‘Niba udashaka kurwaza bwaki iwawe, reka umugore atekane’ –Meya Ntazinda
Umuyobozi w’ Akarere Nyanza Ntazinda Erasme yasabye abagabo guha amahoro abagore babo ababwira ko nibadaha amahoro abagore babo nabo batazatekana, ndetse ko bizabangamira n’iterambere.
Yabitangarije mu murenge wa Rwabicuma, ahizihirijwe ku rwego rw’ akarere umunsi mpuzamahanga w’ abagore wizihizwa tariki 8 Werurwe buri mwaka. Uyu munsi mukuru wizihijwe ku nshuro ya 44.
Meya Ntazinda yavuze ko ahanini abakimbirane yo mu ngo aturuka ku bagabo. Ibi byanashimagiwe n’abaturage bavuze ko umutekano muke wo mu ngo ugaragara cyane mu ngo zifite abagabo b’ abazinzi baba basesagura umutungo wo mu rugo.
Meya Ntazinda yagize ati “Abagore usibye kubabwira ngo umunsi mwiza mpuzamahanga w’ abagore, ubundi nimureke nibwirire abagabo. Umugani w’ Ikinyarwanda uravuga ngo ‘Ukurusha umugore akurusha urugo’. Twabonye ikinamico ya Bizengarame hano. Niba ushaka kuba Bizengarame uzasigara ugaramye abandi bagusize.
Yakomeje agira ati “Niba mugabo ushaka kugira ubuzima bwiza, reka umugore atekane. Niba ushaka umutekano iwawe, kuri wowe, umutekano muri rusange ha amahoro umugore atekane. Niba ushaka ko iwawe nta bwaki ihaba, reka umugore atekane. Niba ushaka kubona ibitotsi ngo usinzire, reka umugore atekane”.
Meya Ntazinda yavuze ko umugore nadatekana umugabo atazatekana, ingo zitazatekana, n’iterambere ritazagerwaho. Gusa ngo abagore bo bariteguha ko ibi bigerwaho igisigaye ni uko abagabo babashyigikira.
Mukamana Daphrose wo mu mudugudu wa Nyamiyaga, Akagari ka Gacu mu murenge wa Rwabicuma yavuze ko amwe mu makimbirane yo mu ngo aba aho batuye ari ugusesagura umutungo no gucana inyuma kw’abashakanye.
Nyiranzayino Eugenie yatangarije UKWEZI ko amakimbirane akunze kuba mu murenge wa Rwabicuma ahanini ari aterwa n’abagabo baba basinze ariko nayo ngo akemukira muri gahunda yiswe ‘Igikari cy’ umudugudu’.
Gahunda yiswe igikari cy’ umudugudu ni uburyo abaturage bo mu midugudu itandukanye bashyizeho ingamije gukemurira ahiherereye amakimbirane yo mu ngo abana batabyumva.
Mukamana ati “Abo duhaniye hano bagenda banyuzwe kandi ntabwo ibibazo bisohoka ngo bige hanze”.
Komite y’ Igikari cy’ umudugudu igizwe n’ abitwa inshuti z’umuryango n’abasaza n’abakecuru b’inararibonye.
Isambu nini cyane i Nyamata kugiciro gito
Ikibanza cyiza kinini i Nyamata kugiciro cyiza
Ibibanza byiza bihendutse mu Bugesera miliyoni 6
Inzu nziza Kimironko igurishwa kuri macye
Inzu ifite ubuso bunini cyane iragurishwa bugesera
Ibaruwa ifunguye Joriji Baneti yandikiye Rucagu Boniface
Ibaruwa Joriji Baneti yanditse ashima byimazeyo Nzamwita Vincent De Gaule
Ibaruwa Joriji Baneti yandikiye Minisitiri w’Urubyiruko na ICT asaba kujyanwa Iwawa
Ese ni inde Nyirabayazana w’isenyuka ry’ingo rimaze gufata indi ntera muri iki gihe ?
Inkuru isekeje wabona nk’urwenya ariko irimo amasomo akomeye cyane
Ibyiza byo gukundana n’umukunzi uba kure yawe
Izi nizo mpamvu nyamukuru zituma umusore mumaze gusambana atongera kuguha agaciro 
