konka coffee
KONKA

AMAKURU

UKWEZI

Mushikiwabo yageze muri Arménie ahazabera amatora ya OIF agiye guhatanamo

Mushikiwabo yageze muri Arménie ahazabera amatora ya OIF agiye guhatanamo
9-10-2018 saa 09:09' | By Vincent Nsengiyumva | Yasomwe n'abantu 2897 | Ibitekerezo 4

Minisitiri w’Ububanyi n’Amahanga w’u Rwanda, Louise Mushikiwabo, yageze i Arménie ahazabera amatora ashize amanga, aho yizeye kuzegukana umwanya wo kuyobora Ubunyamabanga bukuru bw’Umuryango uhuza ibihugu bikoresha ururimi rw’Igifaransa, OIF, mu matora azaba muri iki Cyumweru.

Mushikiwabo ahatanye n’Umunya-Canada Michaëlle Jean, usanzwe kuri uyu mwanya muri manda ishize y’imyaka ine.

Ibikorwa byo kwiyamamaza kuri aba bakandida bombi byasojwe ku wa Mbere tariki ya 8 Ukwakira, amatora akaba ateganyijwe ku wa Kane no ku wa Gatanu w’iki Cyumweru.

Ikinyamakuru TNT dukesha kivuga ko ikipe ishinzwe ibikorwa byo kwiyamamaza kwa Mushikiwabo ifite icyizere cy’intsinzi ishingiye ku makuru bavanye mu bihugu 22 banyuzemo mu mezi bamaze biyamamaza.

Ibi bihugu Mushikiwabo yaciyemo ashaka amajwi ndetse akabivamo bamwijeje kuzamushyigikira; ni Madagascar, Chad, Congo-Brazzaville, DR Congo, Senegal, Cameroon, Mauritania, Guinea, Gabon, Côte d’Ivoire, Niger, Burkina Faso, Vietnam, Lao, Cambodia, France, Belgium, Luxembourg, Romania, Armenia, Lebanon na Tunisia.

Oria Kije Vande Weghe, uyoboye ibikorwa byo kwiyamamaza bya Mushikiwabo yavuzez ko bashyigikiwe n’ibihugu byinshi byo muri Afurika n’ibyo ahandi.

Yagize ati “ Turashyikigikiwe ku rwego rwo hejuru, hyaba muri Afrika no hanze yayo. Bose batwijeje ko bazadushyigikira. Dufite icyizere gihagije.”

Oria Kije Vande akomeza ashimangira ko mu bihugu bya Afurika bizeyemo amajwi 29 ndetse n’ibindi bihugu bitari bike byo muri Aziya n’Uburayi bimushyigikiye, akaba aribyo bibaha icyizere cyo kuzahigika Michaëlle Jean bahataniye uyu mwanya.

Mu bikorwa byo kwiyamamaza bya Mushikiwabo, yagendaga agaragaza ko mu byo azashiramo imbaraga zidasanzwe harimo guharanira ko indangagaciro z’umuryango wa OIF no kwita ku rubyiruko.

Kuri uyu wa Mbere Louise Mushikiwabo na Michaëlle Jean bahuriye i Erevan muri Arménie, ahagiye kubera inama y’inteko rusange ya 17 ya OIF.

Aba bakandida bombi banahuriye mu musangiro wa ba Minisitiri b’Ububanyi n’amahanga, batumiwe na mugenzi wabo wa Arménie, Zohrab Mnatsakanyan.

Ifoto y’aba bombi yashyizwe ku rubuga rwa Twitter, ahagiye hanyuzwa gahunda y’ukwiyamamaza kwa Mushikiwabo.

JPEG - 120.1 kb

Minisitiri Mushikiwabo na Michaëlle Jean bahataniye umwanya w’Ubunyamabanga bwa OIF

JPEG - 104.1 kb

INKURU ZA :
Tanga Igitekerezo
Ibitekerezo 4
MUNYABUGINGO ATHANASE Kuya 13-10-2018

Courage

Byimana Eugene Kuya 10-10-2018

Courage, turakwemera

Byimana Eugene Kuya 10-10-2018

Courage, turakwemera

Byimana Eugene Kuya 10-10-2018

Courage, turakwemera

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...