konka coffee
KONKA

AMAKURU

UKWEZI

Nta gushidikanya ko ikoranabuhanga ari umusingi w’ubukungu – Perezida Kagame

Nta gushidikanya ko ikoranabuhanga ari umusingi w’ubukungu – Perezida Kagame
8-05-2018 saa 21:44' | By Akayezu Jean de Dieu | Yasomwe n'abantu 712 | Ibitekerezo

Perezida wa Repubulika y’u Rwanda, Paul Kagame yavuze ko ikoranabuhanga ari umusingi w’ubukungu bugezweho n’ibihugu bikize ari nayo mpamvu umugabane wa Afurika ukomeje gushyira imbaraga muri uru rwego rw’ikoranabuhanga mu gushyiraho ibikorwaremezo no kuryigisha kugira ngo rikoreshwe

Umukuru w’igihugu yabigarutseho kuri uyu wa Kabiri tariki 8 Gicurasi 2018, ubwo yatangizaga ku mugaragaro Inama yiga ku guhuza Afurika hifashishijwe ikoranaguhanga ‘Transform Africa’ iri kubera mu Rwanda kuva tariki 7-10 Gicurasi.

Perezida Kagame yavuze ko Afurika itewe imbaraga no kubona abikorera n’abashoramari bashaka kugira uruhare muri iyi gahunda. Aho yashimiye Dr Touré Hamadoun n’abo bafatanya ku kazi keza bakomeje gukora mu gushyira imbaraga mu ikoranabuhanga nk’imwe mu nkingi ziri ku isonga mu gufasha ibihugu gutera imbere mu buryo bwihuse.

Yagize ati “ Nta gushidikanya ko ikoranabuhanga ari umusingi w’ubukungu bugezweho n’ibihugu bikize. Iyi niyo mpamvu dukomeza gushyira imbaraga mu gushyiraho ibikorwaremezo no kuryigisha kugira ngo rikoreshwe. Izi mbaraga zikomeje gutanga umusaruro. Nubwo ikoranabuhanga ryaba riteye imbere gute, ntabwo ryasimbura ibindi byaba bikorwa nabi mu zindi gahunda zifite akamaro mu iterambere ry’ubukungu, Aya masezerano azahindura Umugabane wa Afurika, ariko ibi bizashoboka twese nidukora ibyo dusabwa”

Umukuru w’igihu kandi yavuze ko korohereza ishoramari bifite akamaro mu kubaka icyizere cy’ubukungu bwa Afurika ndetse no kureshya abafatanyabikorwa tugamije guteza imbere guhanga ibishya.

Perezida Kagame yavuze ko ibihugu byinshi bya Afurika biri imbere mu korohereza abashoramari. Imyanya myiza yonyine ntabwo idahagije ahubwo Ikigamijwe ari ugukomeza kureshya abashoramari benshi kandi beza ari nabyo bisaba gukorana n’amasoko atandukanye ku isi hamwe n’abashoramari bo muri Afurika.

Yagize ati “Tugomba gukora cyane kugira ngo abikorera muri Afurika bamenyeshwe imishinga dufite kandi bayigiremo uruhare.Twishyizemo ko kugira ngo dutere inkunga imishinga yacu tugomba gushakira ahandi. Ibi sibyo kuko Afurika itakaza amafaranga menshi mu misoro itishyurwa, abikorera bacuruza hanze ya Afurika gusa, n’ibindi"

Yakomeje agira ati “Ntabwo Afurika ikennye. Ikibazo kiri mu myumvire aho usanga twumvako amafaranga yacu twayakoresha mu by’igihe gito aho kugira ngo tuyashore mu mishinga iramba. Dukomeje dutya, ibyo twaba twinjira byose, twakomeza gukena.

Perezida Kagame kandi yavuze ko kuri ubu Afurika igifite abaturage benshi bafite imyumvire iri hasi aho bagitekereza ko hari uzaza kubakorera bimwe mu bikorwa by’umwihariko ibi bisaba ikoranabuhanga rihambaye avuga ko abenshi iyi myumvire bayikura ku bukoroni

Ati “Aho twaba dukura iyi myumvire hose, haba mu bukoloni cyangwa ahandi, ibi ubwabyo ntacyo bivuze. Dukeneye gushaka imyumvire iduhuriza hamwe nk’abanyafurika igatuma duhindura imikorere, Ibi byose icyo bitwibutsa nuko ikoranabuhanga no guhanga udushya bitikora. Tugomba guhuza ibi byose tukabibyaza umusaruro abaturage bacu bategereje kandi bakeneye , urugero ni imbaraga Umuryango wa Afurika Yunze Ubumwe n’Ihuriro Mpuzamahanga ry’Itumanaho (ITU) bafatanyije n’abikorera bashyize mu kugeza umuyoboro mugari wa internet aho utaragera"

Umukuru w’igihugu kandi yavuze ko gushora imari mu ikoranabuhanga no guhanga udushya bizagera ku ntego ni bihuzwa n’imbaraga zishyirwa mu zindi gahunda kandi bikagera ku baturage bacu bose. AMAFOTO: Village Urugwiro


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...