konka coffee
KONKA

AMAKURU

UKWEZI

Muhanga: Ishuri rya MTC ryashimwe n’intumwa za MINEDUC, risabwa kuba uruganda ruto

Muhanga: Ishuri rya MTC ryashimwe n’intumwa za MINEDUC, risabwa kuba uruganda ruto
10-05-2018 saa 16:25' | By Chief Editor | Yasomwe n'abantu 2203 | Ibitekerezo 1

Ishuri ry’imyuga n’Ubumenyingiro rya MTC (Muhanga Technical Center) riherereye mu murenge wa Nyamabuye wo mu karere ka Muhanga, ryashimwe cyane n’intumwa za Minisiteri y’Uburezi zirimo gukora ubukangurambaga ku ireme ry’uburezi, intera ishimishije iki kigo kimaze kugeraho ikaba ari nayo izi ntumwa zashingiyeho zisaba ko iki kigo cyahinduka nk’uruganda ruto.

Izi ntumwa za Minisiteri y’Uburezi, zasuye iki kigo cya Muhanga Technical Center mu rwego rwo kugenzura uko ireme ry’uburezi buritangirwamo rihagaze, maze zishimira intambwe ubuyobozi bw’iki kigo bwateye mu kunoza ibyo bari barasabwe na Minisiteri y’Uburezi, cyane ko no mu ntangiriro z’uyu mwaka nabwo bari basuwe bakagirwa inama z’ibyo bakosora.

Intumwa za Minisiteri y’Uburezi zasuye ikigo cya Muhanga Technical Center

Ibibazo byakomeje kugaragara mu bigo bitandukanye byasuwe n’intumwa za Minisiteri y’uburezi mu karere ka Muhanga, birimo icy’abana bamwe bo mu mashuri yisumbuye babwirirwa kandi bakigana na bagenzi babo baba bagaburiwe ku ishuri, ikibazo cyo kuva mu ishuri, ikibazo cy’ibigo hafi ya byose bitagira imirindankuba yarinda ibiza by’inkuba, isuku muri rusange, kutabasha gukoresha ikoranabuhanga n’ibindi, nyamara ibi byose byagaragaye ko Muhanga Technical Center yabyitwayemo neza.

Abarimu n’abayobozi b’iki kigo bashimiwe ibyo bakoze ariko bibutswa ko batagomba gucogora

Intumwa za Minisiteri y’Uburezi, zatambagiye ibice bitandukanye by’ikigo, zishimira uburyo iki kigo gifite ibikoresho bihagije byagenewe gufasha abanyeshuri kurushaho kunononsora ibyo biga. Ishami ry’ubwubatsi, iry’ubukanishi bw’amamodoka, iry’ikoranabuhanga rya mudasobwa (Computer Science), iry’ubutetsi n’iryo gutunganya imisatsi, yose abanyeshuri bayigamo baba bafite ibikoresho byabugenewe bituma biga banashyira mu ngiro ibyo biga.

Abiga ikoranabuhanga rya mudasobwa (Computer Science) babona aho kwigira hari ibikoresho byabugenewe

Umukunzi Paul, ni umwe mu ntumwa za Minisiteri y’Uburezi zasuye iki kigo, by’umwihariko akaba anasanzwe ari umuyobozi wungirije ushinzwe amasomo mu ishuri rikuru ry’imyuga ry’i Huye (IPRC South), bisobanura ko anamenyereye cyane iby’imicungire y’amashuri y’imyuga n’ubumenyingiro. Uyu muyobozi yashimye cyane uburyo muri iki kigo baha abanyeshuri amahirwe yo kwiga bashyira mu ngiro ibyo biga, anabagira inama zatuma barushaho kubinononsora.

Abanyeshuri biga ubutetsi n’iby’amahoteli nabo bigishwa banashyira mu ngiro ibyo biga

Umukunzi Paul yabasabye kureka kuba ikigo cy’amashuri gusa ahubwo anabagira inama yo kuba nk’uruganda ruto. Yagize ati: "Ibyo mumaze kugeraho birashimishije ariko mukwiye kongeramo akantu ko guhanga udushya, niba mufite abanyeshuri bamaze kumenya guteka kuki mutagirana ubufatanye n’amahoteli? Niba abanyeshuri bamaze kumenya gutunganya imisatsi se kuko abaturage bataza mukabibakorera mukaba murimo kurushaho kwiga kandi munabibyaza umusaruro? Abiga iby’ubukanishi bw’amamodoka mugomba kurushaho gukorana n’amagaraji, n’indi myuga mukagenda mubikora mutyo. Mugomba kwiga kandi gukora utuntu tudasanzwe, abiga ikoranabuhanga rya mudasobwa mugahanga utuntu mushingiye ku bumenyi mufite, mbese mukaba nk’uruganda ruto rukora ibintu bitandukanye hano"

Nyirarukundo Gertrude, ni umuyobozi ushinzwe amasomo muri Muhanga Technical Center. Yatangarije ikinyamakuru Ukwezi.com ko mu igenzura ryakozwe muri Gashyantare uyu mwaka, koko hari byinshi bitagendaga neza ariko ngo kumvira inama bagiriwe na Minisiteri y’Uburezi no gushyira imbaraga mu gukosora ibitaragendaga neza nicyo cyatumye barushaho kubinononsora, kandi ngo urugendo rurakomeje barifuza ko byazagenda biba byiza kurushaho.

Abanyeshuri biga ibyo gutunganya imisatsi nabo baba bafite ibikoresho bihagije

Abiga ubwubatsi nabo babyiga banabishyira mu bikorwa banafite ibikoresho bihagije

Abiga ubukanishi bw’amamodoka babyiga nabo babishyira mu ngiro

Muri iki kigo harimo imirindankuba ibiri yashyizwemo hakumirwa ibiza

Iki gikoresho kizimya inkongi nacyo cyashimwe n’izi ntumwa kuko bigaragara ko ubuyobozi bwahagurukiye icyabangamira ubuzima bw’abanyeshuri

Hanateguwe uburyo bwo guha abanyeshuri amazi meza yo kunywa hifashishijwe icyuma cyabugenewe

Dr Gasheja Faustin (wa gatatu) uyobora Koleji y’Ubucuruzi n’Ubukungu muri Kaminuza y’u Rwanda, niwe wari uyoboye izi ntumwa za MINEDUC. Aha yafataga ifoto y’urwibutso n’abayobozi b’iki kigo.


INKURU ZA :
Tanga Igitekerezo
Ibitekerezo 1
Niyonambaza jean bosco Kuya 11-05-2018

Nibyiza nukuri MTC ninkuruganda ruto, kandi igeze ahantu buri wese yakwifuza.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...