konka coffee
KONKA

AMAKURU

UKWEZI
Minijust

Perezida Kagame yavuze ukuntu yigeze gukomoza ku cyuho kiri mu burezi bakamuhagurukana

Perezida Kagame yavuze ukuntu yigeze gukomoza ku cyuho kiri mu burezi bakamuhagurukana
26-02-2019 saa 09:15' | By Nsanzimana Ernest | Yasomwe n'abantu 5859 | Ibitekerezo 5

Perezida w’ u Rwanda Paul Kagame yavuze ko mu myaka irenga 10 ishize yeretse abashinzwe uburezi mu Rwanda ko hari icyuho mu kongera umubare w’ abanyeshuri bashoboye abashinzwe uburezi bakamugisha impaka, nyamara ngo ntibigeze bahi ndura none n’ uyu munsi icyuho kiracyahari.

Icyo gihe yarimo atanga ikiganiro mu cyahoze ari Kaminuza Nkuru y’ u Rwanda agaragaje ko mu Rwanda abize bashoboye ari bake abashinzwe uburezi bamwereka ko ahubwo ikibazo ari uko u Rwanda ruha akazi abanyamahanga.

Mu kiganiro yagiranye n’ abavugarikijyana bo mu Ntara y’ Amagepfo yavuze ko n’ uyu munsi u Rwanda rutaragira abarangiza amashuri bafite ubushobozi.

Yagaragaje ko mu myaka 20 ishize mu burezi ariho u Rwanda rugira amanota make ku rwego rw’ Isi mu gihe izi nzego zizamuka.

Yagize ati “Rimwe nigeze kuza gutanga ikiganiro muri kaminuza ikiri hano yose. Hashize nk’ imyaka itari hasi y’ 10. Mu byo naganiriye n’ abantu icyo gihe byari birimo, bamwe baranampagurukana, batangira kumbaza impamvu tuvana abantu hanze bakaza gukora mu Rwanda kandi Abanyarwanda tubishoboye.”

Yakomeje agira ati “Ndababaza nti murabishoboye?...Ibihe? …hari umuganga w’ Umunyarwanda wandagaye k’ umuhanda kubera abanyamahanga bake bo mu karere bari mu Rwanda ni mumpe urugero rumwe”

Perezida Kagame yavuze ko icyo gihe habuze ingero z’ abantu barangije bafite ubushobozi badafite akazi mu benjeniyeri, abaganga. N’uyu munsi niko bikimeze bivuze ko nta ngamba zafashwe ngo iki kibazo gikemuke.

Yagize ati “Ikiri aho ni uko abantu bashobora guhindura ikibazo ikitaricyo. Aho kugira ngo ukurikirane ikintu runaka cyakabaye gifite inyungu nyakuri z’ igihe kirekire ukagiteshukaho ukajya ku kindi gishingiye ku marangamutima gusa. Iyo umuntu avuze atyo ni nkaho yavuze ngo hano dufite abantu bize neza none barazana abandi baturutse ahandi bakaza kutubyiga”

Minisitiri w’ Uburezi Dr Eugene Mutimura yemeje ko n’ uyu munsi icyuho kigihari ati “Turacyafite icyuho mu masomo amwe , ni ukuvuga abaganga, abenjeniyeri, bagoronome n’ abandi”

Dr Mutimura yavuze ko gushaka umubare uhagije w’ abanyeshuri barangiza bafite ubumenyi buhagije ari urugendo rugikomeje.

Perezida Kagame yaraye aganiriye n’ abavuga rikijyana bo mu ntara y’ amagepfo , kuri uyu wa 26 Gashyantare arasura akarere ka Nyamagabe.


INKURU ZA :
Tanga Igitekerezo
Ibitekerezo 5
uwato Kuya 28-02-2019

icyo cyuho niba kiri muri UR kuki hafunzwe Gitwe yonyine?

Matts Kuya 27-02-2019

Uburezi bufite ikibazo gakomeye. Gute Umwana atatsinze yimuka...ejo akaba arangije ishuri atazi no kwandika.

Urugero nge nigishije muri 9YBE Aho abana bamwe batashoboraga no gufata notes Ku kibaho!!!!!

Bisubireho abashyiraho gahunda z’uburezi.

Hhhhhh Kuya 26-02-2019

ikibazo cy’ ibikoresho mu mashuri kirihose kbx example: mu ma IPRCs like Gishari,etc .naho azabikurikirane

Brave Kuya 26-02-2019

Mbere yo guhamagara abanyeshuli kwiga bavanze bagure ibikoresho.
Ikibazo n uko abashinzwe ibikoresho by uburezi baterura ngo begure . Akazi ko kwicisha kazakomeze ibikoresho ibyabonetse.
Naho amatewori mwaduhaye turayazi

Brave Kuya 26-02-2019

Mbere yo guhamagara abanyeshuli kwiga bavanze bagure ibikoresho.
Ikibazo n uko abashinzwe ibikoresho by uburezi baterura ngo begure . Akazi ko kwicisha kazakomeze ibikoresho ibyabonetse.
Naho amatewori mwaduhaye turayazi

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...