konka coffee
KONKA

AMAKURU

UKWEZI

Perezida Kagame yavuze igice cy’ijambo rye mu Gifaransa mu mujyi wa Abidjan - VIDEO

Perezida Kagame yavuze igice cy’ijambo rye mu Gifaransa  mu mujyi wa Abidjan - VIDEO
21-12-2018 saa 15:01' | By Chief Editor | Yasomwe n'abantu 5548 | Ibitekerezo 1

Ubwo yagezaga ijambo ku bayobozi n’abandi banyacyubahiro batandukanye bo mu mujyi wa Abidjan muri Cote d’Ivoire, Perezida wa Repubulika y’u Rwanda uri mu ruzinduko muri iki gihugu hamwe na Madamu Jeannette Kagame, yavuze igice cy’ijambo rye mu rurimi rw’igifaransa, bishimangira intambwe ikomeye yateye mu gukoresha no kuvuga uru rurimi.

Perezida Kagame wavuze ijambo rye mu rurimi rw’Igifaransa akavangamo n’icyongereza, yashimiye cyane ubuyobozi bwa Cote d’Ivoire uburyo bamwakiriye muri iki gihugu hamwe na Madamu Jeannette Kagame, anashima by’umwihariko icyubahiro bamugaragarije ari nacyo bagaragarije Abanyarwanda atewe ishema no kuba abayobora.

Perezida Kagame yavuze iri jambo rye nyuma yo kugirwa Umuturage w’Icyubahiro w’Umujyi wa Abidjan, akaba yahawe ubwenegihugu bw’icyubahiro ubusanzwe buhabwa umunyamahanga ubonwamo kuba umuntu w’ingirakamaro cyane muri iki gihugu.

REBA VIDEO HANO:

Kuwa Gatanu tariki 12 Ukwakira 2018, Perezida Kagame yagiranye ikiganiro na Radio Mpuzamahanga y’Abafaransa, RFI hamwe na Televiziyo ya France 24, aho yatangarije ko bagize umuryango we, ari we utavuga neza Igifaransa ariko ko hari icyizere ko azagenda akimenya kugeza abashije kukivuga neza.

Icyo gihe yagize ati: “Mu bo muryango wanjye, umugore wanjye n’abana banjye bane, ninjye utavuga Igifaransa. Bo baracyize ku ishuri, njye biracyangoye ariko wenda biziyongera ntawamenya.... Nagerageje kukivuga, nibura nshobora kugisoma cyane. Kukivuga neza nk’uko umuntu avuga ururimi yumva biracyangoye.”

Kuva Umunyarwandakazi Louise Mushikiwabo yatorerwa kuyobora Umuryango mpuzamahanga w’Ibihugu bikoresha Ururimi rw’Igifaransa, abantu benshi barushijeho kugaragaza ko bifuza kumenya biruseho uru rurimi, ndetse na Madamu Mushikiwabo ubwe yagaragaje ko yizeye ko hari abagiye kwiga uru rurimi kubera icyo yise impamvu zumvikana.


INKURU ZA :
Tanga Igitekerezo
Ibitekerezo 1
MUganwa lourette Kuya 27-12-2018

my result

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...