AMAKURU

UKWEZI
ubumwe

Perezida Kagame yabwiye abarwanya u Rwanda ko bari gukinisha umuriro

Perezida Kagame yabwiye abarwanya u Rwanda ko bari gukinisha umuriro
8-05-2019 saa 12:29' | By Nsanzimana Ernest | Yasomwe n'abantu 1243 | Ibitekerezo 1

Perezida w’ u Rwanda Paul Kagame yavuze ko umutekano u Rwanda ruwukomeyeko kuko ruzi agaciro kawo, abwira abarwanya u Rwanda ko bari gukinisha umuriro ndetse ko nibawegera bazashya.

Yabivugiye mu karere ka Burera kuri uyu wa 8 Gicurasi 2019 aho yatangiriye muri gahunda yo kwegera abaturage no kuganira nabo.

Umukuru w’ Igihugu yavuze ko umutekano ugomba kuboneka ku neza bishingiye kuko Abanyarwanda bazi akamaro k’ umutekano.

Yagize ati “Ntabwo twakwingira umuntu kuduha umutekano. N’ abari hanze tubageraho, abandi baratwizanira. N’ abandi mujya mwumva bari ku maradiyo, bari kuri internete bavuga ubusa tuzabageraho”.

Perezida Kagame yavuze ko abari hanze nko mu Bufaransa bakumva ngo bari kure, nabo ngo nibakinisha kwegera umuriro bazashya.

Yongeyeho ati “N’ abashaka kubajyamo bakajya kubakoresha muge mubabwira ko barakinisha umuriro nibawujyamo uzabotswa”.

Perezida Kagame yasezeranyije abaturage b’ akarere ka Burera ko azasubirayo bitari kera akajya kureba ko ibibazo bafite byakemutse.

Umuyobozi w’ Akarere ka Burera Uwambajemariya Florence yavuze ko kimwe mu bibazo bikomeye bafite ari ikibazo cy’ amazi ava mu birunga akangiriza abaturage.

Perezida Kagame yavuze ko ayo mazi yakabaye atunganywa abaturage bakayakoresha, none ari kwangiza ibyo abaturage bubatse.

Umukuru w’ igihugu yavuze ko ubushobozi bwo gukemura iki kibazo buhari ashimangira ko abayobozi bagomba kugikemura.

Yagize ati “Amazi dukwiriye kuba dukoresha akaba asenya ibyo abantu bubaka. Hari uburyo kandi hari n’ ubushobozi…abayobozi benshi bagomba kuba bicaye hano bagomba kubibazwa, bagomba no kubisubiza. Baraza kubibazwa baraza no kubisubiza”.

Biteganyijwe ko Perezida Kagame aza kugirana ikiganiro n’ abavuga rikijyana bo mu Ntara y’ Amajyaruguru.


INKURU ZA :
Tanga Igitekerezo
Ibitekerezo 1
muragijimanaetienne Kuya 15-05-2019

presidentpoulkagameibyoavuganibyo

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...