozi b’ umugabane wacu mu kuzamura iterambere”.

Perezida Kagame yavuze ko ku isoko rusange ry’ Afurika (AfCFTA) hari intambwe imaze guterwa kuva amasezerano arishyiraho yatangizwa.

Yavuze ko umubare w’ ibihugu byagombaga kuyemeza ngo ritangire wabonetse ati “N’ ibihugu bitarayemeza si uko bidafite ubushake cyangwa bitabona ko bikenewe ahubwo ni uko bagifite inzitizi za tekinike cyangwa mu mategeko bagomba kubanza gukemura”.

Ku bibazo by’ amakimbirane ari hagati y’ ibihugu bya Afurika, Perezida Kagame asanga nta kundi ibi bibazo byakemuka uretse gutahiriza umugozi umwe.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...