konka coffee
KONKA

AMAKURU

UKWEZI

Perezida Kagame yatangije ku mugaragaro uruganda rw’imodoka rwa Volkswagen mu Rwanda

Perezida Kagame yatangije ku mugaragaro uruganda rw’imodoka rwa Volkswagen mu Rwanda
27-06-2018 saa 13:23' | By Chief Editor | Yasomwe n'abantu 6733 | Ibitekerezo 4

Kuri uyu wa Gatatu tariki 27 Kamena 2018 Perezida Paul Kagame yatangije ku mugaragaro uruganda rwa Volkswagen rusanzwe rukorera mu gihugu cy’u Budage, avuga ko ari inkuru nziza kuri Afurika kandi ko bizatuma hakurwaho imyumvire y’uko muri uyu mugabane ari ho hatabwa ibyakoreshejwe n’abandi.

Ubwo yatangizaga ku mugaragaro imirimo y’uru ruganda rugiye kuzajya ruteranyiriza imodoka mu Rwanda bityo Abanyarwanda n’Abanyafurika bo mu bihugu by’Abaturanyi bakazigura mu Rwanda, Perezida Kagame yagize ati: "Ni inkuru nziza kuri Afurika kuko bigaragaza ko inganda zikomeye z’i Burayi zitamenyekanisha ibyo zikora muri Afurika gusa kuko zanahakura abaguzi.”

Umukuru w’igihugu yanavuze ko gukora imodoka nshya bizakuraho imyumvire yo kumva ko Afurika ari ho hatabwa ibintu byakoreshejwe n’abandi.

Uruganda rwa Volkswagen rutangije igice cyo mu Rwanda nyuma y’igihe kigera ku mwaka rutegerejwe na benshi ko ruzatangiza imirimo yarwo yo guteranyiriza imodoka no kuzigurisha mu karere u Rwanda ruherereyemo. Ruzatangira rukora amoko abiri y’imodoka ari yo Hatchback Polo na Passat, nk’uko Michaella Rugwizangoga, Umuyobozi wa Volkswagen mu Rwanda yabitangaje.


INKURU ZA :
Tanga Igitekerezo
Ibitekerezo 4
Kamanzi Kuya 3-07-2018

Ni itekinika tumenyereye bazajya bazizana babeshye ko ko zakorewe mu Rwanda. Ikimenyimenyi ni ibiciro byazo. Muri Africa y Epfo zikorerwa ibiciro byazo biri hasi inshuro 3 mugihe ibiciro mutubwira hano mu Rwanda byikubye inshuro 3.Inyungu ni yihe? ????turambiwe iryo terambere ryo kubeshya gusa.

Nizeyimana Fidele Kuya 29-06-2018

Uruganda rwimodoka mu Rwanda! nibyiza cyane nibirenze ibyo tuzabigeraho peee!!

marc Kuya 29-06-2018

Iri ni iterambeere ku gihugu cyacu. Birashimishije ariko banatubwire aho bazakorera kuko ndashaka kubasura no kuba umwe mu bakiriya bayo ba mbere.

Rugeyo Kuya 27-06-2018

Bazahomba nk’uko Nakumatt imeze ubu.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...