AMAKURU

UKWEZI

Perezida Kagame yageze mu Bubiligi aho yitabiriye inama ya EDD2018- Amafoto

Perezida Kagame yageze mu Bubiligi aho yitabiriye  inama ya EDD2018- Amafoto
4-06-2018 saa 12:16' | By Akayezu Jean de Dieu | Yasomwe n'abantu 3040 | Ibitekerezo

Mu gitondo cyo kuri uyu wa Mbere tariki 4 Kamena 2018, Perezida wa Repubulika y’u Rwanda, Paul Kagame yahuye na Perezida w’Inama Nyobozi y’Umuryango ‘European Development Days’ aho yitabiriye Inama ya 12 Ngarukamwaka Nyaburayi ku Iterambere ‘European Development Day’-EDD2018, iri kubera mu Bubiligi.

Iyi nama ibaye ku nshuro yayo ya 12 ihuje abayobozi batandukanye mu bihugu by’I Burayi. Irimo kandi n’impuguke mu bya Politiki n’Ubukungu ikaba iza kugaruka cyane ku kamaro k’abari n’abategarugori mu kugera ku ntego z’iterambere rirambye cyane cyane bahabwa amahirwe angana n’ay’abandi mu nzego zifata ibyemezo.

Nk’uko byatangajwe n’ibiro by’umukuru w’igihugu (Village Urugwiro), Perezida Kagame yageze mu Bubiligi ndetse ahita ahura na Perezida w’Inama Nyobozi y’Umuryango, Donald Tusk.

Biteganyijwe ko Perezida aza kugeza ijambo ku baritabira iyi nama ya EDD2018, mu muhango uteganyijwe ejo kuwa kabiri tariki 5 Kamena 2018, ukazaba witabiriwe kandi n’abayobozi mu nzego zitandukanye barimo n’abakuru b’ibihugu byabo barimo Umwamikazi Mathilde w’u Bubiligi, Umwamikazi Letizia wa Espagne.

Uyu muhango wo gutangiza iyi nama uzaba witabiriwe kandi na Perezida Marie Louise Celoro Preca wa Malta, Perezida Roch Marc Christian Kabore wa Burukina Faso, Perezida Georhe Weah wa Liberia, Minisitiri w’Intebe wa Norvege, Erna Solberg n’abandi batandukanye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...