AMAKURU

UKWEZI
ubumwe

Perezida Kagame yagiranye ibiganiro na Minisitiri w’ ububanyi n’ amahanga wa Uganda

Perezida Kagame yagiranye ibiganiro na Minisitiri w’ ububanyi n’ amahanga wa Uganda
8-07-2019 saa 15:41' | By Nsanzimana Ernest | Yasomwe n'abantu 1951 | Ibitekerezo

Ikinyamakuuru Chimpreports cyatangaje ko Perezida w’ u Rwanda Paul Kagame yagiranye ibiganiro na Minisitiri w’ Ububanyi n’ amahanga wa Uganda Sam Kutesa wari witabiriye ibirori byo kwizihiza ku nshuro ya 25 umunsi mukuru wo kwibohora.

Ibi biganiro byabereye muri Kigali Convention Center tariki 3 Nyakanga 2019, ni ku wa Gatatu w’ icyumweru gishize.

Iki kinyamakuru cyatangaje ko umuntu wo muri Leta ya Uganda kitatangaje amazina yagitangarije ko ibi biganiro byamaze amasaha abiri.

Muri ibi biganiro na Minisitiri w’ Ububanyi n’ amahanga w’ u Rwanda Dr Richard Sezibera yari ahari.

Ibyo aba bayobozi baganiriye ntabwo byatangajwe , gusa ni ibiganiro bibaye n’ ubundi mu gihe umubano w’ ibihugu byombi bitabanye neza, kandi ni mu gihe ibihugu byombi biherutse kuregwa mu rukiko ko byafunze imipaka abaturage bakabihomberamo.

Sam Kutesa yari kumwe mu Rwanda na Minisitiri w’ Intebe wa Uganda wungirije ushinzwe Afurika y’ Iburasirazuba, bombi bitabiriye ibirori byo kwizihiza ku nshuro ya 25 umunsi mukuru wo kwibohora kw’ Abanyarwanda.

Sam Kutesa wari intumwa ya Perezida Museveni yashyikirije Perezida Kagame ibaruwa yari yandikiwe na Perezida Museni bafatanyije urugamba rwo kubohora u Rwanda.

Imibare ya Banki nkuru ya Uganda yerekana ko amafaranga ava mu byo Uganda yoherezaga mu Rwanda yagabanutse akagera ku madorali y’ Amerika miliyoni 2,64 avuye kuri miliyoni 11 z’ amadorali.

Bimwe mu bikoresho n’ ibiribwa byavaga muri Uganda birimo akawuga , amavuta yo kwisiga Movit, amavuta yo guteka ya Mukwano byazamuye igiciro mu Rwanda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...