konka coffee
KONKA

AMAKURU

UKWEZI

Nyarugenge: Abiciwe baracyahangayikishijwe no kumenya aho imibiri y’ababo yajugunywe

Nyarugenge: Abiciwe baracyahangayikishijwe no kumenya aho imibiri y’ababo yajugunywe
11-04-2018 saa 11:43' | By Muhizi Olivier | Yasomwe n'abantu 834 | Ibitekerezo

Bamwe mu bacitse ku icumu rya Jenoside yakorewe Abatutsi bo mu Murenge wa Nyarugenge bavuga ko bagishegeshwa bikomeye n’agahinda ko kuba bataramenya aho imibiri y’ababo yajugunywe ngo kuko ababishe bakomeje kwwinangira gutanga amakuru y’aho babajugunye.

Byatangarijwe mu muhango wo Kwibuka Abatusti baguye muri Jenocide yabakorewe muri Mata by’umwihariko abaguye muri uyu murenge wa Nyarugenge, wabaye kuri uyu wa Kabiri tariki 10 Mata 2018 aho watangiye hakorwa urugendo rwo Kwibuka rwasorejwe kuri Camp Kigali ari naho hatangiwe ibiganiro ndetse n’ubuhamya bitandukanye.

Muri uyu muhango kandi hanatambukijwe ubutumwa bunyuranye bushishikariza abantu kwerekana aho imibiri yajugunwe kugira ngo nayo ishyingurwe mu cy’ubahiro.

Uhagarariye Ibuka mu murenge wa Nyarugenge Gafaranga Omar aganira yavuze ku mateka yaranze uyu murenge ndetse n’amahano bahuye nayo mu gihe cya Jenoside ndetse agaruka no ku cyobo cyajugunwagamo Abatutsi akaba ahamya ko abajugunywemo bose atari ko bakuwemo.

Yagize ati “Ubundi uyu murenge wahoze ugizwe na Segiteri Biryogo ari naho Jenoside yashegeshe cyane abaturage bari batuye Rugunga na Agatare bari baturiye icyobo cyajugunywagamo Abatutsi . Abajugunywemo bose siko bavuyemo kuko hari imibiri na n’ubu tutarabona kandi barajugunywe muri icyo cyobo.uretse kandi abajugunywe muri icyo cyobo na hano Camp Kigali hari ikigo cya gisirikare, umuntu winjiragamo ntiyasohokaga abantu baguye aha hantu bose nta n’umwe turababona.”

Gafaranga akomeza avuga ko nk’abarokokeye mu murenge wa Nyarugenge hari abantu babo batarabona ngo bashyingurwe mu cyubahiro bakaba basaba ko bashyirirwaho uburyo hubakwa ibikuta nibura hakandikwaho amazina y’abantu baguye Camp Kigali ndetse n’abaguye muri icyo cyobo batabonetse kugirango bakomeze kubungabunga ibimenyetso bya Jenoside .

Kayihura Evaritse warokokeye muri uyu Murenge yagarutse ku buzima abacitse ku icumu babayemo nyuma y’imyaka 24 Jenoside irangiye avuga ko hari abakiri mu buzima butoroshye ndetse bagihura n’ingaruka basigiwe na Jenocide.

Yagize ati “Twagerageje kwiyegeranya ndetse hari n’abubakiwe amazu ariko hari n’abakibabaye badafite aho baba amazu yabo yenda kubagwira hari nabo yagwiriye icyo navuga kigenda neza wenda ni mu rwego rwo kwivuza turivuza nta kibazo ariko abadafite aho kuba bakwiye kwitabwaho bakubakirwa.

Umuyobozi w’Akarere ka Nyarugenge Kayisime Nzaramba yijeje abarokokeye mu murenge wa Nyarugenge ubufatanye ndetse no kubakorera ubuvugizi ku bibabazo bafite byose.

Yagize ati “Ubu twatangiye gufatanya na Ibuka ndetse na CNLG kubaka inkuta zizandikwaho amazina y’abazize Jenoside ndetse bajye bajya kuhibukira bahashyire n’indabo mu gihe ari ngombwa, tuzakomeza kubakorera ubuvugizi dufatanyije n’abafanyabikorwa bacu bajya badufasha. Kukijyanye n’aho kuba ubu kubufatanye na FARG twamaze kubaka amazu asaga 120 kandi amazu meza ajyanye n’icyerecyezo ntago ari igikorwa twakora mu munsi umwe turafatanya n’abantu batandukanye ariko bizakemuka.”
Abaturage batandukanye bo muri Nyarugenge bari bitabiriye uyu muhango wo kwibuka ku nshuro ya 24 Jenoside yakorewe Abatutsi muri Mata 1994


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...