konka coffee
KONKA

AMAKURU

UKWEZI
Minijust

Perezida Kagame n’ umufasha we bakiriwe n’ Umwami w’ Abami w’ u Buyapani [AMAFOTO]

Perezida Kagame n’ umufasha we bakiriwe n’ Umwami w’ Abami w’ u Buyapani [AMAFOTO]
8-01-2019 saa 07:57' | By Nsanzimana Ernest | Yasomwe n'abantu 1474 | Ibitekerezo

Perezida w’ u Rwanda Paul Kagame n’ umufasha we Jeannette Kagame ku munsi wa mbere w’ uruzinduko rw’ akazi rw’ iminsi ibiri bagiriye mu Buyapani bagiranye ibiganiro na Ampereur w’ u Buyapani Akihito n’umugore we Michiko Shōda.

Kuri uyu wa Mbere nibwo Perezida Kagame na Madamu Jeannette Kagame, bageze i Tokyo mu Buyapani mu ruzinduko rw’akazi rw’iminsi ibiri rutangira kuri uyu wa 8 kugeza kuwa 9 Mutarama 2019.

Biteganyijwe ko nyuma yo guhura n’ Umwami w’ Abami Akihito, Perezida Kagame na Jeannette Kagame bagirana ibiganiro na Minisitiri w’Intebe w’u Buyapani Shinzo Abe n’umugore we Akie Abe.

Perezida Kagame na Madamu Jeannette Kagame bazitabira isangira bazakirwamo na Minisitiri w’Intebe w’u Buyapani n’umugore we.
Ku munsi wa kabiri w’uruzinduko, Perezida Kagame azageza ijambo ku ihuriro ry’abacuruzi b’Abayapani n’Abanyarwanda, anaganire n’amahuriro y’abagize Inteko Ishinga Amategeko y’u Buyapani na AU ndetse n’iry’u Buyapani n’u Rwanda.

U Rwanda n’u Buyapani bifitanye umubano ukomeye w’igihe kirekire ushingiye ku bufatanye mu iterambere ry’ubukungu, ubucuruzi, ishoramari, ubufasha mu bya tekiniki ndetse n’ibijyanye no kubaka ubushobozi.

Ibihugu byombi kandi bifitanye ubufatanye mu bijyanye n’ingufu, amazi n’isukura, ubuhinzi, uburezi n’ubwikorezi binyuze mu gutanga inkunga n’inguzanyo.

Ishoramari ry’Abayapani mu Rwanda ryibanda cyane mu kongerera agaciro ibikomoka ku buhinzi n’ubworozi, kwakira abantu, ubuhinzi bw’imbuto n’imboga, ubucukuzi bw’amabuye y’agaciro, ikoranabuhanga n’ibijyanye na serivisi.

Nubwo umubano w’u Rwanda n’u Buyapani watangiye mu 1962, u Rwanda rwafunguye ambasade yarwo i Tokyo mu 1979.

Mu 2017, ubucuruzi u Rwanda bwakoranye n’u Buyapani bwabarirwaga muri miliyoni 57 z’amadolari ya Amerika. Ishoramari ry’u Buyapani mu Rwanda ryari rifite agaciro ka miliyoni 21,485 z’amadolari, rikaba ryarahanze imirimo 178.





INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...