konka coffee
KONKA

AMAKURU

UKWEZI

Perezida Kagame na Jeannette Kagame batoreye Abadepite b’u Rwanda mu Bushinwa - Amafoto

Perezida Kagame na Jeannette Kagame batoreye Abadepite b’u Rwanda mu Bushinwa - Amafoto
2-09-2018 saa 08:38' | By Chief Editor | Yasomwe n'abantu 4886 | Ibitekerezo 6

Kuri iki Cyumweru tariki 2 Nzeri 2018, mu gihe hirya no hino ku isi hateganyijwe amatora y’Abadepite mu Nteko ishinga amategeko y’u Rwanda ku banyarwanda baba mu mahanga, Perezida Kagame na Jeannette Kagame bari mu Bushinwa nabo bifatanyije n’Abanyarwanda baba muri iki gihugu, batorera kuri ambasade y’u Rwanda iri i Beijing mu murwa mukuru w’u Bushinwa.

Kuri uyu wa Mbere tariki 3 Nzeri 2018 nibwo Abanyarwanda batandukanye bazindukira mu bikorwa by’amatora rusange y’Abagize Inteko Ishinga Amategeko y’u Rwanda, ariko iki gikorwa kikaba cyabimburiwe no gutora kw’Abanyarwanda bari mu mahanga. Perezida Kagame na Madamu Jeannette Kagame bagiye i Beijing mu Bushinwa kuri uyu wa Gatandatu, nabo bakaba bari mu babimburiye abandi gutora intumwa za rubanda.

Perezida Kagame na Jeannette Kagame bitabiriye amatora y’Abadepite bifatanya n’Abanyarwanda baba mu Bushinwa

Perezida Kagame na Jeannette Kagame kandi bajyanye n’itsinda ry’abadipolomate batandukanye bo mu Rwanda, barimo na Minisitiri w’Ububanyi n’Amahanga, Ubutwererane n’Umuryango wa Afurika y’Uburasirazuba, Madamu Louise Mushikiwabo, aba bose bakaba bifatanyije n’umuryango w’Abanyarwanda baba mu Bushinwa mu gikorwa cy’amatora.

Patrick Mugenzi uyobora ihuriro ry’Abanyarwanda baba mu Bushinwa ni umwe mu baseseri b’amatora

Perezida Kagame na Madamu Jeannette Kagame bahuye n’Abanyarwanda baba mu Bushinwa banafatanya igikorwa cyo kwitorera abadepite

Perezida Kagame na Madamu Jeannette Kagame bagiye i Beijing kwitabira inama y’Ihuriro ku bufatanye bwa Afurika n’u Bushinwa yiswe FOCAC2018 (Forum on China-Africa Cooperation 2018) iteganyijwe guhera kuri uyu wa Mbere, aha muri iki gihugu bakaba baranabonanye n’abandi bakuru b’ibihugu bitandukanye.

Perezida Kagame na Madamu Jeannette Kagame bageze i Beijing kuri uyu wa Gatandatu

Mu mujyi wa Beijing, Perezida Kagame yahahuriye na Abiy Ahmed; Minisitiri w’Intebe wa Ethiopia akaba n’inshuti ye iherutse kumugabira inka n’iyayo.

Umubano w’u Rwanda n’u Bushinwa umaze igihe urangwa n’ubufatanye n’ubutwererane ku mpande zombi, Perezida Xi Jinping w’u Bushinwa akaba anaherutse mu Rwanda aho yasinyanye amasezerano atandukanye y’u Bufatanye na mugenzi we Paul Kagame w’u Rwanda. Kuba Perezida Kagame ayobora umuryango wa Afurika yunze Ubumwe, nabyo bishimangira ireme ryo kwitabira iyi nama y’Ihuriro ku bufatanye bw’uyu mugabane n’igihugu cy’u Bushinwa.


INKURU ZA :
Tanga Igitekerezo
Ibitekerezo 6
nteziryayo patrick Kuya 3-09-2018

DUKUNDA UMUYOBOZI UHIGURA IMIHIGO YAHIZE YIYAMAMAZA.MURAKOZE.KUND A CYAAAAANE

nteziryayo patrick Kuya 3-09-2018

DUKUNDA UMUYOBOZI UHIGURA IMIHIGO YAHIZE YIYAMAMAZA.MURAKOZE.KUND A CYAAAAANE

Uwifashije Laurence Kuya 3-09-2018

Turashimira Imana yafashije uwo mubyeyi wibarutse impanga amze kugaragaza uburyo ari umunyarwanda nyawe Imana ihe umugishe abo bana izabahe gukura neza.

Jean Pierre Nsabimana Kuya 2-09-2018

Turakweme muyobozi mwiza twahawe na Yehova!

Jean Bosco HAKIZIMANA Kuya 2-09-2018

Nyakubahwa Paul KAGAME Namadame Tubarinyuma IMANA Ibafashe Murugendo Rwabo Turabakunda Cyane Ariko Niwacu muge Muhagera Murakoze.

Hategekimana Rutikanga Faustin Kuya 2-09-2018

Niba Bishoboka , Mwaja Mutwoherereza Amaku Kuri Adresse E-mail .Murakoze .

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...