konka coffee
KONKA

AMAKURU

UKWEZI

Amafoto: Hibutswe abiciwe mu bitaro bya Kibuye muri Jenoside yakorewe abatutsi

Amafoto: Hibutswe abiciwe mu bitaro bya Kibuye muri Jenoside yakorewe abatutsi
17-06-2018 saa 18:35' | By Akayezu Jean de Dieu | Yasomwe n'abantu 1354 | Ibitekerezo

Kuri iki Cyumweru tariki 17 Kamena 2018, i Bwishyura mu karere ka Karongi ho mu Ntara y’Uburengerazuba hibutswe abari abarwayi, abarwaza n’abakozi b’ibitaro bya Kibuye bishwe muri Jenoside yakorewe Abatutsi muri Mata 1994.

Uyu muhango wo kwibuka abari abakozi n’abarwayi biciwe mu bitaro bya Kibuye wabimburiwe n’urugendo rwo Kwibuka aho abitabiriye iki gikorwa bavuye ku Bitaro bya Kibuye bakagera ku Rwibutso rwa Kiliziya St Pierre ahashyizwe indabo ku mva ziruhukiyemo imibiri y’abazize Jenoside yakorewe Abatutsi.

Mutabazi Moise waje ahagarariye Komisiyo y’Igihugu yo kurwanya Jenoside ’CNLG’ mu karere ka Karongi watanze ikiganiro ku biranga Jenoside yakorewe Abatutsi n’akamaro ko kubungabunga amateka yayo.

Mutabazi yagarutse ku mateka ya mbere y’abakoroni avuga ko abanyarwanda bari babanye neza ariko aho abakoroni bagereye mu gihugu bazanye amacakubiri n’amoko mu banyarwanda byakomeje kugeza kuri Jenoside yakorewe Abatutsi mu 1994.

Avuga ku kamaro ko kubungabunga amateka yayo yavuze ko bifasha kwigisha abakiri bato,bigafasha kurwanya ingengabitekerezo ya Jenoside kwamagana abashaka kuyihakana no kuyipfobyua ndetse no guhangana ningaruka ku barokotse Jenoside

Senateri Perrine Mukankusi arinawe wari umushyitsi mukuru muri uyu muhango yashimiye ubuyobozi bw’ibitaro bya Kibuye ku bwo gutegura neza iyi gahunda avuga ko bigaragaza ubumuntu ndetse nikizere cyo kubaho neza.

Yakomeje avuga ko Jenoside itazongera kubaho ukundi kuko hari intwari zayihagaritsr kandi zikomeje kuyirwanya ndetse ningengabitekerezo asaba abitabiriye uyu muhango gukomeza kurwanya ingengabitekerezo ya Jenoside

Senateri Perrine kandi yasabye ko abantu baba bazi amakuru ku harajugunywe imibiri itaraboneka ko batanga amakuru bigafasha abarokotse Jenoside yakorewe abatutsi kudahera mu gihirahiro batekereza ko ababo yenda bakiriho bityo bikaba byabaruhura babashyinguye mu cyubahiro.

Yakomeje abacitse ku icumu rya Jenoside abadhimira ubutwari badahwema kugaragaza anabasaba gukomeza ubwo butwari ntibaheranwe nagahinda ahubwo bakarushaho kwiyubaka ngo abagome badakomeza kubajora.

Yasabye abari aho gutoza abakiri bato indangagaciro nyarwanda no gukunda igihugu bakazavamo abanyarwanda beza bejo hazaza.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...