konka coffee
KONKA

AMAKURU

UKWEZI

Mu mafoto: Abakozi b’ibitaro bya Muhima bunamiye inzirakarengane zishyinguye mu Rwibutso rwa Kigali

Mu mafoto: Abakozi b’ibitaro bya Muhima bunamiye inzirakarengane zishyinguye mu Rwibutso rwa Kigali
27-04-2018 saa 18:01' | By Akayezu Jean de Dieu | Yasomwe n'abantu 778 | Ibitekerezo

Mu rwego rwo kwifatanya n’abanyarwanda kwibuka ku nshuro ya 24 Jenoside yakorewe Abatutsi, abakozi b’ibitaro bya Muhima biherereye mu karere ka Nyarugenge, Umujyi wa Kigali, bibutse abari abakozi n’abarwayi biciwe muri ibi bitaro mu gihe cya Jenoside yakorewe Abatutsi muri Mata 1994.

Ku gicamunsi cyo kuri uyu wa Gatanu tariki 27 Mata 2018, nibwo aba bakozi bakoze urugendo rwo kwibuka bava kuri ibi bitaro berekeza ku Rwibutso rwa Jenoside rwa Kigali ruri ku Gisozi mu karere ka Gasabo aho bageze bakunamira inzirakarengane ziharuhukiye zirimo n’abiciwe muri ibi bitaro.

Mu gihe cya Jenoside kimwe no hirya no hino mu bitaro no mu bigo nderabuzima, hari bamwe mu bari abakozi b’ibitaro bagiye bijandika mu bwicanyi bamwe muri bo bakica abarwayi baje babagana babaziza uko baremwe abandi bakica abakozi bagenzi babo.

Umuyobozi w’Ibitaro bya Muhima, Dr. Rutagengwa William yanenze cyane abari abakozi bo kuri ibi bitaro bishoye mu bikorwa by’ubwicanyi bakica abari bagenzi babo bakoranaga avuga ko batandukiriye ku ndangagaciro umuganga arahirira iyo yitegura kujya mu kazi.

Yagize ati “Mu ndahiro turahira turahirira kwita ku bantu bose kimwe, buri muntu tukamuvura nk’uvura umuvandimwe wawe cyangwa umwana wawe. Ibyo rero batatiye ibihango byinshi; batatiriye igihango cy’ubuganga, batatiriye igihango cy’ubunyarwanda cy’indangagaciro z’ubunyarwanda batatiriye ibihango byinshi”

Yakomeje agira ati “Numva umuganga ari we muntu wanyuma ushobora kugira nabi cyane ko yize kugira neza, yarahiriye kugira neza, kurengera ubuzima kuba rero agira uruhare mu bagirira nabi ubuzima nicyo kigaragaza ubunyamanswa rero bwaranze Jenoside yakorewe Abatutsi”

Dr. William yakomeje avuga ko kwibuka kuri bo ari uburyo bwiza kugira ngo bamenye uruhare nk’ikigo cy’ubuvuzi gifite mu byabaye ndetse banarebe uruhare bafite mu gusana ibyangijwe no kubaka igihugu.

VIDEO: Umva uburyo Dr William anenga abaganga bijanditse mu bwicany

Aha bari bageze ku Rwibutso rwa Kigali ruri ku Gisozi mu karere ka Gasabo Aba bakozi babanje kwerekwa filimi isobanura amateka ya Jenoside uburyo yateguwe n’uburyo yashyizwe mu bikorwa n’ubutegetsi bubi Bashyize indabo ahashyinguwe imibiri y’abazize Jenoside Basobanuriwe amateka ya Jenoside na bimwe mu bice bigize urwibutso rwa Kigali Umuyobozi w’Ibitaro bya Muhima, Dr. Rutagengwa William


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...