konka coffee
KONKA

AMAKURU

UKWEZI
ubumwe

Mu masaha 48 Gisagara yungutse arenga miliyari yo gukemuza ibibazo bibangamiye abaturage

Mu masaha 48 Gisagara yungutse arenga miliyari yo gukemuza ibibazo bibangamiye abaturage
12-06-2019 saa 18:11' | By Nsanzimana Ernest | Yasomwe n'abantu 2003 | Ibitekerezo 1

Umuyobozi w’ Akarere ka Gisagara aravuga ko byinshi mu bibazo byari bibangamiye abaturage b’ Akarere ayoboye byabonewe ibisubizo bivuye mu mwiherero w’ abayobozi n’ abakozi b’ akarere n’ abafatanyabikorwa b’ akarere mu iterambere.

Meya Rutaburingonga Jerome yabitangaje kuri uyu wa 12 Kamena 2019 ubwo hasozwaga umwiherero w’ iminsi ibiri wasuzumiwemo aho akarere kageze kesa imihigo y’ umwaka wa 2018/19 hakanategurwa bimwe mu bigomba gushyirwamo imbaraga mu mwaka wa 2019/20.

Guverineri w’ Intara y’ Amajyepfo CG Emmanuel Gasana yasabye abayobozi gushyirahamwe bagahuza imbaraga kuko aribyo bizabafasha kurangiza inshingano zabo.

Abitabiriye uyu mwiherero barimo Murungi Jeannette wo muri Action Aid akaba n’ uhagarariye abafatanyabikorwa b’ akarere ka Gisagara mu iterambere yavuze ko uyu mwiherero bawukuyemo ingamba zo gukemura ibibazo by’ abaturage kurenza uko babikoraga.


Murungi Jeannette wo muri Action Aid

Yagize ati “Umufatanyabikorwa akwiye kuba yishyira mu kweto z’ abafite ibibazo. Action Aid buri gihe ishingira ku byifuzo by’ abaturage”.

Reverand Pasiteri Mutaganzwa Viateur uhagarariye abanyamadini mu karere ka Gisagara yavuze ko abanyamadini bakira abantu benshi bafite ibibazo ariko ngo nta gisibuzo gihamye bajyaga babaha uretse kubabwira ko ibibazo byabo bizakemukira mu ijuru. Pasiteri Viateur yavuze ko uyu mwiherero bawukuyemo ingamba yo kujya gushakira umuti ibibazo by’ abaturage birimo n’ ubukene.


Meya wa Gisagara Rutaburingoga Jerome

Umuyobozi w’ Akarere ka Gisagara Rutaburingoga Jerome yavuze ko uyu mwiherero bahakuye ibisubizo by’ ibibazo byari bibangamiye imibereho y’ abaturage.

Yagize ati “Tubonyemo miliyari na miliyoni 300 avuye muri JDAF aje mu gihe gito kugira ngo akemure ibibazo bibangamiye imibereho myiza y’ abaturage. Hano dukuyemo amazu 500, abatari bafite aho baba barenga 800, turabonamo ubwiherero, turabonamo amasakaro,…mu by’ ukuri iyo abantu bicaye gutya tubonamo ibisubizo”

Yakomeje agira ati “Ibibazo by’ abaturage hari ibidashyira mu gihe gito ariko turaza kubicyaha”.

Guverineri Gasana, afatiye urugero ku mudugudu wa Kaburanjwili, Akagari ka Munini mu murenge wa Kansi yagaragaje ko guhindura imibereho y’ abaturage bishoboka.

Muri Kaburanjwiri, nta rugo na rumwe rudafite amashanyarazi akomoka ku mirasire y’izuba. Mu gihe mu bindi bice bugarijwe n’ikibazo cy’abangavu baterwa inda z’imburagihe, icyo Kaburanjwiri yagikemuye kare yifashisha amasibo n’abakuze mu kugira inama abangavu n’ingimbi.

Ni umudugudu utarangwamo ibyaha, kuko imiryango yaho yose izi ingaruka z’amakimbirane haba ayo mu miryango n’andi ateza ibyaha.

Mu bijyanye n’imibereho myiza, Kaburanjwiri iza ku mwanya wa mbere kuko buri rugo rufite inka n’itungo rigufi byibuze rimwe.

Buri muryango ufite akarima k’igikoni gahinzemo imboga, buri muryango ufite n’ibiti by’imbuto byibuze bitatu; bose bafite amashyiga ya rondereza; abaturage bose bawutuye bafite ubwisungane mu kwivuza bw’imyaka ibiri, ni ukuvuga kugeza muri Kamena 2020. Nta mwana waho ufite ikibazo cy’imirire mibi.

Mu gushyigikira uburezi, nta mwana n’umwe wo muri Kaburanjwiri ugejeje igihe cyo kwiga utari mu ishuri. Buri rugo rufite igipande cy’umuganda kandi buri muryango ukorana n’ikigo cy’imari.

Imihanda yo muri uwo mudugudu yose yaciwe ku bufatanye n’abaturage, buri rugo rufite ubwiherero busukuye kandi inzu zaho zose zirakurungiye.

Guverineri Gasana ati “Kaburanjwili ni urugero rw’ ibishoboka. Iyo wubatse ubuyobozi bwiza, ubwo buyobozi bwashobora kumenyekanisha no gushyira mu bikorwa politiki ya Leta”

Akarere ka Gisagara umwaka ushize w’ imihigo y’ uturere kaje ku mwanya wa 25 mu turere 30.


Uyu mwiherero wafatiwemo ingamba zo gukemura ibibazo by’ abaturage ba Gisagara


Guverineri Gasana yasabye abayobozi ba Gisagara gukora nk’ ikipe kandi buri wese agaharanira ko umusanzu we ugaragara


INKURU ZA :
Tanga Igitekerezo
Ibitekerezo 1
jado Kuya 13-06-2019

Ibyo ni ibintu by’inyamibwa. Habura iki se ngo Gasabo n’umujyi wa Kigali bikorere abaturage. Reba nawe ugeze Karuruma, ukajya mu midugudu ituriye Gihogwe wagira ngo umujyi nta terambere wifuza. Habura iki koko? imihanda yibisoro, ivumbi riruta uko wabitekereza. Yewe Gasabo ibaye ikibazo kabisa.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...