AMAKURU

UKWEZI
ubumwe

Perezida Kagame arabonana na Ali Bongo wa Gabon umaze igihe ari mu bihe bitoroshye

Perezida Kagame arabonana na Ali Bongo wa Gabon umaze igihe ari mu bihe bitoroshye
10-06-2019 saa 12:30' | By Chief Editor | Yasomwe n'abantu 1495 | Ibitekerezo

Perezida wa Repubulika y’u Rwanda, Paul Kagame, kuri uyu wa Mbere tariki 10 Kamena 2019, yagiriye uruzinduko rw’akazi no gutsura umubano mu gihugu cya Gabon, aho abonana na Perezida Ali Bongo umaze igihe ari mu bibazo bitamworoheye, birimo kuba hari abashatse kumuhirika ku butegetsi ndetse n’uburwayi amazemo iminsi buzwi nka ’Stroke’. Stroke ni indwara y’ubwonko iterwa n’uko amaraso ajya mu bwonko ahagaze kugenda cyangwa agize impamvu iyabuza kugenda nk’ibisanzwe.

Ibiro bya Perezida wa Gabon byashyize hanze itangazo rivuga ko Perezida Kagame asura Gabon kuri uyu wa Mbere, akakirwa na mugenzi we Ali Bongo aho biteganyijwe ko baganira ku kunoza imibanire n’ubuhahirane bw’ibihugu byombi.

Perezida Kagame kandi arifatanya na Ali Bongo mu kwibuka imyaka 10 ishize, Omar Bongo Ondimba wayoboye Gabon mu gihe cy’imyaka 41 agasimburwa n’uyu muhungu we Ali Bongo mu mwaka wa 2019.

Muri Mutarama uyu mwaka, Ali Bongo yari arimo kuvurirwa muri Maroc ikibazo cyo kwangirika kw’imitsi y’ ubwonko yagize mu Ukwakira 2018, abanza kuvurirwa muri Arabia Soudite bigeze aho yimurirwa muri Maroc ari naho yatangaje ijambo risoza umwaka ari. Icyo gihe nibwo abasirikare bashinzwe kumurinda bagiye kuri radiyo y’igihugu basoma itangazo rivuga ko bafashe ubutegetsi ariko uwo mugambi uza kuburizwamo.

Perezida Ali Bongo aheruka mu Rwanda muri Gashyantare 2018, aho yakiriwe na mugenzi we Paul Kagame bakaganira ku bufatanye n’ubutwererane bw’ibihugu byombi. Uyu muyobozi kandi yanitabiriye ibirori by’irahira rya Perezida Kagame mu mpera za 2017.

Perezida Ali Bongo ubwo aheruka kuza mu Rwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...