konka coffee
KONKA

AMAKURU

UKWEZI

Perezida Kagame ntiyumva impamvu imyaka ishira indi igataha Afurika ikiri mu bukene

Perezida Kagame ntiyumva impamvu imyaka ishira indi igataha Afurika ikiri mu bukene
21-06-2018 saa 18:22' | By Akayezu Jean de Dieu | Yasomwe n'abantu 3906 | Ibitekerezo 1

Perezida Kagame uri muri Ghana mu ihuriro riganira ku mpinduka ziganisha ku iterambere rya Afurika yavuze ko Afurika ifite umutungo uhagije wagakwiye kuba ufasha mu iterambere ariko ashimangira ko impinduka zifuzwa muri Afurika zizagerwaho hashyizwe imbaraga mu gushora imari mu baturage mu gufatanya hagati ya leta n’abikorera.

Iri huriro rizamara iminsi ibiri ryatangiye kuri uyu wa Gatatu tariki 20 Kamena 2018, I Acra muri Ghana ahateraniye abayobozi batandukanye barimo Perezida Kagame, Perezida Nana Addo Dankwa Akufo-Addo wa Ghana, Visi Perezida w’iki gihugu,
Perezida wa Cote d’Ivoire Daniel Kablan Duncan n’abandi bayobozi batandukanye barimo abahagarariye ibigo na za sosiyete z’ishoramari zikomeye muri Afurika.

Perezida Kagame yavuze ko kuvuga ku mpinduka ahanini bikwiye kujyana no kuvuga ku baturage ba Afurika ndetse n’uburyo bwo gukoresha neza umutungo w’uyu mugabane

Yagize ati “Kuvuga ku mpinduka ni ukuvuga abaturage bacu n’ibyo dufite tugomba gukoresha neza. Turi kuvuga ku gucunga neza umutungo wacu na politiki nziza iherekeza ibikorwa bizatugeza aho twifuza kugera”

Umukuru w’Igihugu kandi yavuze ko bigaragara ko umugabane wa Afurika udafite urundi rwitwazo kuko ufite umutungo wafasha mu kwihutisha iterambere

Ati “Nta busobanuro dufite ukuntu Afurika ifite umutungo kamere uhagije ariko ugakomeza gukena imyaka igashira indi igataha”

Yakomeje avuga ko umumaro w’ibiganiro nk’ibi biba byateguwe ari mu rwego rwo kugira ngo nk’abayobozi bagaragaze ibitagenda neza n’ibikwiye gukosorwa kugira ngo umugabane ujye mbere mu iterambere

Iri huriro ryitabiriwe n’abayobozi bakuru mu nzego zitandukanye za leta n’abikorera aho bari kuganira by’umwihariko ku iterambere rya Afurika n’ingamba zafatwa kugira ngo umugabane wa Afurika utere imbere mu ishoramari no mu gushyira mu bikorwa gahunda zigamije impinduka mu iterambere ry’ubukungu bwa Afurika. Perezida Kagame ari muri Ghana muri (ATF2018, African Transformation Forum.


INKURU ZA :
Tanga Igitekerezo
Ibitekerezo 1
M.A Kuya 25-06-2018

Mukosore Perezida wa Cote d’Ivoire ntabwo yitwa Daniel Kablan Duncan ,yitwa Alassane Ouwatara

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...