konka coffee
KONKA

AMAKURU

UKWEZI
Minijust

Nyabugogo: Abaturage bakusanyije hafi miliyoni 200 zo kwiyubakira Ibiro by’ Akagari

Nyabugogo: Abaturage bakusanyije hafi miliyoni 200 zo kwiyubakira Ibiro by’ Akagari
23-02-2019 saa 17:11' | By Nsanzimana Ernest | Yasomwe n'abantu 3701 | Ibitekerezo

Kuri uyu wa Gatandatu tariki 23 Gashyantare , abayobozi batangije igikorwa cyo kubaka ibiro bishya by’ akagari ka Nyabugogo bizuzura bitwaye 197 607 814 mu mafaranga y’ u Rwanda. Ni nyuma yo guhabwa umuhanda Perezida Paul Kagame yabemereye noneho bagashaka gushyiraho akabo.

Iki gikorwa cyahuriranye n’ Umuganda rusange ngarukakwezi usoza ukwezi kwa Gashyantare 2019 wakozwe mu gihugu hose.

Mu karere ka Nyarugenge uyu muganda bawukoreye mu Murenge wa Kigali mu Mudugudu wa Gakoni ahazwi nka Norvege aho bifatanyije n’ abaturage b’ aka kagari batangiza ibikorwa byo kubaka ibiro bishya by’ Akagari ka Nyabugogo.

Abaturage b’ aka kagari bagaragaje ko nyuma yo kubona aho batuye hitwa Norvege ariko bagasanga Akagari kabo katajyanye n’ ikicyerekezo. Abaturage biyemeje kwiyubakira ibiro by’ Akagari bibabereye.

MUHIRE Aimable, Umunyamabanga Nshingwabikorwa w’ Akagari ka Nyabugogo yabwiye UKWEZI ko igitekerezo cyo kubaka ibi biro bishya by’ akagari cyavuye mu baturage ubwabo nyuma y’ uko umuhanda Perezida Kagame yabemereye bawubonye bati reka natwe dushyireho akacu.

Yagize ati “Igitecyerezo cyavuye mu baturage bo ubwabo, Perezida(Kagame) yari yabemereye umuhanda wa Kabulimbo, noneho babonye umuhanda bawubonye, baravuga ngo kuba Perezida waratwemereye umuhanda ndetse ukaba waranakozwe, hakaba hari gukorwa n’ undi uzazamuka ugahura na Nyamirambo, (uvuye Ruriba kuri Nyabarongo), kandi akagari ka Nyabugogo kakaba hari kuri uwo muhanda, katajyanye n’ icyerekezo reka dushyireho akacu twiyubakire akagari kajyanye n’ igihe”

Gitifu MUHIRE yongeyeho ko ubu amafaranga azubaka aka kagari amwe yamaze gukusanywa ari kuri konti.

Akarere ka Nyarugenge katangaje ko kemereye aba baturage ikibanza kiri ahari hasanzwe akagari abaturage abavuga ko katajyanye n’ igihe ngo bacyubakemo akagari bifuza.
Imirimo yo kubaka akagari gashya yatangiye uyu munsi izamara amezi agera kuri 4 cyangwa 5.

Umuyobozi w’ Umujyi wa Kigali Madamu RWAKAZINA Marie Chantal yashimye ikigitekerezo cy’ aba baturage avuga ko imyumvire yabo ikwiye kuba urugero ku bandi baturage b’ Umujyi wa Kigali.

Ibiro by’ Akagari ka Nyabugogo byatangiye kubakwa ni inzu igeretse rimwe, ifite ibyumba bine ku nivo ibanza, n’ amatuwalete ajyanye n’ igihe nk’ uko bivugwa na Muhire, noneho hejuru hakaba ibiro by’ umukuru w’ umudugudu wa Gakoni n’ icyumba cy’ inama.


Iyi nzu niyo Akagari ka Nyabugogo kakoreragamo

Muri uyu muganda, uretse gutangiza ibikorwa byo kubaka aka kagari abaturage banakoze ibikorwa byo guhanga umuhanda itandatu ica muri uwo mudugudu wa Gakoni.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...