AMAKURU

UKWEZI
cheno 2020

Nyirarukundo yavuze icyatumye ibyiciro by’ubudehe bishya bidasohoka muri Nyakanga nk’uko byari biteganyijwe

Nyirarukundo yavuze icyatumye ibyiciro by’ubudehe bishya bidasohoka muri Nyakanga nk’uko byari biteganyijwe
11-03-2020 saa 22:46' | By Nsanzimana Ernest | Yasomwe n'abantu 3350 | Ibitekerezo 1

Umunyamabanga wa Leta muri Minisiteri y’ Ubutegetsi bw’ Igihugu Nyirarukundo Ignatienne yavuze ko icyatumye ibyiciro bishya by’ubudehe bidasohoka muri Nyakanga 2019 nk’uko byari biteganyijwe ari uko bikiri kunozwa.

Ibyo byiciro byagombaga gusohora mu kwezi kwa 7 umwaka ushize byahawe amazina mashya ariyo Ndinda, Ingemwe, Uruyange , Bandereho, na Rugerabicu.

Aganira na UKWEZI kuri uyu wa 11 Werurwe 2020, Nyirarukundo yavuze ko icyatindije isohoka ry’ibyiciro by’ubudehe ari uko bikiri kunozwa.

Yagize ati “Nta mbogamizi zindi uretse kunoza. Ni gahunda izamara igihe kirekire, mbese ni ugutinda ariko kurimo no gushaka kunoza ibintu”.

Avuga ko kuba byaratinze bidakwiye gutera abaturage impungenge ko ahubwo bakomeza bagakoresha ibisanzweho, baharanira kuva muri kimwe bajya mu kindi.

Ati “Iyo itegeko ritarahinduka iriba rihari riba rigifite agaciro”. avuga ko igihe ibi byiciro bishya bizatangarizwa kitaramenyekana.

Byari byitezwe ko ibi byiciro bishya byavuye mu makuru yakusanyijwe mu baturage mu ntangiriro za 2019 bitangazwa mu ntangiriro za Nyakanga 2019 bikaba ari nabyo bigenderwaho mu mwaka w’ imihigo 2019/2020.

Amakuru avuga ko ibyiciro by’ ubudehe byavuye kuri 7, biba 4 none bigiye kuba bitanu. Mu nama yabaye kuri uyu wa 03 Kamena yahuje inzego zitandukanye zifite aho zihuriye n’ ibi byiciro by’ ubudehe ,hemejwe by’agateganyo ko ibyiciro by’ ubudehe bigomba kuba bitanu gusa bikazemezwa n’ Inama y’ Abaminisitiri.

–Icyiciro cya mbere cyiswe Ndinda

–Icyiciro cya kabiri cyiswe Ingemwe

–Icya gatatu cyiswe Uruyange

- Icya kane cyiswe Bandebereho

–Icyiciro cya gatanu ni Rugerabicu .

Ndinda,Ingemwe,Uruyange , Bandereho, na Rugerabicu niyo mazina mashya y’ibyiciro by’Ubudehe


INKURU ZA :
Tanga Igitekerezo
Ibitekerezo 1
Sakega Kuya 1-04-2020

Guhindura amazina sicyo gisubizo, ahubwo bashake icyateza imbere abaturage.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...