konka coffee
KONKA

AMAKURU

UKWEZI
Minijust

Perezida Kagame yagizwe Umuyobozi wa EAC na Bazivamo yongererwa manda

Perezida Kagame yagizwe Umuyobozi wa EAC na Bazivamo yongererwa manda
1-02-2019 saa 20:43' | By Nsanzimana Ernest | Yasomwe n'abantu 1978 | Ibitekerezo 1

Perezida w’ u Rwanda Paul Kagame yagizwe Umuyobozi w’ Umuryango uhuza Ibihugu by’ Afurika y’ Iburasirazuba asimbuye Perezida wa Uganda Yoweli Kaguta Museveni wari umaze imyaka ibiri kuri uyu mwanya.

Izi nshingano Perezida Kagame yaziherewe I Arusha muri Tanzania kuri uyu wa 5 tariki 1 Gashyantare 2019, mu nama ya 20 isanzwe y’ abakuru b’ ibihugu bigize uyu muryango.

Ibiro bya Perezida w’ u Rwanda byatangaje ko Perezida Kagame yemeye izi nshingano agashimira abamugiriye icyizere.

Yagize ati “Ndabashimiye ku bw’ icyizere mwagiriye mukampa izi nshingano, ndabizeza ko nzakorana umuhate nk’ umuyobozi w’ inama za EAC”

Perezida Kagame yavuze ko ubumwe n’ ubufatanye ari ingenzi kugira ngo uyu muryango ugere kuri byinshi.

Yagize ati “Iyi nama ni umwanya wo kugaragaza ahari imbogamizi kugira ngo twese dutere imbere. Ntitwakwemera gusigara inyuma mu gihe uyu muryango wari umaze kugera kuri byinshi”.

Ubusanzwe igihugu gihawe kuyobora EAC kiyobora umwaka umwe kigasimburwa ariko Uganda yayoboye imyaka ibiri kubera impamvu zitandukanye.

Muri iyi nama y’ abakuru b’ ibihugu, Christophe Bazivamo usanzwe ari Umunyamabanga wungirije w’ uyu muryango yongerewe manda y’ imyaka 3 izatangira mu kwezi kwa cyenda uyu mwaka wa 2019 nk’ uko byatangajwe n’ Umunyamabanga uhoraho muri Minisiteri y’ ububanyi n’ amahanga w’ u Rwanda Amb. Olivier Nduhungirehe.

Umuryango w’ Afurika y’ Iburasirazuba ugizwe n’ ibihugu 6 aribyo u Rwanda, Burundi, Uganda, Tanzania, Kenya, na Sudani y’ Epfo. Abakuru b’ ibi bihugu bitabiriye iyi nama uretse Sudani y’ Epfo n’ u Burundi.

U Burundi bwari buhagarariwe na Visi Perezida Gaston Sindimwo, Sudani y’ Epfo ihagarariwe na Minisitiri w’ Ubucuruzi n’ Inganda Paul Mayom Akec.


INKURU ZA :
Tanga Igitekerezo
Ibitekerezo 1
RUKUNDO Kuya 4-02-2019

komeza utsinde urashoboye tukurinyuma

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...