konka coffee
KONKA

AMAKURU

UKWEZI

Perezida Kagame yazamuye amafaranga ya pansiyo, hari n’abakubiwe inshuro zirenga ebyiri

Perezida Kagame yazamuye amafaranga ya pansiyo, hari n’abakubiwe inshuro zirenga ebyiri
18-04-2018 saa 11:59' | By Chief Editor | Yasomwe n'abantu 15711 | Ibitekerezo 17

Perezida wa Repubulika y’u Rwanda, Paul Kagame, yazamuye amafaranga ya pansiyo n’ay’ibyago bikomoka ku kazi atangwa n’ikigo cy’ubwiteganyirize mu Rwanda (RSSB), muri rusange abahabwa amafaranga macye bakaba ari bo bazamuriwe ku ijanisha ryo hejuru, kuburyo hari n’abakubiwe inshuro zirenga ebyiri.

Iteka rya Perezida No 069/01 ryo kuwa 13/04/2018 ryasohotse mu igazeti ya Leta No 16 yo kuwa 16 Mata 2018, rivuga ko Perezida Kagame ashingiye ku biteganywa n’Itegeko Nshinga n’andi mategeko atandukanye, nk’uko byanemewe n’Inama y’Abaminisitiri, yateranye ku wa 14/02/2018, imaze kubisuzuma no kubyemeza; yazamuye amafaranga ya pansiyo n’ay’ibyago bikomoka ku kazi atangwa n’ikigo cy’ubwiteganyirize mu Rwanda.

Muri iri teka, ingingo yaryo ya 2 ivuga ko amafaranga y’ubwiteganyirize bwa pansiyo n’ay’ibyago bikomoka ku kazi ahabwa uwiteganyirije adashobora kujya munsi y’ibihumbi cumi na bitatu (13.000 FRW) ku kwezi.

Aya mafaranga ya pansiyo n’ay’ibyago bikomoka ku kazi yongerewe mu buryo bugaragaza ko uwabonaga macye yazamuriwe ku kigero kiri hejuru ugereranyije n’uwabona menshi.

Uwahabwaga amafaranga y’u Rwanda ari hagati y’ibihumbi bitanu na magana abiri na rimwe (5.201 FRW) n’ibihumbi icumi (10.000 FRW) ku kwezi, yongerewe amafaranga ku kigero kiva kuri 149,8% kugeza ku 101,04%. Uwahabwaga amafaranga ari hagati y’ibihumbi icumi n’ifaranga rimwe ry’u Rwanda (10.001 FRW) n’ibihumbi makumyabiri (20.000 FRW) ku kwezi, yongerewe amafaranga ku kigero kiva kuri 100,9% kugeza kuri 63,02% ku kwezi.

Uwahabwaga amafaranga ari hagati y’ibihumbi makumyabiri n’ifaranga rimwe (20.001 FRW) n’ibihumbi mirongo itanu (50.000 FRW) ku kwezi, yongerewe amafaranga ku kigero kiva kuri 63% kugeza kuri 34,22%. Naho uwahabwaga amafaranga ari hagati y’ibihumbi mirongo itanu n’ifaranga rimwe (50.001 FRW) n’ibihumbi ijana (100.000 FRW) ku kwezi, yongerewe amafaranga ku kigero kiva kuri 34,2% kugeza kuri 22,1%.

Uwahabwaga amafaranga ari hagati y’ibihumbi ijana n’ifaranga rimwe (100.001 FRW) n’ibihumbi magana abiri (200.000 FRW) ku kwezi, yongerewe amafaranga ku kigero kiva kuri 22,08% kugeza kuri 13,56%. Naho uwahabwaga amafaranga ari hagati y’ibihumbiy’ibihumbi magana abiri n’ifaranga rimwe (200.001 FRW) n’ibihumbi magana atanu (500,000 FRW) ku kwezi, yongerewe amafaranga ku kigero kiva kuri 13,54% kugeza kuri 5,74%. Ni mu gihe kandi uwahabwaga amafaranga ari hagati y’ibihumbi magana atanu n’ifaranga rimwe (500.001 FRW) na miliyoni imwe (1.000.000 FRW) ku kwezi, we yongerewe amafaranga ku kigero kiva kuri 5,74% kugeza kuri 0,504%.

Abasanzwe bahabwa amafaranga ya pansiyo cyangwa ay’ibyago bikomoka ku kazi ari hejuru ya miliyoni (1.000.000 FRW) ku kwezi, bahawe inyongera iri hagati ya 0,502% na 0,071% ku mafaranga basanzwe bahabwa.


INKURU ZA :
Tanga Igitekerezo
Ibitekerezo 17
Muteteri Kuya 24-09-2018

Barebe ukuntu natwe dukwije imyaka 55 y’amavuko baduha ka pansiyo dore izabukuru zirarimbanyije n’indwara nyinshi zinsobe ntakazi ntamibereho. Baduhaye natwe pansiyo byadufasha kubaho neza. Murakoze

Rutayisire Kuya 19-04-2018

Nyakubahwa PAUL KAGAME yitegereje nubushishozi yongerera pansiyo ariko kabando gasunika iminsi yo kubaho kubaturarwanda Imana imwongerere iminsi yokubaho

Nogukomeza kuyoborana
ubwenge rurema yaguhaye buri munyarwanda yisange umubereye igiubizo mu buzima koko abahembwaga make bari barasigaye inyuma .
Nyagasani akwongere izindi mbaraga

Rutayisire Kuya 19-04-2018

Nyakubahwa PAUL KAGAME yitegereje nubushishozi yongerera pansiyo ariko kabando gasunika iminsi yo kubaho kubaturarwanda Imana imwongerere iminsi yokubaho

Nogukomeza kuyoborana
ubwenge rurema yaguhaye buri munyarwanda yisange umubereye igiubizo mu buzima koko abahembwaga make bari barasigaye inyuma .
Nyagasani akwongere izindi mbaraga

Uzazihabwa Kuya 19-04-2018

Biracyaza ndizera ko hazakurikiraho kuzamura imishahara haherewe ku barimu bahembwa make!

ehud Kuya 19-04-2018

Perezida niwe uramutswa igihugu niyo mpamvu tumushimira, rwose Uwizeye wazamura imyumvire

Mami Kuya 19-04-2018

Yes, mwakoze babyeyi, mutekereze no ku mishahara, nimujya muyongeza byaba byiza naho muhereye ku bahembwa make! Mutekereze no ku barezi bigisha mu mashuri yisumbuye bongeye ubumenyi! Bagihembwerwa A2!!!!!

-xxxx- Kuya 19-04-2018

Ni byiza uyu mubyeyi yakoze, Ariko no kongera imishahara byaba byiza bagiye bahera ku bahembwa make.!

-xxxx- Kuya 19-04-2018

Ni byiza uyu mubyeyi yakoze, Ariko no kongera imishahara byaba byiza bagiye bahera ku bahembwa make.!

Coco Kuya 18-04-2018

Rwose Nyakubahwa Perezida wa Repubulika Imana ijye igikomeza amaboko Kuko ibyo ashishoza ngo imibereho y’abanyarwanda irusheho gutera imbere turabibona. Kuko akora Ku nzego zose ngo abana b’u Rwanda babeho neza. Gusa azadufashe no kubibazo byizamuka ry’ibiciro bya minerval y’ibigo byigenga. Kuko bongeza Minerval uko baramutse nuko babishatse.

uwizeye Kuya 18-04-2018

ngirango ni Leta y’u Rwanda yqyongereye si umuntu umwe

Musabimana Kuya 18-04-2018

Turashima Imana cyane kuko hari abahabwa pansiyo bifuzaga ubundi bufasha .

Didier Kuya 18-04-2018

muzehe wacu turamukunda kandi arashishoza arakoze rwose kutwongerera icyizere cyo kubaho, turamusaba kandi ko yadufasha agashyiraho umushahara fatizo wabakozi kuko hariho abakoresha bahemba intica ntikize,

dada Kuya 18-04-2018

Imanayaguhaye ubushishozi,twararenganye pe

Nzabandora Kuya 18-04-2018

Umubyeyi atekereze no ku myaka yo kujya muri pansiyo. Rwose iri hejuru kandi gabanijwe byanatuma na bamwe mu basomeri babona akazi kuko abasaza tuba twagiye muri pansiyo bakadusimbura. Ikindi Tugiye muri pansiyo dufite akabaraga twashobora guhanga imirimo ku rubyiruko!!

Olivier Kuya 18-04-2018

Ibibintu nibyiza cyane habeho ubukangura mbaga kugirango abakoresha babyubahirize, muzehe wacu turamukunda cyane aba yatwitayeho mumpande zose kweri Imana imukomeze mubyo adukorera byiza biduteza imbere biteza nigihugu imbere

Jhef Kuya 18-04-2018

Nibyiza cyane Byaribikenewe

Jhef Kuya 18-04-2018

Nibyiza cyane Byaribikenewe

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...