AMAKURU

UKWEZI
ubumwe

Perezida Kagame n’ Igikomangoma cy’ Ubwongereza bagiranye ibiganiro

Perezida Kagame n’ Igikomangoma cy’ Ubwongereza bagiranye ibiganiro
24-07-2019 saa 08:37' | By Nsanzimana Ernest | Yasomwe n'abantu 865 | Ibitekerezo

Perezida w’ u Rwanda Paul Kagame, yagiranye ibiganiro n’Igikomangoma cy’Ubwongereza Charles Philip Arthur George, ku myiteguro y’inama y’ibihugu bigize Commonwealth izabera mu Rwanda.

Iyi nama ya 26 y’ abakuru ba za guverinoma n’ abakuru b’ ibihugu bbigize Commonwealth izabera mu Rwanda muri Kamena 2019.

Ibi biganiriro byabereye mu nzu y’iki gikomangoma izwi nka Highgrove House kuri uyu wa 23 Nyakanga 2019.

Muri Mata umwaka ushize, u Rwanda rwatorewe kuzakira iyi nama, ifatwa nk’ihenze kurusha izindi zose zihura abakuru b’ibihugu na za Guverinoma.

U Rwanda rwatsindiye iyi tike, nyuma yo gutsinda ibihugu nk’Ikirwa cya Pacifique na Fiji, kiba igihugu cya Kabiri muri Afurika cyakiriye iyi nama nyuma ya Uganda yayakiriye mu 2007.

Igikomangoma Charles yatangaje ko azitabira iyo nama kugira ngo yirebere ibyiza by’u Rwanda.

Yagize ati “Nishimiye ko nzabona umwanya wo kwirebera n’amaso yanjye ubwiza bw’igihugu cyanyu.”

Itsinda ry’intumwa zo mu Bwongereza zikora mu biro bishinzwe Umuryango uhuza ibihugu bikoresha Icyongereza (Commonwealth) muri Werurwe uyu mwaka ryashimye aho u Rwanda rugejeje imyiteguro yo kwakira inama ya 26 y’abakuru b’ibihugu na za Guverinoma z’ibihugu bikoresha Icyongereza.

U Rwanda rumaze imyaka 10 rubaye umunyamuryango wa Commonwealth , kuko rwinjiye muri uyu muryango tariki 28 Ugushyingo 2009. Uyu muryango uhuza ibihugu bikoresha Icyongereza ugizwe n’ ibihugu 54 bituwe n’ abaturage miliyari 2,4.




INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...