konka coffee
KONKA

AMAKURU

UKWEZI

PL yijeje ab’i Kayonza na Rwamagana kuvugurura ubucuruzi bushingiye ku bukerarugendo

PL yijeje ab’i Kayonza na Rwamagana kuvugurura ubucuruzi bushingiye ku bukerarugendo
27-08-2018 saa 07:25' | By Muhizi Olivier | Yasomwe n'abantu 785 | Ibitekerezo

Ishyaka riharanira ukwishyira ukizana kwa buri muntu PL rikomeje gahunda yo kwamamaza abakandida bazarihagararira mu Nteko Ishinga Amategeko, mu matora azaba tariki ya 3 Nzeri 2018.

Kuri iki cyumweru tariki 26 Kanama 2018,abakandida ba PL bakomeje gahunda yo kwiyamamariza mu karere ka Kayonza umurenge wa Nyamirama ndetse no mu karere ka Rwamagana umurenge wa Kigabiro mu Ntara y’Uburasirazuba ahari hateraniye abantu benshi baje kumva imigabo n’imigambi by’iri shyaka.

Hon Mukabalisa Umuyobozi mukuru w’ishyaka rya PL yasezeranyije abaturage ba Rwamagana na Kayonza ko nibaramuka babagiriye icyizere bakabatora ko bazavugurura ubucuruzi bushingiye ku bukerarugendo bushingiye kuri Parike y’Akagera ndetse n’ikiyaga cya Muhazi gikora kuri Rwamagana na Kayonza.

Yagize ati "Tuzavugurura ubucuruzi bushingiye ku bukerarugendo. Murabizi mufite parike y’Akagera ndetse n’ikiyaga cya Muhazi aho hose abakerarugendo barahatemberera. Tuzavugurura ubucuruzi duhe amahugurwa abantu bazaba baribumbiye mu makoperative kugirango ubukerarugendo burusheho gutunga abantu benshi ndetse bwinjirize n’igihugu imisoro kuko n’amahirwe mufite mutapfa gusanga ahandi ."

Yongeyeho ko baramutse bagiriwe icyizere ngo bazita ku buhinzi bw’urutoki bugaragara muri ubu turere twombi ndetse n’ubworozi bw’amafi .

Dr Mbonimana Gamariel utuye mu karere ka Kayonza ndetse uri mu bakandida-Depite ba PL avuga ko nibatorwa bazazamura ubuzima n’imibereho y’abatuye muri aka gace k’Uburasirazuba bw’igihugu.

Yagize ati "Akarere ka Kayonza abaturage bako bahinga urutoki tuzagerageza gukora ubuvugizi umusaruro wabo ubone isoko kandi ku giciro cyiza.Ikindi aka karere kabereye ubukerarugendo tuzagerageza kureshya abashora imari mu bukerarugendo .Mu bijyanye n’imibereho myiza y’abaturage."

Yakomeje avuga ko hazanakurikiranwa ikibazo cy’amazi ku buryo buri wese azajya abona amazi mu buryo bworoshye kandi bunogeye buri wese.

Abaturage bo muri Rwamagana bijejwe ko ibibazo bigaragara mu icukurwa ry’amabuye y’agaciro bizashakirwa umuti.

Ku bijyanye n’isuku n’ isukura mu karere ka Kayonza abakandida ba PL bagaragaze ko hakenewe ikimoteri rusange mu mujyi wa Kayonza babizeza ko bazabashakira aho gishyirwa.

Ku bijyanye n’imibereho myiza kandi aba bakandida bagaragaje ko hakenewe ibigo nderabuzima kuri buri Kagari babizeza ko nibatorwa bazahita babakorera ubuvugizi babyegerezwe byihuse.
Abakandida ba PL bijeje impinduka mu Burasirazuba


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...