AMAKURU

UKWEZI
ubumwe

Perezida Kagame yagaragaje ikihishe inyuma yo kuba FT yatangaje ko u Rwanda rwatekinitse imibare y’ ubukungu

Perezida Kagame yagaragaje ikihishe inyuma yo kuba FT yatangaje ko u Rwanda rwatekinitse imibare y’ ubukungu
14-08-2019 saa 12:24' | By Nsanzimana Ernest | Yasomwe n'abantu 1997 | Ibitekerezo

Perezida w’ u Rwanda Paul Kagame yagaragaje ko ibyo inkuru icukumbuye ya Financial Times ivuga ko ‘u Rwanda rwatekinitse imibare muri 2015 rukagaragaza ko ubukene bwagabanutse’ ibyo ivuga atari ukuri, agaragaza ikibyihishe inyuma ari icyengezamatwara ry’ Uburayi n’ Amerika.

Iyi nkuru icumbuye yatangajwe kuri uyu wa Kabili tariki 13 Kanama 2019. Mu kiganiro yagiranye n’ urubyiruko kuri wa 14 Kanama yanyomoje ibivugwa muri iyo nkuru.

Perezida Kagame yavuze ko iyi nkuru ya FT itangajwe mu gihe hashize icyumweru kimwe hatangazwa inkuru zivuga ko u Rwanda ruri gutera imbere.

Ati "Hari izindi nkuru zishingiye kuri za gihamya zaba izo muri Banki y’ Isi, IMF, iza World Economic Forum zibara inkuru itandukanye n’ iya (FT)".

Umukuru w’ igihugu yavuze ko iyi nkuru ikiyihishe inyuma ari propaganda y’ Abanyaburayi kandi ari urugamba yiteguye kurwana. Perezida Kagame yasabye abanyarwanda kumufasha kurwanya iyi propaganda kuko ari urugamba rw’ abo Abanyarwanda aribo n’ abo bashaka kubabo.

Yagize ati “Bamwe muri aba bantu ntaburenganzira bafite bwo kudusuzugura. Niba dushaka kubaka u Rwanda twifuza ntabwo bagomba kuza ngo batubwire ngo iki ntikibabereye iki nicyo kibabereye”.

Avuga ko abantu bagomba kugira ibitekerezo bitandukanye ariko ko nta we ukwiye gutegeka Abanyarwanda icyo bakwiye gukora.

Yakomeje agira ati “Ntabwo dushaka kuba aho abandi bashaka ko tuba. Uburezi muhabwa bwakabayeyo bubaremamo uwo mutima. Mukwiye kwibaza impamvu ibihugu u Rwanda , Afurika biri ahantu byari biri mu myaka myinshi ibindi bihugu byari munsi bikaza bikabicaho bikabisiga”.

Umuntu ugukandagira akaba ari wowe uvuga sorry bigaragara nk’ aho ari gusaba ko akomeza kugukandagira.

Minisitiri w’ Urubyiruko Mbabazi Rose Mary yasabye urubyiruko gukunda igihugu bitari mu magambo gusa nk’ uko byagaragajwe n’ umusore witwa Nizigiyimana Emmanuel wo mu Karere ka Karongi wahanzwe umuhanda wenyine.

Mu kiganiro ku ruhare rw’ ikoranabuhanga umuyobozi wa Irembo yavuze ko iyi gahunda yo gusabira ibyangombwa yorohereje abaturage kuko abaturage basiragiraga mu buyobozi basaba ibyangombwa ubu bimwe muri ibi byangombwa bikaba bishobora kuboneka mu masaha ane gusa umuntu atavuye aho ari.




INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...