AMAKURU

UKWEZI
RPF

RBA55: Minisitiri Ngirente yagaragaje itangazamakuru abanyarwanda bifuza

RBA55: Minisitiri Ngirente yagaragaje itangazamakuru abanyarwanda bifuza
19-05-2018 saa 08:45' | By Akayezu Jean de Dieu | Yasomwe n'abantu 1694 | Ibitekerezo 7

Mu gihe hizihizwa isabukuru y’imyaka 55 ‘Radio Rwanda’ imaze ishinzwe, Minisitiri w’Intebe w’u Rwanda, Dr Edouard Ngirente yavuze ko itangazamakuru abanyarwanda bifuza ari rimwe ribagezaho amakuru acukumbuye agaragaza iterambere ry’ubukungu harimo kuvuga ku buhinzi n’ubworozi, imiyoborere myiza n’ibindi.

Minisitiri Ngirente yagarutse kuri ubu butumwa ku mugoroba wo kuri uyu wa Gatanu tariki 18 Gicurasi 2018, ubwo yagezaga ijambo ku bitabiriye ibirori byo kwizihiza isabukuru y’imyaka 55 ya Radio Rwanda imaze ibayeho aho yagarutse ku itangazamakuru ryifuzwa n’abanyarwanda muri rusange.

Amateka ya Radio na Televiziyo Rwanda atangirana na Radio Rwanda muri 1963, aho ibitangazamakuru bya leta byabarizwaga mu cyahoze ari Orinfor kugeza ubwo mu gihe cya Jenoside yakorewe Abatutsi muri Mata 1994, iyi Orinfor yaje gusahurwa na Leta yakoze Jenoside nyuma haza kongera kubaho kwiyubaka bundi bushya hagamijwe kugira ngo itangazamakuru rya leta ryongere kwegera abaturage.

Umuyobozi mukuru w’ikigo cy’igihugu cy’itangazamakuru ‘RBA’, Arthur Assiimwe yavuze ko ubwo hizihizwa imyaka 55 Radio Rwanda ibayeho, muri urugendo rwo kuva ku cyahoze ari Orinfor yari ikubiyemo ibitangazamakuru byose bya Leta kugeza uyu munsi hari urugamba rukomeye rwakozwe n’abakozi b’iki kigo.

Arthur Assiimwe kandi yavuze ko mu myaka itanu iri imbere iki kigo kizakomeza guharanira kubaka ubunyamwuga no kugira itangazamakuru ryizewe n’abarikurikira barimo abaturage n’abayobozi bazanakomeza kandi gutanga amakuru y’umwimerere kandi yizewe

Minisitiri Ngirente yavuze ko itangazamakuru ryifuzwa n’abaturage ari rimwe ribagezaho amakuru yizewe kandi abafitiye akamaro ndetse akanagirira igihugu akamaro muri rusange.

Yagize ati "Abanyarwanda bifuza itangazamakuru ribagezaho amakuru y’ubukungu n’iterambere yo hirya no hino kandi acukumbuye, ayo makuru acukumbuye agaragaza iterambere ry’ubukungu mu Rwanda ninayo abanyarwanda baba bategereje iyo bafunguye radio buri munsi cyangwa televiziyo, ayo makuru rero afasha mu kwihutisha iterambere haba mu miryango yabo cyangwa se ku rwego rw’igihugu muri rusange"

Minisitiri Ngirente kandi yavuze ko mu minsi ishize aribwo leta iherutse gutangaza gahunda ya guverinoma y’imyaka 7 bikubiye mu nkingi eshatu arizo ubukungu, imibereho myiza n’imiyoborere myiza bityo iyi gahunda yose ikaba igomba kwigishwa mu banyarwanda bose binyuze mu itangazamakuru

Yagize agira ati "Bimwe mu byo tubatezeho nabaha nk’urugero, hari itangazamakuru ritanga amakuru ajyanye n’ubuhinzi n’ubworozi rikavuga ku nyongeramusaruro, rikavuga ku mbuto n’aho zihingwa, rikavuga ku majyambere y’icyaro ndetse n’iterambere ry’Umujyi, rikavuga ku bijyanye n’imiyoborere n’ibindi tutibagiwe itangazamakuru ryigisha abanyarwanda imirire myiza no kurwanya igwingira ry’abana bacu"

Minisitiri Ngirente kandi yaboneyeho gushimira RBA n’itangazamakuru ryose muri rusange uruhare ku bijyanye no kumenyekanisha ibiza bimaze iminsi byibasiye u Rwanda n’akarere aho itangazamakuru ryagize uruhare mu kumenyekanisha ahabaye ibiza n’abo byasenyeye ndetse rikagira n’uruhare mu kwigisha uburyo bwo gutura heza.

Radio Rwanda yatangiye ari imwe mu cyahoze ari Orinfor nyuma muri 2013, iza guhinduka Ikigo cy’Igihugu cy’Itangazamakuru (Rwanda Broadcasting Agency- RBA), kuri ubu ibumbiye hamwe televiziyo Rwanda na za radio zirindwi zirimo ikorera i Huye, Nyagatare, Musanze, Rubavu, Rusizi, Radio Rwanda Inteko, Magic Fm ndetse na Radio Rwanda.

SOMA HANO INKURU BIFITANYE ISANO:Mu mafoto: Abayobozi bakuru b’igihugu bitabiriye ibirori by’isabukuru ya ‘Radio Rwanda’


INKURU ZA :
Tanga Igitekerezo
Ibitekerezo 7
Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

Vumiliya Kuya 22-05-2018

Nyakubahwa minister mwiyibagizako imiyoborere myiza ituruka ku byo abaturage bagizemo uruhare? Ariko iyo ibyemezo bifashwe n umuntu umwe bigahita byikubita k umuturage ntakugishwa inama aba ari ubuyobozi bwiza? ????

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...