konka coffee
KONKA

AMAKURU

UKWEZI
ubumwe

Perezida Kagame yasobanuye uko Museveni yamweretse ko atitaye ku marira y’ Abanyarwanda

Perezida Kagame yasobanuye uko Museveni yamweretse ko atitaye ku marira y’ Abanyarwanda
9-03-2019 saa 14:44' | By Nsanzimana Ernest | Yasomwe n'abantu 4456 | Ibitekerezo 1

Perezida w’ u Rwanda Paul Kagame yavuze ko mugenzi we wa Uganda adashaka gukemura ikibazo cy’ Abanyarwanda iki gihungu gifunga binyuranyije n’ amategeko, agaragaza ko ikintu kimwe cyonyine Abanyarwanda bagomba gukora ko ari ukutajyayo keretse abemeye kujya muri RNC. Yavuze ko Abanyarwanda bafite ababo bafatiwe muri Uganda bamwandikiye amabaruwa menshi bamutakambira nawe akinginga Museveni ngo akemure iki kibazo ntabikore.

Ibi yabivuze kuri uyu wa 9 Werurwe 2019 ubwo yatangizaga umwiherero w’ abayobozi bakuru uzamara iminsi 4 ubera mu kigo cya Gabiro mu karere ka Gatsibo.

Perezida Kagame yagarutse cyane ku kibazo cya Uganda n’ u Rwanda afata igihe kirenga isaha asobanura uko iki kibazo giteye n’ uko Abanyarwanda bakwiye kukitwaramo.

Umukuru w’ igihugu yagaragaje ko Abanyarwanda bafungirwa muri Uganda bagambanirwa n’ Abanyarwanda bagenzi babo bo muri RNC baba muri Uganda. Avuga ko inzego z’ ubutegetsi bwa Uganda zikorana na RNC Umunyarwanda wanze kujya muri RNC ikabwira Uganda ko uwo muntu ari guverinoma y’ u Rwanda yamutumye ubundi agahita afungwa.

Perezida Kagame yavuze ku kibazo cya René Rutagungira ufunzwe na Uganda avuga ko iki kibazo yakigejeje kuri Perezida Museveni agasanga akizi. Kagame yavuze ko Rutagungira na bagenzi be banze kujya muri RNC akaba aricyo bazira. Ngo abamushaka ngo age muri RNC ni uko bamuzi kuko bakoranye mu gisirikare cy’ u Rwanda.

Umukuru w’ igihugu yavuze ko yahuriye na Perezida Museveni muri Ethiopia iki kibazo bakakiganiraho inshuro ebyiri mu minsi ibiri. Yavuze ko abafashe Rutagungira na bagenzi bamushinja ko yari yagiye muri Uganda kwica Abanyarwanda bariyo baba muri RNC.

Perezida Kagame ati “Ariko ibirego bihora bihinduka n’ ubu byarahindutse…ubu noneho amakuru ava ku bavandimwe be n’ uko bavuga ko ngo bamufatanye imbunda.”

Avuga ko kugira ngo iki kibazo age kukimenya ari uko abo mu muryango wa Rutagungira , umugore we na nyina bamwandikiye amabarurwa menshi batakamba ko umuntu wabo wari utunze imiryango yafatiwe muri Uganda.

Bati “Umuntu wari udutunze, utunze imiryango bamufatiye hakurya ntabwo tuzi ibyo aribyo, turakwinginze dufashe utumenyere ibyo aribyo. Bavuga ngo kandi birasa nk’ aho birimo Leta ya Uganda niyo mpamvu tugutakambira nka Perezida ngo udushakire ukuntu aba bantu barekurwa.”

Perezida Kagame avuga ko yegereye Museveni, Museveni akamubwira ngo icyo bamufatiye , bamenye amakuru ko hari umuntu yishe. Kagame ati “Nyamara Abanya Uganda ubwabo bandika mu makuru ko abo bantu bagiye bapfa bicwa na sisiteme politiki ya Uganda, abavuga ngo ni ibihuha byandikwa n’ abatavugarumwe n’ ubutegetsi ibyo ntabwo bindeba ndavuga ibyo bo ubwabo biyandikira mu makuru”

Kagame yabwiye abayobozi ko yahuye na Museveni amaso ku yandi akamubwira ko u Rwanda icyo rureba ari iterambere ryarwo ko ibyo kujya guteza ibibazo mu bindi bihugu nta mwanya wabyo rufite. Akanamubwira ati “Ndabikurekeye ubikemure uko ushaka”

Perezida Kagame yakomeje avuga ko icyo nka Perezida yagombaga gukora ari ukugeza ikibazo kuri Perezida Museveni, ngo kuba yarakimugejejeho ntagikemure igisigaye gishoboka ni uko Abanyarwanda bakwirinda kujya muri Uganda uretse abiyemeje kujya muri RNC. Ngo kuko uvuze ko atavugarumwe n’ u Rwanda bamureka.

Yagize ati “Icyo twagombaga gukora ni ukugeza ikibazo ku bayobozi ba Uganda kandi nakigejeje ku muyobozi wo hejuru njyewe ubwanjye”.

Yongeyeho ati “Iyo umuyobozi mukuru umugejejeho ikibazo ntashake kugikemura, birumvikana ko nanjye kuza kumbwira ikibazo cy’ abantu bafatiwe mu kindi gihugu , by’ umwihariko muri ubu buryo. Nanjye ntacyo nabikoraho”.

Perezida Kagame yavuze inshuro nyinshi baganiraga na Museveni, Louise Mushikiwabo yabaga ahari, ngo hari nubwo yoherezaga General Joseph Nzabamwita, ‘Head of security here’. Yanavuze ko yigeze kwinginga Perezida Museveni ati “Mu nama imwe nabwiye Perezida Museveni ngo ndakwinginze nkoresha iryo jambo ‘Ndakwinginze’ ita kuri iki kibazo ntabwo mbona uko Uganda icyungukiramo, birumvikana natwe ntabwo tucyungukiramo”

Perezida Kagame nawe yashimangiye ko ibyo bavuga ngo u Rwanda rwafunze umupaka atari ukuri.


INKURU ZA :
Tanga Igitekerezo
Ibitekerezo 1
ndababaye Kuya 9-03-2019

pole Mzee wetu Kagame. Mungu atatupa ushindi usijali

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...