konka coffee
KONKA

AMAKURU

UKWEZI
ubumwe

Perezida Kagame yakiriye indahiro z’ abayobozi bashya mu buyobozi bukuru bw’ u Rwanda

Perezida Kagame yakiriye indahiro z’ abayobozi bashya mu buyobozi bukuru bw’ u Rwanda
18-04-2019 saa 13:44' | By Nsanzimana Ernest | Yasomwe n'abantu 3229 | Ibitekerezo

Perezida w’ u Rwanda Paul Kageme yakiriye indahiro z’ abayobozi bashya baherutse gushyirwa mu myanya bigatangazwa n’ imyanzuro y’ inama y’ abaminisitiri abasaba gukorana umurava no kwitangira akazi igihe bibaye ngombwa.

Uyu muhango wabereye mu Nteko Ishinga amategeko y’ u Rwanda kuri uyu wa 18 Mata 2019.

Abarahiye barimo abacamanza : Nkundakuvuga Francois Regis, Hitiyaremye Alphonse bo mu rukiko rw’ ikirenga na madamu Tugireyezu Venantie wo mu rukiko rw’ ubujurire.

Perezida Kagame yanakiriye indahiro ya Emmanuel Ndoriyobijya , Umudepite wasimbuye Kanyamashuri Janvier weguye mu kwezi kwa 3 uyu mwaka, undi warahiye ni Umukuru w’ Ingabo zirwanira ku butaka Lt Gen. Jean Jacques Mupenzi.

Umukuru w’ igihugu yasabye abarahiriye imirimo mishya no kuyikorana ubushishozi.

Yagize ati “Buri Munyarwanda cyane cyane abari mu nzego z’ ubuyobozi, guha umurimo bakora agaciro bikwiye bakawukorana ubushishozi , umurava, ndetse n’ aho bibaye ngombwa ubwitange”

Yakomeje avuga ko buri Munyarwanda azi icyerekezo cy’ u Rwanda aho ruvuye n’ aho rugana. Abwira abayobozi ko bagomba kwihuta mu cyerekezo kandi bagaha umwanya uhagije ibyo bashinzwe.

Perezida Kagame yasabye abacamanza binjiye mu mirimo mishya kubahiriza amategeko no kutavugirwamo.

Ati “Ubutabera , ubudakemwa, kudasumbanya abantu imbere y’ amategeko, guca imanza mu gihe gikwiye kandi mu mucyo no kutavugirwamo”

Perezida Kagame yavuze ko impamvu ibyo abaturarwanda bakora bishoboka kuko baba bafite umutekano, yibutsa ko hari inzego zishinzwe umutekano ku buryo bw’ umwihariko ndetse ko buri Munyarwanda wese ashinzwe umutekano.

Ati “Iyo bidahereye ku muntu wese n’ izo nzego zindi zibishinzwe ntabwo byagenda neza uko bikwiye , ndabasaba ko twese dukwiye kuganisha aho ngaho kuko iyo dufite umutekano n’ ibindi byose biganisha ku majyambere twifuza”.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...