konka coffee
KONKA

AMAKURU

UKWEZI
Minijust

Perezida Kabila yabwiye Perezida Kagame ko umwuka uri mu gihugu cye utatuma agisohokamo

Perezida Kabila yabwiye Perezida Kagame ko umwuka uri mu gihugu cye utatuma agisohokamo
17-01-2019 saa 17:23' | By Nsanzimana Ernest | Yasomwe n'abantu 6699 | Ibitekerezo 2

Abakuru b’ ibihugu na za Guverinoma ku gicamunsi cyo kuri uyu wa 17 Mutarama 2019 bateraniye i Addis Abeba mu nama nyunguranabitekerezo yo gushakira umuti ikibazo kiri muri Repubulika ya Demukarasi ya Kongo. Perezida Kagame afite icyizere ko ibitekerezo biyitangirwamo bitanga umuti kuri iki kibazo, gusa ngo yahamagaye Kabila amubwira ko atabasha gusohoka mu gihugu cye kubera uko ibintu byifashe.

Perezida Kabila ntabwo yitabiriye iyi nama ariko yatanze impamvu. Muri Kongo baherutse gutangaza ibyavuye mu matora aho Komisiyo y’ Amatora y’ iki gihugu yatangaje ko Felix Tshisekedi ari we watsinze, ariko abarimo Kiliziya Gatolika, u Bufaransa, u Bubiligi na SADC bavuga ko Martin Fayulu ari we watsinze aya matora.

Iyi nama nyunguranabitekerezo yabereye i Addis Abeba Perezida w’ u Rwanda akaba n’ Umuyobozi wa Afurika yunze ubumwe, Paul Kagame wayiyoboye yavuze afite icyizere ko iza gufatirwamo imyanzuro iganisha ku gukemura iki kibazo kiri muri Kongo.

Mu bitabiriye iyi nama harimo n’ umuyobozi w’ Umuryango w’Ubukungu uhuza ibihugu byo muri Afurika y’ Amajyepfo SADC. Perezida Kagame yavuze ko SADC yari yateye intambwe iganisha ku gushakira umuti iki kibazo, agaragaza ko ibitekerezo nibihurizwa hamwe biza gutanga umusaruro.

Perezida Kagame yavuze ko iyo abayobozi b’ ibihugu bya Afurika badahuriye hamwe ngo bashake umuti ku bibazo byabo, baba barimo gutumira abo hanze ngo baze kubashakira umuti.

Yagize ati “Iyo tudahuriye hamwe ngo dushake ibisubizo ku bibazo byacu, ibibazo by’umugabane wacu, ni uburyo bumwe bwo gutumira abantu bo hanze y’umugabane wacu ngo baze badushakire ibisubizo”

Yakomeje agira ati “Uburyo bwiza bwo kubikumira ni ukugira inama nk’ iyi. Ndi gutegura iyi nama navuganye na Perezida wa Repubulika ya Demokarasi ya Kongo, birumvikana namwoherereje n ’ubutumire, ni uko arambwira ngo yifuzaga kubana natwe ariko bitewe n’uriya mwuka ntibyamworohera gufata urugendo”.

Perezida Kagame yavuze ko Perezida Kabila yamwemereye ko azohereza abamuhagarariye bakabaha ishusho y’uko bihagaze bakanababwira ubufasha babakeneyeho.

Ikibazo cya politiki Repubulika ya Kongo irimo muri iyi minsi gisa n’ aho kidasanzwe kuko ibibazo byari bimenyerewe muri Afurika ari aho Perezida uri ku butegetsi wabaga yatsinzwe amatora yanga kurekura ubutegetsi, gusa muri Kongo kuri iyi nshuro biravugwa ko uwatangajwe ko yatsinze amatora atari we wayatsinze.


INKURU ZA :
Tanga Igitekerezo
Ibitekerezo 2
Mbarirano Kuya 18-01-2019

Murenzi Roger, Kagame cyangwa abo bari kumwe mu nama bahindutse abafarqnsa n’ababirigi bate?! Cyangwa ntiwasomye inkuru neza?!

Murengezi rogers Kuya 17-01-2019

Abo babirigi n’abafransa bashizwe iki muri congo muri Africa muri rusange iyo banga ibyavuye mu matora bafite uburenganzira bwo gutora nkabakocoman kuki bamwe bivanga muri politique ya Africa Kagame ndamwizeye save Africa.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...