AMAKURU

UKWEZI

Mu mafoto: Umurenge wa Kicukiro bibutse abazize Jenoside yakorewe Abatutsi, bageze kure mu bwiyunge

Mu mafoto: Umurenge wa Kicukiro bibutse abazize Jenoside yakorewe Abatutsi, bageze kure mu bwiyunge
10-04-2018 saa 11:59' | By Akayezu Jean de Dieu | Yasomwe n'abantu 1978 | Ibitekerezo

Kuwa Mbere tariki 9 Mata 2018, Ubwo umurenge wa Kcukiro bari bifatanyije n’abanyarwanda kwibuka abazize Jenoside yakorewe Abatutsi by’umwihariko abo muri uyu murenge, Ubuyobozi burahamya ko mu gihe bibuka ku nshuro ya 24 bimaze kugaragara ko bageze ku ntambwe ishimishije mu bijyanye n’ubumwe n’ubwiyunge.

Iki gikorwa cyo kwibuka no kuzirikana Abatutsi bo muri uyu murenge wa Kicukiro bazize Jenoside yakorewe Abatutsi muri Mata 1994, cyabanjirijwe n’urugendo rwo kwibuka (Walk to Remember) rwavuye ahazwi nka Sonatube aho abari bitabiriye iki gikorwa bakoze urugendo rwuje umutuzo banyura Kicukiro Centre baza kurusoreza aho uyu murenge wa Kicukiro uherereye hafi n’urusengero rwa Zion Temple.

Mu buhamya bwatanzwe na Karemanngingo Fidele warokokeye muri uyu murenge yasobanuye uburyo kuva mu bwana bwe ubwo yari mu mashuri abanza yatangiye kujya abona we na bagenzi be babahagurutsa mu ishuri bakabavangura n’abandi bana babaziza ko ngo bari Abatutsi.

Fidele kandi yagaragaje inzira y’umusaraba yanyuzemo mu bihe bya Jenoside yakorewe Abatutsi, aho yavuze ko bitari byoroshye nk’umuntu wabayeho igihe kinini ahigwa n’abacengezi ariko kandi yanavuze ko kuri uyu munsi abanye neza na bamwe mu bamuhigaga bashaka kumwica.

Uhagarariye Umuryango uharanira inyungu z’abacitse ku icumu rya Jenoside yakorewe Abatutsi ‘IBUKA’ muri uyu murenge wa Kicukiro yavuze ko kuri ubu bishimira ko ibikorwa byo kwibuka bisigaye byitabirwa n’abanyarwanda bose bitagiharirwa abacitse ku icumu rya Jenoside yakorewe Abatutsi n’inshuti zabo gusa ahubwo bose basigaye bifatanya nabo kandi bakagaragaza umutima ushaka ari nabyo bigaragaza ko hari intambwe imaze guterwa mu bumwe n’ubwiyunge.

Umunyamabanga Nshingwabikorwa w’Umurenge wa Kicukiro, Murebwayire Alphonsine, yavuze ko kugeza ubu muri uyu murenge ubwitabire bugaragara mu bikorwa byo kwibuka bugaragaza intambwe bagezeho mu bumwe n’ubwiyunge ndetse abaturage bakaba babanye mu mahoro nta ngengabitekerezo ya Jenoside ikigaragara ibintu avuga ko bikagaragaza kwiyubaka.

Gitifu Alphonsine yagize ati “Ku bijyanye n’ubwiyunge abantu barabana mu mahoro kandi mwumvishe ko no mu buhamya turiho twumva muri aka kanya hari abaturage bagiye bagira uruhare mu guhisha bagenzi babo nan’ubu baracyabana baracyabashimira bari kumwe urubyumva bimeze neza”

Gitifu Alphonsine kandi yavuze ko nk’uko insaganyamatsiko y’uyu mwaka igira iti ‘Twibuke Twiyubaka’ abanyarwanda badakwiye guhora bibuka amateka y’igihugu cyabo bakareka kuba bamwe bo guheranwa n’agahinda ahubwo bakwiye kumenya ko ubuyobozi bwiza bw’igihugu bubari inyuma kandi butazongera kwemera ko ibyabaye bisubira. Bakoze urugendo rwo guha icyubahiro no kwibuka abo mu murenge wa Kicukiro bazize Jenoside yakorewe Abatutsi Bageze ku murenge babanje gufata umunota wo kunamira no guha icyubahiro abo muri uyu murenge bazize Jenoside yakorewe Abatutsi muri Mata 1994 Gitifu w’uyu murenge yayoboye umuhango wo gucana urumuri rw’icyizere Karemanngingo Fidele watanze ubuhamya bw’inzira y’umusaraba yanyuzemo kugirango arokoke Jenoside yakorewe Abatutsi


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...