AMAKURU

UKWEZI
ubumwe

Nyagatare: Arara ahagaze acunga ibikuta bisigaye ngo bitagwira umugore n’ abana

Nyagatare: Arara ahagaze acunga ibikuta bisigaye ngo bitagwira umugore n’ abana
8-05-2019 saa 11:28' | By Nsanzimana Ernest | Yasomwe n'abantu 2200 | Ibitekerezo 3

Ruzagiriza Theogene, umugabo ufite umuryango w’abantu 10 akaba utuye mu karere ka Nyagatare mu murenge wa Katabagemu mu kagari ka Bayigaburire mu mudugudu wa Nyagahandagaza avuga ko arara ahagaze acunga ko ibikuta by’ inzu bisigaye bitagwira umuryango we.

Uyu mugabo uba mubukene bukabije mu kiciro cya mbere cy’ ubudehe nta nzu agira yo kubamo, none n’ iyo yaje gutizwa n’ umuturanyi ayibamo hashize ibyumweru 2 ihiritswe n’imvura akaba aba ahasa no ku gasozi doreko ibikuta 2 byose byaguye akaba arara maso ategereje ko n’ ibindi nabyo bigwa kuko biri hafi kuzamugwaho.

Aganira n’ ikinyamakuru UKWEZI yagize ati “Ubu buzima maze kubumenyera nta kundi nabigenza, abana na nyina bararyama njyewe nkarara nicaye ndebako ntakibazo bagira iyo mbonye bukeye nshima Imana"

Uyu Ruzagiriza utunzwe no guhingira abantu ngo abone uko aramuka, yatubwiyeko barya mu bihe bitandukanye. Ati "Ntunzwe no guhingira abaturanyi bakampa amafranga 600 cyangwa 700 ku munsi ubwo rero kuyarya turi 10 ni ibintu biba bikomeye bisaba ko uwariye kumanywa nijoro arekera abandi we ntarye".

Yakomeje asaba ubuyobozi ko nawe bamufasha nk’ uko bafasha abandi akabona aho kuba akareka kuguma kwikanga ko butari bucye.

Ati "Imvura iragwa ni joro nkajya kumabaraza y’abaturanyi akaba ariho nugama"

Mu nteko y’abaturage yabaye kuri uyu 2 tariki ya 7 Gicurasi 2019 ubwo umuyobozi w’Isibo Nkuriyingoma Jean Baptiste yagezaga ikibazo cya Ruzagiriza k’ Umunyamabanga nshingwabikorwa w’akagari ka Bayigaburire Benimana Jean Bernard yavuze ko iki kibazo bagiye kugira icyo bagikoraho.

Yagize ati “Iki kibazo twarakimenye tugiye gushaka aho turaba tumucumbikishirije hanyuma mu kwa 7 tuzamwubakire inzu mu kibanza twamushakiye mu kagari ka Nyakigando"

Charles Ntirenganya


INKURU ZA :
Tanga Igitekerezo
Ibitekerezo 3
Rubyagali Kuya 10-05-2019

ariko nawe mi faux, kubyara abana 10 bose ntacyo ufite cyo kubatunga? none se muri abo bana 10 nta bakuru barimo ku buryo bafatanya bakiyubakira inzu y’ibiti n’ibyondo ariko ntibanyagirwe wenda bagafashwa ariko nabo bagize icyo bakora? harimo n’ubujiji bwinshi.

Marti Kuya 10-05-2019

Yarongoreye iki?

Nizeyimana Yusuf Kuya 8-05-2019

Sha Uwo umugabo agomba ku bakirwa pe!

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...