konka coffee
KONKA

AMAKURU

UKWEZI

Perezida Kagame yasabiye abakandida-Depite ba FPR kuzahundagazwaho amajwi

Perezida Kagame yasabiye abakandida-Depite ba FPR kuzahundagazwaho amajwi
23-08-2018 saa 15:41' | By Vincent Nsengiyumva | Yasomwe n'abantu 2656 | Ibitekerezo 1

Perezida wa Repuburika, Paul Kagame akanaba Chairman w’Umuryango FPR Inkotanyi yasabye abaturage bo mu Karere ka Gisagara kuzatora abakandida bawo mu matora y’abadepite ateganyijwe mu kwezi gutaha nk’uko bamutoye umwaka ushize mu matora y’umukuru w’igihugu.

Ibi Umukuru w’igihugu yabigarutseho kuri uyu wa Kane tariki ya 23 Kanama 2018 ubwo yari yajyanye n’abakandida Depide ba FPR Inkotanyi mu Murenge wa Muganza Karere ka Gisagara mu Ntara y’Amajyepfo mu gikorwa cyo gushaka amajwi azabinjiza mu Nteko Ishinga Amategeko.

Mu ijambo rya Perezida Paul Kagame yashimiye abanyarwanda bamugiriye icyizere bakamuhundagazaho amajwi mu matora y’umukuru w’igihugu yabaye muri Kanama umwaka ushize, by’umwihariko abo muri aka karere ka Gisagara, aboneraho no kubasaba gukomeza kugirira icyizere umuryango wa FPR batore abawuserukiye mu matora y’abadepite.

Yagize ati “Birumvikana rero nta kuntu mwaba mwaratoye umukandida wa FPR Inkotanyi ngo abe Umuyobozi w’igihugu ngo nibigera ku babahagararira mu Nteko mwibagirwe FPR!”

Perezida Kagame yabwiye abaturage ba Gisagara ko kubwe abona yaratinze kugaruka kubashimira, ngo ariko byatewe n’impamvu zitandukanye zirimo inshingano nyinshi aba afite.

Yakomeje ababwira ko akizirikana ibyo yabemereye ubwo yiyamamazaga mu matora y’umukuru w’igihugu, ababwira ko biri mu nzira biza ngo kuko imvugo ya FPR Inkotanyi ariyo ngiro.

Yababwiye ko umuhanda wa kaburimbo yabemereye uzatangira kubakwa mu gihe cya vuba hashoboka.

Perezida Kagame yakomeje yibutsa imbaga y’abaturage bo mu karere ka Gisagara ko bagomba guha amahirwe abakandida ba FPR Inkotanyi bari kwiyamamariza umwanya w’Abadepite kugirango bakomeze kubakorera ndetse bazanabashe guhigura umuhigo bahigiye imbere y’abaturage.

Yagize ati “Muduhe amahirwe yo gukomeza kubakorera, muduhe amahirwe yo gukosora ibyaba bitaragenze neza, igisigaye ni ubufatanye n’abaturage kugira ngo tugere kuri iyo ntego.”

JPEG - 140.1 kb

Abantu bari benshi cyane

Perezida Kagame yashimiye abanya Gisagara uburyo bamutoye, anabasaba kuzongera kubikora mu matora y’Abadepite

JPEG - 120.8 kb

Abaturage ba Gisagara bakiranye urugwiro Perezida Kagame


INKURU ZA :
Tanga Igitekerezo
Ibitekerezo 1
Charles Rwakagara Kuya 27-08-2018

Mureke F P R Iyobore Kuko Irashoboye N’iy’abanyarwanda koko reba abantu reba abaturage baje kwamamaza F P R mfite ikizere

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...